ခွန်းရဲ့နှောင်ကြိုးငယ် 🍀🍀(Completed)

Part- 3

အပိုင်း- ၃
ခွန်းရဲ့နှောင်ကြိုးငယ်💛

အိမ်မက်ထဲအမြဲလာနေသည့်ထိုခလေးမ ဘာကြောင့်မှန်းမသိစတွေ့ထဲက သူမရဲ့ပုံရိပ်လေးကမျက်လုံးထဲကမထွက်ပေမယ့် စည်သူမေးသည့်အခါက အမှတ် 20 ပဲပေးခဲ့သည်မို့လား။

သူတွဲခဲ့သည့်ကောင်မလေးများလို ပြီးပြည့်စုံပြီး လှနေခြင်းမျိုးမဟုတ်ပေမယ့် ခန္ဓာကိုယ်သေးသေးလေးဖြင့်ဂါဝန်လေးများအမြဲဝတ်သည့်ထိုခလေးမ။

လှသည်ဆိုခြင်းထက် ချစ်စရာကောင်းသည့်မျက်နှာလေးဖြင့်ထိုခလေးမကို အမှတ်ပြည့်ပေးထားသည်ကို ခွန်းတစ်ယောက်သာသိသည်။

ဘဝမှာဒီလောက်အကြည့်မလွှဲနိုင်အောင် ကြည့်ချင်နေသည်မှာလဲ ထိုခလေးမသာဖြစ်ပြီး အမြဲပဲတွေ့ချင်နေပါသည်။

စတွေ့တွေ့ချင်းစကားမပြောချေတတ်သည့်ဖြူငယ်သည် ရင်းနှီးသွားသောအခါအလွန်စကားများပေါတောတောနေတတ်သေးသည်။ခွန်းစေရာဆိုသည့်ထိုကိုကြီးကို ဖြူငယ်ခင်မိပါသည်၊ အကိုအမြဲလိုချင်ခဲ့သည့် ဖြူငယ်အဖို့ အကိုစည်သူဆိုသည်မှာလဲ ကိုယ့်အကိုလိုခင်ရသည်။
ယခုထိုကိုကြီးခွန်းစေရာကိုလဲ ကိုယ့်အကိုလိုခင်သည်။

အလုပ်ရှာပေးမယ်ပြောပြီး နောက်နေ့တွင် တိမ်လွှာနှင့်ဖောင်လာယူခိုင်းသည့်ထိုကိုကြီးကို တဂယ်ကျေးဇူးတင်မိသည်။
အလုပ်အဆက်အသွယ်များရှိပါလျှက် ဖြူငယ်တို့မိသားစုကိုလျစ်လျူရှုထားသည့် ဖြူငယ့်အမျိုးများထက်တော့သာပေသည်မို့လား။

ဖွင့်လှစ်ရန်အဆင်သင့်ဖြစ်နေပြီဖြစ်သည့် Center အတွင်း တွင်ဝယ် ဝန်ထမ်းများသူ့အလုပ်နှင့်သူအလုပ်ရှုပ်နေကြသည်။

သူဌေးလေးရုံးခန်းသို့စက်စံလျှောက်လာခဲ့ရာ ကျယ်ပြန့်သည့်အခန်းအတွင်းဝယ် ကွန်ပျူတာထိုင်နှိပ်နေသည့်သူဌေးလေးသည် ရှည်လျားသည့်ခြေတန်ရှည်များကို ချိတ်လျှက်ထိုင်နေလေသည်။ ရှပ်အင်းကျီအဖြူကိုလက်ဖျံထိခေါက်တင်၍ တည်ကြည်သည့်မျက်နှာမှာ အလွန်ကြည့်ကောင်းနေသည်။ ဒါကြောင့်မိန်းခလေးများတွင်သာမက ယောကျာ်းလေးများပါ ကြိုက်ကြသည်မဟုတ်လား။