الطالبة والاسمر

البارت الواحد والعشرون

مساء الخير حبايب.

عَيونُج جَن صلات اليل
بيِهن يسَتلذ بس اليِحب الله.
_________________________

رند: شفت رسالة من حساب غريب وعلى الانستا هم استغربت حساب ولد كاتب (هلو شلونج.
اني احبج ونيتي حلال وياج)
ضليت صافنه شنو احبج شنو نيتي حلال منو هذا اصلا!!!
ماانطيت اهمية للموضوع راسا بلوك.
ذبيت التلفون وكمت نزلت جوة جانت الدنيا مغرب
يوم سبت لكيتهم كاعدين بالصالة ماما وبابا واحمد
رند: هفف والله ملل
احمد: يي والله
رند: منين لحكت تضوج منين الصبح بالكلية والعصر دايح
احمد: بابا شوف بنتك شلون تحاجيني
محمود: ترا كلامها صحيح بعدين تعال وين دتطلع العصريات
احمد: يابة وية يعني يم الولد اطلع
محمود: خفف طلعات
احمد: ان شالله يابة
رند(بهمس): ها احسلك لو ساكت اخخ
احمد: اني اعلمج ام لسانين
محمود: تعالي حبيبتي يمي ليش ضايجه
رند: رحت كعدت يم بابا حضنته
مادري بابا ضوجه
محمود: تردين تطلعين
رند: لا
محمود: لعد
رند: مادري ماما شنو راح تسوين عشة
سعاد: من الضوجه للاكل مادري
رند: خلي نسوي دولمه اشتهيتها
سعاد: هية طيبة عادي بس بهل ليل خاف تأذي معدتكم
رند: يي عادي تردون اسوي
محمود واحمد: سوي
احمد: لحظه لحظه انتي حتسويها
رند(بغرور): نعم اني ليش متقبل مثلا
احمد: لا بس خايف على معدتي
رند: نجب نجب احلا دولمه من ايدي اليوم تاكلون.
كمت رحت للمطبخ اول مرة اطبخ طبعا اني بس اباوع من جانت ماما تسويها احس تعلمت
طلعت لحم والخضراوات وكعدت احفر بيهن
كملت سويت حشوتها وكعدت الف كملت وخليتها عالنار طلعت من المطبخ
احمد: يمهه عبالك جانت تحارب
رند: كملتها
سعاد: يمه جان خليتيني اساعدج شسالفه
رند: لا ميحتاج مو تكولين اعتمدي على نفسج
سعاد: يي اني كلت بس غير لما تخلصين دراسة
رند: مادري شو اجاني الوااهس هسة
احمد: هههههه عوفيها يمه على هاي دخلتهة للمطبخ بعد سنه متفوت
رند: هههههه شكد خبيث ولا تشجع
احمد: لج اني غير خايف على معدتي من هسة
رند: نزول عليك اطمن اليوم تاكل احلا دولمه من ايدي
احمد: اليون نازلة يمنه ولج شنو ماعندج دراسة
رند: لا درست من البارحه وخلصت
احمد: اجتي ابالي فكرة
رند: وهي
احمد: نطلع بليل
رند: نفرفر
احمد: يي لو اخذ الولد واطلع اختاري عالسريع
رند: وجع انطي مجال. بابا عادي نطلع اني واحمد بليل نفتر بالمول ونرجع
محمود: يي بابا روحو بس مو تتأخرون
احمد: لالا منتأخر
رند: اكوم اخلي الدولمه عالنار لعد
كمت خليتهة عالنار صعدت فوك اخذت ملابسي ودخلت للحمام سبحت طلعت احس، بردت شوي جنه بشهر ال10 نص بي تقريبا. نسمه برودة بالجو هل ايام. مشطت وتعطرت واخذت تلفوني ونزلت
رحت شفت الدولمه صورتها نزلتها ستوري. ورا تقريبا نص ساعه كملت الدولمه كعدنه ناكل
محمود: عاشت الايادي باباتي
رند: يروحي بابا الف عافية
احمد: والله وطلع براسج خير وتعرفين تطبخين
رند(بغرور): من يومي طباخه
احمد: اهو راح تتكبر علينه بعد شيخلصنه بعد
سعاد: يمه مو هياته شحلاته طبخج وتكولين ماعرف
رند: مادري ماما مرات احس كلشي مااعرف
ضلينه ناكل ونسولف
احمد: يمه شنو ممشتاقة لخالتي سهى
سعاد: يي والله يمه يرادلي روحه
احمد: اني اوديج شوكت تردين
سعاد: خلي فد اسبوع بعد
رند(بهمس): يلملكوف المفضوح الصم واكل
احمد: غير مشتاق لخالتي
رند: امم كلش بعد روحيي ميت شوك لخالتك هو انته سائل عليها مخابرها
احمد: اقوي علاقتي
رند: ماانصحك
احمد: دنجبي نجبي
رند: وانته هم انجب عزيزي
كملنه اكل كمت اخذت المواعين للمطبخ غسلتهم علساس داروح ابدل
احمد: بطلنه منطلع
رند: ليش
احمد: صديقي مسوي حادث
رند: هو خطية بس ميسوي الة هسة يعني
احمد: صارت بعد خيرها بغيرها
رند: تمام روح روح
رحت يم كعدت يم بابا وماما شوي ودخلو نامو اني هم رتبت الصالة طفيت الاضوية وصعدت فوك بغرفتي مددت عالجرباية دكيت على بنين من شوكت محاجين انسة اخابر البنات دوم شكد عيب منهن
رند: هلو
بنين: عاش من سمع هلصوت يا بذاته يا حقيره انتي بنت هم انتي اخخ يمه تعبت شكد حجيت
رند: حقج والنبي حقج بس انسه اخابركم شلونكم شخباركم
بنين: والله زينين الحمدلله العائلة الكريمه جوة اني فوك عود دااقرة امتحاني باجر فيزياء شهر اول ماقريت باليومي وحصرة الجلب عندي تقرة مليون عندي
رند: نفس الحصرة مريت بيها اخخ شخبار البنات الولد العمام
بنين: الحمدلله بخير عندج هل مايعه حور (حوراء) كل كم يوم بطني معدتي اذاني وحايرين بيها تزرفت من الابر
رند: ياا خطية مابيها غير العافية ان شالله
بنين: هو خطية تمرضت بس والنبي تستاهل لج متدير بال على نفسها لو تسبح وتلبس خفيف لو تاكل موطه وتدري حتتمرض
رند: عادي عادي هههههه
بنين: هاا شوفي اجت.
حوراء: وجع دتحشن بية مو
بنين: مع الاسف يي
حوراء: باع تحجيها عينك عينك
انطيني التلفون انطيني
هاا ولج بت محمود شلونج
رند: هلا تمام الحمدلله انتي شلونج
حوراء: مريضة شوي
رند: كالتلي بنين لو تسمعج امي على شنو دتتمرضين جان كالتلج لا هواي تزوجتي وخلفتي هههههه
حوراء: هههههه ميحتاج يول كل يوم اسمعها اذا مو من امي من بيبي وعادي عندي الوضع كلش طبيعي
رند: هاهية شبعي رزايل لعد.
ضليت اسولف وية البنات ودخل حارث عالخط شبعنه سوالف وضحك يصنف على حوراء لان مريضة. تقريبا ساعه وسديته منهم. دخلت اشوف الستوري مالتي شفت هيثم شايفه كلبي دك حيل رحت لحسابه اكلب بمنشوراته اخر شي سديته ونمت
ثاني يوم الاحد دوامي صباحي كعدت ب 7 غسلت وبدلت ونزلت اتريك ب7 ونص اجت شهد
رند: صباح التفاؤل والسعادة والنشاط
شهد: استغفر الله ربي انتي متملين من كليشة كل يوم
رند: هههههه وجع مو صوجج غير حتى ابديلكم اليوم بتفاؤل والسعادة
شهد: دمشي امشي ام التفاؤل
رند: الجو مغيم جان يجنن اعشق هيج جو دنمشي وكامت تمطر خفيف حييل كمت اغني