تناهيد عشق

حروف اسمك

بين حروف الأبجديه تاهت حروف اسمك
ولما جمعت الحروف توهت انا في وصفك
بين الالف والياء في حروف كتير ساكنه
وانا في سكون الليل سهران انا وصورتك
سامع صدى صوتي وانا بقول اسمك
حتى حروف الجر  خضعت أمام حسنك
اصل الدلال والدلع مخلوق عشان خاطرك
ياابو العيون الكحيله اسمحلي من فضلك
اوشم حروف اسمك على صدري واشرحلك
كل الحروف صماء عدا حروف اسمك

بدون شك كل شخص فينا محتاج للأمان والسند محتاج للسلام الداخلي وانه يلاقي نفسه فعلا وسط ناس بتحبه وتخاف عليه ومهما غلط او دايقك بتتحمله وتوجه للطريق الصح بس بتبقى كسره نفس ووجع جواك مستحيل يطيب او يشفا ويداوا لو كان سندك وأمانك هو سبب تعبك او انه يقلل منك ودايما يعاتبك ويعايرك بأنه عمل عشانك وسوا عشانك كتير وكأنه منتظر منك رد الجميل الي عمله معاك رغم انك عملت عشانه كتير وممكن تكون جيت على نفسك عشان ترضيه  وقتها بس بتحس انك ولا حاجه وان سندك هو وجعك وف الحاله دي الرحيل اسلم حل لما تختاروا حاولوا تختارو صح اختاروا الي يستر عيوبك ويكمل نقصك ويبقي امين على اسرارك وعمره ما يقل منك أو يعايرك بعيب او بغلطه...
الراقي