الطالبة والاسمر

البارت الخامس والعشرين

مساء الخير حبايبي
مشتاقتلكم كلش هواي.

معنىٰ القمر الليل ،
ومعنىٰ الليل أنتِ ..
طوال فترة غيابكِ
أخبرتُ الليل بهمي دائماً
وكلما أخبرتهُ
أصبح أكثر ظلاماً من خجله
ربما في تلك اللحظة ..
فكرتُ بأننا ننظر الىٰ نفس القمر
كلانا ..
ربما الليل يخبركِ شيئاً ما عني
ربما ذات لحظة أخطر علىٰ عقلكِ
ربما أكون دمعة في عينيكِ
أو غصة في نَفَسَكِ
أنا دائماً أخبرتُ الليل عنكِ انتِ
و لـ الآف الليالي.

رند:- انصدمت صدمه عمري هاي شنو وشديصير!!!!
دخلت لحساب هيثم ابشرة بنجاحي وقبولي اجي الكا خاطب
يربي صبرك هاي شنو اكيدد اكو غلط بالموضوع يارب مو حسابة واطلع متوهمه.
رجعت شفت الحساب مع الاسف خابت كل ضنوني حسابة وكع الموبايل من ايدي
تصنمت بمكاني شلت الموبايل من الكاع كاتب:
الحمدلله الذي تتم بنعمته الصالحات وصورته  بس شكله ذبلان حيل هاي شبي صاااحي.
متحملت رحت راسلته
_ هاي شنو هيثم  شديصير
ورا خمس دقايق شاف الرسالة وحضرني
تخبلت بالزايد بس دموعي تنزل
صح احنه ما جمعنه كلام هواي بس والله جان يحبني حب حقيقي نضيف شصار هسة شتغير. ضليت بصدمتي. سكرنت المنشور ودزيته لشهد  جانت فاتحه نت ورا دقايق دكت علية
شهد:- تشاقين مو
رند:- ياريت شقه
شهد:- عزاااااااااا لج شلوون  فهميني
رند:- جان اني فهمت
شهد:- لا اني صدك مصدومه وذيج الستوريات والحب والوكفات سنتين والحسراات الجان سابع جار يسمعها والتكشخ هذا كله وين
رند:- ضليت ساكته
شهد:- هذا بكوم ومن لح يخطبج بكوم ثاني شديصير يولو
رند:- حتخبل ليش يعني من حبيته صدك وتعلقت بي هيج يصير
هيثم اول شخص احبة ويدخل حياتي واتعلق بي سلمته كلبي وتفكيري سنين تالي هيج يصير!!
شهد:- خررب بعمامي كلهم مو بس عمي خما راسلتي ولج
رند:- ييي مجرد ماشاف الرسالة حضرني
شهد:-انوووب يعني هو ابو الراهي توقعت كلشي الا هااي
رند:- واحد نذل وتافه وحقيررر
شهد:-وملعب وابو بنات الحقير. مدام هو هيج طلع استاذ وليدو شيطلع شيخ نفسه والنبي
رند:- شجاب الجاب يول
شهد:- يي مدام ابن خالته صديقه  واخو روح بالروح اكيد يشبهة نفس افكارة افعاله
رند:- ماادري
شهد:- حب 4 سنوات  شلون تخطى عزااااا
رند:- كولي اني شلون حتخطى
شهد:- والله يااختي تتخطين وتنجبين ولا كأنج بيوم شفتي وعرفتي
رند:- شهد اني مذابة نفسي علية والنبي بس صعبة
شهد:- حبي هل حب والتعلق شدتها اول كم يوم وترجعين مثل الاول واحسن وحتدخلين كلية تلتهين
رند:- ماادري الله كريم
شهد:-الله كريم بعدين نجبي ممتعودة عليج هيج سلبية وجعع ارجعي مثل قبل لا اجي اموتجج
رند:-هههههه خلاص حرجع
شهد:- تمام يلا ديصيحوني باي  حب
رند:- باي عمري
سديته من شهد واني بعدني مصدومه
شلون كدر يخطب ويعوفني زين منو هل خطبها اريد اعررف حتخبل يربييي

: غطاني بسوالف عشگ نومني خجلانه.

صفنت وكعدت وية نفسي كعدة طويلة.  هيثم صح حبيته وروحي صارت بي تالي ماقدر ولا احترم هل حب وراح طزز بي مو اني الاركض ورا شخص ميريدني ممجبورة احب انسان التهى عني وشاف حياته ومستقبلة وابقى معلكه بي الا انتقم منك يا هيثم تحرك كلبي شلون انطاك كلبك!
نفضت افكاري وكمت سبحت وطلعت لبست تراك ووكفت المراية رتبت وجهي وكلت ماامسح دموعي اني امسح الي يفكر ينزلهن.
نزلت جوة.  لكيت بابا وماما واحمد متجمعين بالصالة
محمود:- هلا بحبيبة ابوها
رند:- هلا بالعشقق
احمد:- يمه باعي ابوية شلون منطلق بالغزل تكولين محروم جان
سعاد:- خلي مندمج
محمود:- كبرت بنيتي وصارت طالبة جامعية بنيتي الصيدلانية
رند:- يروح بنيتك احمم الصيدلانية رند محمود لحد يحاجيني
احمد:- اهوو شيخلصنه بعددد
رند:- بذات انته ههههههه
الكل:- ههههههههه
احمد:- احم يابة عندي موضوع وياكم
محمود:- كول ابني
احمد:- اني قررت اتزوج
رند:- على كولة شهد عزاا وكلللوششش اخوية حيتزوج
محمود:- ومنو راح تزوج
احمد:- مريم بنت خالة سهى
محمود:- خير ان شالله بوية
سعاد:- يوم عيد وعرس وافرح بيك فرحه عمري احمد
احمد:- حبيبتي يمه خابري خالتي وكلليها
سعاد:- يي اكيد يمه يفرحتي بيك
رند:- يي عفية تزوج عاد حمضت على كلبي حتدخل ب30 سنه
احمد:- نجبي ولج كل عمري 26 غير جنت اكون نفسي
رند:- ييي هنا وياك حق لو جنت ممكون نفسك جان من تقدمت لمريم  ارفضك اني
احمد:- ترا مريم العروس مو انتي
رند:- لا مو اني البيست والمقربة الها فا الي حق ارفض او اقبل
احمد:- استغفر الله ربي صبرني
رند:- على مابلاك طبعا
كمت من يمهم صعدت فوك دكيت على مريم
رند:- احك هلا بعروستنه
مريم:-هلا بحماتي هلا بالعشقق يول
رند:- باع الملكوفه  مقدما مبروك حتصيرين يمي
مريم:- يروحي الله يبارك بيج يول الالج واخلص منج
رند:- سالفتي مطولة كلش
مريم:- ادورلج عريس من يمنه
رند:- شكرا خلي اكمل صيدلة اول
ضلينه نسولف شوي وسدته منها رحت لبيت جدي
البيت هدوء داامشي بالممر شفت اياد
اياد:- الحمدلله والشكر بقة بس الحلم ماشفتج بي
رند:- صدك تعال انته مو عدكم بيت شعندك اربعه وعشرين ساعه هنا
اياد:- بيتي الثاني يول بعدين انتي شعندج تفرفرين ماعدنه بنات تفرفر يلا للبيت ههههههه
رند:-ههههههه صدك يول البنات وين
اياد:-رجعن من الكليات ب2 ونص تغدن ونامن لج صدك اكو اخبار تطك بالكاع
رند:- يي بلة
كعدنه بالمطبخ عالميز
اياد:- لج هذا سامر كرايبنه من بعيد حيل مو صارلة شهر مختفي طلع متواعظ وبة حبيبته بمكان وشايفي ولد عمها ومكسري تكسر
رند:- عزاااا صدك واخبار بيت سامي بما انو انته الشرقية نيوز
اياد:- ابنهم خطب وفسخ  وبنتهم الجبيرة تزوجت والاب والام بالعمرة
حوراء:- يي شبيها بنتهم الجبيرة استاذ اياد
اياد:- سلاما قولا من رب الرحيم منين طلعتي انتي
حوراء:- من  جوة الكاع
رند:- امم وانته منين  تعرف هل اخبار
اياد:- بابا اني اياد  ميصعب علية شي
حوراء:- يي صح خلي اخبارك تفيدك
رند:- شكلة الجو تكهرب اني اروح وتفاهمو انتو اعزائي
اياد:- اني اعلمج  ام كفشة.
رند:- ضحكت عليهم وطلعت
رجعت لبيتنه مر اليوم طبيعي بقت كسرة وغصة هيثم بكلبي بس حاولت اتناسة قدر الامكان انقطعت عنه تماما حساباته كلهن حذفتهن  شهد جانت الملجئ الاكبر الي من بعد ربي دوم جنت بالبداية من احن واشتاق اروح الها تنصحني بكلامها
ورا اسبوع بدة الدوام.  الحياة الجامعية حياة تختلف تماما عن المدرسة وكلشي. 
ممصدكه حققت حلمي ورحت صيدلية بيوم الي لبست بي الابكوت شريط حياتي وتعبي بالدراسة صار كدام  عيني
فعلا استحق هل مكان تعبت وذبيت اضعاف حيلي.  ووصلت للي اريدة
بلشت اداوم مرت اول 4 اشهر بالدوام  عادي جنت سجاجه القسم اي شي يحتاجو يجون علية اني وكم طالب وطالبة صرنه كروب يسموني فرفوشة وسجاجه الشلة  .  فعلا التهيت بالدوام والدراسة اولها صعب جان تالي تعودنه
شهد  داومت طب بغداد هم التهت بدراستها. 
دخلنه سنه 2021. ودعت سنه 2020 ببدايتها الحلوة ونهايتها المُرة الف الحمدلله على كل حال.  بهل فترة احمد خطب مريم جنت حيل فرحانه اختي وصديقتي المقربة وبنت خالتي حتصير مرت اخويه ورا بشهر اياد خطب حوراء. 
كملت مرحلة اولى ودخلت بالمرحلة  الثانية ايام الدوام طبيعية تمر بين الكوزات واكيد مننسى الصور دوم نصور اني والشلة تقوى واريام  وزملائي بالكروب ويانه رأفت وهشام ويونس
اليوم كعدت ب5 عندي امتحان راجعت لل6 ونص كمت بدلت ونزلت تريكت اجه علية الخط وصلت للكلية  لكيت البنات ينتضروني
تقوى:- والله لو متأخرة شوي جان من عفناج ورحنه ناكل
رند:- باع الخيانه عينك عينك
اريام:- ولجن ممتريكه والامتحان بعد  ساعه  شلون امتحن واني جوعانه
رند:- الحمدلله والشكر ربي من شفتج  وشفتيني انتي جوعانه شوكت تشبعين مادري.
واكفين دنسولف اجو الشباب
رأفت:- صباح الخير بنات شلونكم
البنات:- هلا صباح النور
هشام:- السجاجه عندي مافاهمه  اريدج تفهميني كم نقطه
رند:- يي يلا جيب الملزمه
هشام:- انتو سبقونه للسنتر واحنه نجي وراكم
رند:- راحو البنات والشباب كعدنه عالمسطبه اني وهشام كعدت اشرحلة اباوعله شو متوتر وكل شوي يمسح بوجهه
كملت شرح كمت دااروح. دامشي استوقفني كلامه
هشام:- رند عندي موضوع وياج
رند:- تفضل  احجي
هشام:- رند اني معجب بيج واحبج من العام   اريد اتقدملج
رند:- حجه الكلام دفعه  وحده صفنت بوجهه
هشام:- لتنطيني جواب هسة فكري شكد متكدرين
رند:- لا هشام خليني احجي
باوع هشام انتَ شاب كامل والكمال لله بس اعذرني حاليا مااريد اي ارتباط بحياتي لاسباب ما الله يوفقك ويسعدك ويه غيري  .  مو قصدي اجرح مشاعرك واهين حبك الي  بس اني ماعندي اي مشاعر تجاهك اشوفك اخ لا اكثر لا اقل
هشام:- تمام اعتبري نفسج مسمعتي اي شي
رند:- بعدنه واكفين  مااسمع غير صوت وراي 
كرم:- شديصير هنا
رند:- انت الشعندك هنا
كرم:- جيت اشوف شديصير هنا دازينج تدرسين لو واكفة تسولفين
رند:- تفكيرك الوصخ بطل منه بعدين انت شدخلك
هشام:- سوء فهم اخي انت فاهم غلط
كرم:- انته خليك على جهة
رند:- هشام  بعدين نحجي
هشام:-  اترخص اني
رند:-  راح هشام مشة شوي بعيد عنه التفت لكرم الجان كتلة من الاعصاب
انت شعندك تفرفر  وراي ها
كرم:- شعندج ويا هذا
رند:-  ماعندي اي شي ومو من حقك تسأل
كرم:- الي حق ونص  ابن عمج
رند:-  ابن عم ابوية انته وبعدين تشك بيه
كر:- لا شك  ولا فتك امشي كدامي للبيت
رند:- كرم عندي امتحان ووخر من كدامي عاد
كرم:- الي ومتصيرين لغيري
رند:- افكر  بالموضوع
كرم:  صدك
رند:- عفته ومشيت لكيت هشام ينتضرني
هشام:- رند اني اسف سببتلج  مشكلة
رند:  لا عادي مصار شي
رند:- رحنه للسنتر نمشي سوة هدوء  ساكتين كل يوم سوالف وضحك  اليوم عكس الايام الباقية
هشام:-  مااريد هل موضوع يقل صداقتنه
رند:- ولا اني ممتعودة ترا
هشام:- نرجع صداقة واخوة مثل قبل
رند:- واكثر
هشام:- سجاجتنه هههههه
رند:-  اطول واحد بالشلة هههههه
وصلنه للسنتر دخلنه كعدنه ناكل انوب رحنه للقاعه نمتحن االاسئلة نوعا ما سهلة اباوع للوجوه صافنين عبالك جاية من المريخ  طلعنه من الامتحان
رأفت:- بشرو حمامه غراب
اريام:- غراااب
تقوى:  حمامه سودة
رند:- حمامه بيضة
يونس:- ولا تكعد راحه السجاجه
رند:- بابا اني خما مثلكم مااقرة غير بوقت الامتحان 
هشام:- والله البارحه سهرة اني والملزمه
رند:- كملنه المحاضرات خلص الدوام ورجعت للبيت 
ميته تعب طبيت ذبيت ملابسي ونضفت البيت غسلت الطرمه صعدت فوك سبحت وطلعت  دكت علية شهد
شهد:- لج رندد صدمههه اليوم
رند:- ها ولج شصار
شهد:- عيني داامشي بأمان الله بالكلية الشلة ممداومه اليوم امتحان وماجايين عكس الدنيا اني داومت فا داامشي جان اسمع وراي
وليد:- هلا بدكتورة كلبي
شهد:- انته شجابك هنا وشلون دخلت
وليد:- وليد اني ميصعب علية شي
شهد:- شتريد مني
وليد:- احبج نيتي حلال وياج رايدج على سنه الله ورسوله
شهد:- مااصدك بيك منا لهنا هو هيثم حب رند  سنين وضل يهوبز اني واني تالي فلت بريشاته
وليد:- لتحكمون على شي وانتو متعرفون شديصير
شهد:-  رجاءا لتدافع عنه هو منو يحمد بالعروس غير امهة وخالتهة.  قبل ليرد عفته ومشيت
بس عزااا  ولج رند يجنن صاير هل وليد بس التافه الحقيرر الخاين مثل صاحبة اكيد
رند:- يول احتمال صدك يحبج
شهد:- مااريد اي حب هسة شبيها حياة السناكل فدوة لله تجنن
رند:- يي والنبي بال صاافي
ضلينه نحجي شوي وسديته.  منها دخلت للانستا واحد مراسلني عالخاص راسا حضرته دخلت دااشوف المحضورين هيثم شايل  الحضر عني
طزز بيك اصلا.
ونمت وكعدت المغرب ب6  راسأ اجه ابالي هيثم
وين صار هسة وين صفه بي الوكت  صار، سنه من تفاركنه وكلمن مشة بدربة هسة من يتذكرني من اجي ابالة شيكول معقولة ذيج الوكفات والصفنات. والحسرات  كلها راحت بالهوى رغم مشت حياتي بعده بس ضل الة ذكرة بكلبي ولسة اريد انتقم منه وارد الصاع صاعين فكررت وفكررت
فكرت بأغبى انتقام سويته ومشيت بي.  عقلي وية جان بذاك الوكت معرف
اجه ابالي كرم خابرته وكلتلة....