سوء حظ يونجون لقد ظهرت نتيجة تخرجه النهائية اليوم، ولسوء حظه الأكبر الفندق كله قد علم أنه رسب في مادة وهذا كله بِ فضل كاي الذي اقتحم عليه الغرفة في الصباح وهو يصرخ.
كاي ولد تومورو: ياض يا يونجون، أصحى ياض النتيجة بانت وجروب الدفعة نظرها وأنتِ سقطت .. سقطت يا ولا.
هزه كاي بقوة حتى أسقطه من فوق الفراش.
كاي: يا ولا أصحى، الهيونغات كلهم عرفوا بخبتك أصحى.
فتح يونجون عيونه ونظر لكاي الذي يتمرمغ على الفراش من فرط الضحك.
يونجون: أنتَ مصحيني وعامل الدوشة دي كلها وبتضحك علشان تقولي أنتَ سقطت؟ يا ابني هو أنت حد لاعب في مخك وفهمك أن السقوط حاجة حلوة؟
وبعدين أنتَ بتضحك ليه وأنتَ بتقولي أنتَ سقطت؟ هو السقوط بتاعي كوميدي للدرجادي.
أثناء الحديث كان هاتف يونجون يهتز بقوة فوق المنضدة، فأمسكه وفتحه ليجد رسائل كثيرة على Weverse.
يونجون: الموا عرفوا منين أني سقطت؟
الله الله الله إيه الرسايل دي كلها!
أثناء تقليبه في البرنامج لاحظ أن كاي قد كتب Moment "لقد رسب يونجون يا موا".
يونجون: الله يخربيتك، إيه المومنت دي؟
يا ابني هو أنا خطبت؟ أنتَ عاشق للفضايح لي كدة؟
أنت عندك خلل في المناسبات ليه؟
كاي: يا ولا يا يونجون أنتَ سقطت ورحمة سيدي .. أفهم.
يونجون: يا أخي ربنا يخدك ويأخد سيدك، أنا مالي بيك أنتَ وهو .. وبعدين هو لما تحلفلي برحمة سيدك، أنا كدة هصدقك مثلًا؟ هو كان من القديسين وأنا معرفش! ما تتنيل أنتَ وسيدك بقا.
كاي: مالك يا يونجون أنتَ زعلت ولا إيه؟
ربنا يسترك في السمر كورس وتعدي منها.
يونجون: تصدق إنك عيل ناقص .. يعني أنتَ فضحتني وتقولي زعلت ولا إيه؟ امسح المومنت دي وأنا كدة مش هبقى زعلان .. وبعدين إيه ربنا يسترك دي؟ أنا ساقط يا بابا مش ممسوك في شقة دعارة.
فُتح باب الغرفة ودخل بومجيو يقفز في الأنحاء.
بومجيو: نامجون هيونغ وكوالا عايزينك برة يا ساقط.
يونجون: يا جدعان خلاص والله عرفت إني ساقط، أتكتموا بقى ناقص أمي تسمعنا من هنا.
نهض يونجون وتنفس بعمق ثم خرج للمواجهة.
سوبين: أهلًا بالأستاذ اللي جايبلنا تقديرات F و C و D.
ماجبتش ال E معاهم بالمرة ليه علشان تقفلهم سوى؟
أنت تقرأ
ĸρσρ нστєℓ
Humorاربع فرق ينتهي بِهم المطاف لتشارك جناح الفندق ذاته إلى حين انتهاء الحدث العالمي الذين جاءوا خصيصًا، لحضوره .. ترى كيف سينسجمون سويًا؟ *روايه بالعاميه المصرية* *ذات فصول قصيرة.*
