အခန်း - ၄
ခွန်းရဲ့နှောင်ကြိုးငယ်
ဖြူငယ့်လက်မှ အထုပ်ကိုလက်လွှဲယူသည့်အခါ ကိုကြီးရဲ့ရှည်လျားသည့်လက်များနှင့် ဖြူငယ့်လက်များပေါ်ကျရောက်လာလျှင်ကို ဓာတ်လိုက်သလိုပင် ဖြူငယ်အနေခက်ရသည်။ ဘာလို့ဖြစ်မှန်းတော့ဖြူငယ်မသိပေ။
"ဒါက သမီးလေးနေရမယ့်အခန်း"
"ဝိုးးးကြီးကြီး ဖြူငယ်ငယ်ကဒီမှာနေရမှာပေါ့.."
"အင်းလေသမီးရဲ့ ဘာဖြစ်လို့လဲကွဲ့.."
"အရမ်းကြီးပြီး သားနားနေလို့လေ
ဟုတ်ရဲ့လားကြီးကြီးရဲ့အခန်းမှားနေတာနေမယ်"
"မမှားပါဘူးဗျာ မျက်နှာချင်းဆိုင်အခန်းကကိုကြီးအခန်း ဒီအထပ်မှာ ဒီနှစ်ခန်းပဲရှိတာ"
ကိုကြီးခွန်းကပါ ဝင်ပြောလာ၍ဖြူငယ်လဲ ခေါင်းလေးငြိမ့်ကာ အခန်းကိုလိုက်ပတ်ကြည့်နေမိသည်။
"သမီးဗိုက်ဆာပြီလားကွဲ့ ကြီးကြီးပြီးရင်ထမင်းလာပို့ပေးမယ်နော်.."
"မဆာသေးပါဘူးကြီးကြီးရဲ့... "
"ကြီးကြီးတို့ဒီမှာက ထမင်းဗူးနဲ့အခန်းတံခါးမှာလာချိတ်ပေးထားတယ်ကွဲ့ မီးလေးလာယူစရာမလိုဘူးနော်.."
"ဟုတ်ကြီးကြီး"
ဖြူငယ်အံ့ဩရင်လဲမမှားပေ ဒီကွန်ဒိုကို ခွန်းစေရာကိုယ်တိုင် Design ဆွဲပြီး အပေါ်ထပ်နှစ်ခန်းကို ခွန်းအတွက်တစ်ခန်း ဖြူငယ့်အခန်းကို ဖေဖေနဲ့မေမေရဲ့အခန်းအဖြစ်သုံးရန်စီစဥ်ထားသည်လေ။ ပရိဘောဂနှင့်အခန်းအပြင်အဆင်ကို ခွန်းစိတ်ကြိုက် အကောင်းဆုံးတွေကိုရွေး၍ သေချာဖြည့်စွက်ဖန်တီးထားသည်မို့လား။
ဖြူငယ့်အဖို့ဤအခန်းသည် နတ်ပြည်သဖွယ်သားနားလွန်းနေသည်။ အိစက်သည့်မွေ့ယာနှင့်အခန်းအတွင်း ဖြူငယ့်အကြိုက်အဝါနုရောင်လေးများနှင့်အလှဆင်ထားသည်။ ဧည့်ခန်းတွင်လည်းရှည်လျားသည့်ဆိုဖာများနှင့် မီးဖိုခန်း၊ ထမင်းစားပွဲ၊ ရေချိုးခန်းစသည်ဖြင့်အတော်လေးသပ်ရပ်နေပုံမှာ ဤအခန်းမျိုးကို ဖြူငယ် TV ထဲမှာသာမြင်ဖူးသည်ဖြစ်သည်။
YOU ARE READING
ခွန်းရဲ့နှောင်ကြိုးငယ် 🍀🍀(Completed)
Romanceအချစ်ဆိုတာဘာမှန်းမသိလို့ ကိုကြီးကိုချစ်တယ်ဆိုတာ မသိတဲ့ငယ့်ကို ကိုကြီးအချစ်တေနဲ့အုပ်မိုးပြီး သိလာအောင်လမ်းပြပေးမှာပါငယ်ရယ်....
