الطالبة والاسمر

البارت الرابع عشر

مساء الخير.
#الطالبة والاسمر

لمحت في عَيناك بَغدادي
وأشيَائي وأمنيَاتي،
وأنا يا أنا مُغرم
بعَيناك كَما اغرمَت ببَغدادي ♡.
♡♡.
رند: اول مرة احس بهيج مشاعر وحنين لشخص مرات اصفن اكول اني جنت رافضة وكفته اصلا شلون كدر يحتل كلشي بية تفكيري كلة بي صرت اريد الدوام علمود بس اشوفة بس رغم ذلك ما خليته يأثر على دراستي جنت اشوف ستورياته طلعاته يصور مرات وهو بالشغل وهو كذلك صرنه بس نشوف ستوريات بعض ومرات بليل اشوفه من البلكونه
ليلة من اليالي كعدت حلمانه بي فزيت روحي تريدة مشاقتلة حييل كمت طلعت للبلكونه كلت بلكي اشوفه باوعت ماكو
رند: خبيث لو يحبني صدك جان عرف اني حلمانه بي ومشتاقتلة ماريدك بعد
لا لا جذب اريدك
تذكرت الدفتر الي اشتريته اخر يوم إمتحانات الصغير رحت طلعته طلعت قلم كتبت

من انا؟
انا التي اعُجبت بذلك الاسمر
كتبت R♡H

سديت الدفتر ورجعت نمت كعدت الصبح ب10 نزلت
رند: صباح الخير
الكل: صباح النور حبيبتي
كعدت اتريك كملت كمت نضفت البيت طلعت للبرة نضفته غسلت الطرمه ودخلت صعدت فوك اخذت ملابس ودخلت للحمام سبحت وطلعت مشطت شعري باوعت علية حيل طولان بنفسي اكصة بس ماما متقبل أكيد دوم اتكلي زينه البنية شعرها حلات البنت بشعرها مشطته ونزلت ساعدت ماما بالغدة وكعدنه نتغدة
محمود: عاشت ايدج ام احمد عالاكل
سعاد: الف عافيه حبيبي
احمد: باع الرومانسيات عمي
رند: حجه ابو النسوان
احمد: بابا الزم رند راح املخهة شنو ابو النسوان
محمود: بابا سامعه علية شي تكليلة ابو النسوان
رند: بابا بعض الاحمد جذاب درجه اولى ابو بنات درجه اولى كلشي كلشي
احمد: ماكو افقر مني تراا
رند: تخرخر بعد روحي
كملنه غدة صبيتلهم جاي دخلت للمطبخ اغسل مواعين كملت لكيتهم مكلمين جاي كلمن صاعد بغرفته اخذت استكانات الجاي غسلتهن وصعدت فوك فتحت السبلت ومددت فتحت التلفون كلبت بالتلفون دحلت للانستا شفته ناشر ستوري مريض فز كلبي عليه رديت عالستوري كتبتلة
آسـم اللہ لو جاسك مـرض
مـآتشـفيـﮯ گلبي بيـهہ ولآبيـگ
مـدآيـدگ آلتسـوه وطـن
دورني بيـن آليـوجعن
آنآ آلمـگآن آلمـآآيـآذيـگ🥺❤
سديت التلفون ونمت كعدت العصر شكد اكره من اكعد العصر قمه الكآبة وجنت ضايجه حيل بالي يم هيثم شلون صار فتحت تلفوني لكيته دازلي
: بنيتي الاحبها حيل ❤.

يعني عرفني. 🤔
عفت التلفون وكمت توضيت وصليت ونزلت جوة اساعد ماما بلعشه لگيته مسويه كبة اموووت عليهة
رند: هاااي شنو ماما الله مسويه كبه
سعاد: اي والله اليوم كلت خلي اسوي كبه صار فترة ممسوين وكلت اساعديني حته انسوي هواي ونحط بالمجمدة
رند: اي ماما
ضلينه الف بيهة وكملنه صار المغرب اذن صعدت توضين وصليت قريت شوي قرآن صارت ب7 ونص نزلت بديت اسوي عشة كليت كبه وسويت فنكر وزلاطه وطرشي كملت خليته بالصالة عالميز صحتهم
رند: بابا ماما احمد كمل العشة تعالو
كعدنه نتعشة
محمود: ان شالله باجر كرم يجينه عندة شغل ابغداد هنا يضل يومين
سعاد: هلا بي
رند: اكلك بابا اريد اروح لبيت خالة سهى كم يوم يم البنات حتى من ارجع ابدي اقرة للثالث ملل الوكت طويل وهم مدام الي واهس
محمود: يي بنيتي ادللي فد 4 ايام. بس اكمل شغل عندي واخذج
احمد: لا ليش اني اخذهة واذا تريد باجر
رند: لا بابا ياخذني من يكمل شغلة
احمد(بخزرة): براحتج
كملنه عشة كمت غسلت مواعين ضوجه وين اروح خلي اخابر شهد صعدت فوك دكيت عليهة
رند: هلا ولج شلونج
شهد: وجعع لا هلا تمام الحمدلله انتي شلونج
رند: ضوجهه فول اريد اداوم
شهد: استغفر الله يربي باع ورانه ثالث يشك الحلك عود كولي ضوجه
رند: احمم بما انو ماكدر اضم عليج شي
شهد: والله عرفتج مو خالية احجي احجي
رند: حجيتلهة على هيثم وكلشي صار من يوم رحت للعمارة لحد اخر شي
شهد: هلاا هلا كل هذاا واني غافلين الكم اللهه
رند: مصار وكت اكلج يخبلة
شهد: ييي عمي نضرات وكذاا وبلكونههه اخخ سويتو بية جفاف
رند: مادري فجاة احس كمت افكر بي شغل عقلي تفكيري كمت اريد الدوام علمود اشوفه
شهد: لالا الامور طيبة ومتطورة واني ماكو اخخ يخاينهه
رند: بالي يمه مريض
شهد: روحي سويلة كمادات مسدي على شعرة ههههههههه
رند: وجعع اني صوجي احجيلج
شهد: احمم عود سؤال يعنيي
رند: عود جواب
شهد: تذكرين بيوم النتائج من جان واكف واحد ويا منو هذا
رند: استغفر الله يربي واني شمدريني
شهد: يي هم صدك والله غبائي موهبة
رند: وليش تسألين عينييي هااا كولي كولي ست شهد
شهد: مادري اجه ابالي هل سؤال المهم شوكت عرسكم
رند: عزاا يا عرس
شهد: انتي ونسيبنهه الغالييي
رند: لما يتعافة مريض هسة ههههههههه
شهد: ههههههههه
رند: هفف والله ملل شسالفهه الواحد وين يولي قابل
شهد: يي والعباس مو عندج كتب اقري ام الثقافة التنمية
رند: يي والله ناسيتهن اصلا امشي ولي اروح اقرة لعد
شهد: كبر باي