تناهيد عشق

فطره انسان

شيء جميل جدا انك تلاقي الشخص المناسب الي تسند عليه ظهرك الي يطمنك وقت خوفك الي يتحمل كل شيء عشانك الي يتقبل عيوبك قبل مميزاتك الي ميعيركش في يوم بنقطه ضعفك لو لقيت الشخص ده امسك فيه بايدك واسنانك لانه لو بعد عنك مش هتلاقي زيه طول حياتك الشخص ده بيكون نادر الوجود وبيجي في العمر مره واحده ومستحيل تعوضه عشان كده اختار صح

@  هو انتي فاكره لما تقوليلي مش عوزاك هسيبك في حالك
= اومال هتعمل ايه ما هو مش بالعافيه يعني
@ اكيد مش مجبره تفضلي معايه بس مجبره انك تفهميني ايه سبب قرارك المفاجئ انك مش عوزاني
= اعتقد مش هتفرق كتير وافرض حتى لو عرفت ايه الي هيتغير
@ هيتغير كتير لو كنت غلطان في حاجه احاول اغير من نفسي لو حاجه دايقتك او زعلتك احاول اصلحها او ابرر موقفي
=  هسألك سؤال
@ اتفضلي
=  انت متمسك بيا ليه كده
@  انا متمسك بيكي عشان انا ابن أصول متمسك بيكي عشان حبيتك بجد متمسك بيكي عشان لقيت نفسي معاكي متمسك بيكي عشان انتي محتجاني متمسك بيكي لأنك ملكيش غيري
= ولما انت عارف كل ده وعارف انك كل حاجه بالنسبالي بتوجعني ليه بتقسي عليا ليه وتخليني مش على طبيعتي ودايما خايفه انك تسيبني وعشان كده قررت انا اخد الخطوه دي قبل ما تاخدها انت وتكسرني
@ عارفه اني كنت منتظر اللحظه دي من زمان ومستني اسمع منك الكلمتين دول عارفه انا احل اشوفك خايفه عشان اطمنك واقلك انا جنبك دايما وانا امانك تتوقعي ان ممكن في يوم من الايام حد يقدر يتخلى عن قلبه طبعا لا انا بقى اتخليت عن قلبي وخليته في حما الله ومعاكي
= اوعدني متسبنيش ومتوجعنيش
@ اوعدك اكون جنبك لحد اخر يوم في عمري زي الوش الي على ايدك باول حرف من اسمي
=  بحبك ويلا بينا ناكل عشان جعانه

الراقي