الصباح الكل نايم ونجد على سريرها تكتم شهقاتها بالمخده تفكر في سعود و حياتها الي تدمرت حست ان حب حياتها ما يحبها و ان مصيرها محتوم لا مفر تدخل فاتن بهدوء تام خايفه احد يصحى
فاتن : نجد نجد
نجد رفعت راسها و الدموع في عيونها : يمه تكفين
فاتن : قومي بسرعه
نجد : ايش وين
فاتن : بسرعه بنرجع الرياض
نجد : الرياض! ايش و محمد و تميم وين
فاتن : قومي بسرع ولد خالتك جا
قامت نجد مخروشه و طلعت بسرعه هي و امها في الحوش قابلو سعود الي كان لابس عمامه و رافع ثوب و كان واضح انه راجع من الحلال
فاتن : س سعود ! تكفى يا ولدي استر علي انا مستحيل ازوج بنتي
سعود : ايش وين بتروحون
فاتن: معا السلام نجد يلا
مشت فاتن و وراها نجد وقفت نجد و طالعت سعود و هو طالعها نظره فيها مليون كلمه يبي يقولها مسكت يده و حطت في يده ورقه و راحت ورا امها بسرعه
فاتن : يا خلف
فتح ولد عيونه واسعه و رموشه طويله و فكه بارز طويل و ضخم فتح الباب و نزل وفتح الباب لنجد و فاتن
ركبت نجد بصمت و هدوء تفكر و الوساويس شاغله بالها تفكر بحياتها و ابوها و اخوانها و سعود وقف خلف السياره عند محطه و نزلت فاتن تصلي عم الصمت السياره لدقايق قبل وما يتكلم خلف و يقول : من زمان عنك
طالعت نجد الارض و ابتسمت ابتسامه خفيفه: حتى انت شلونك هناك
خلف: ما توقعت العم احمد يسوي كذا
نزلت نجد راسها بحزن
حس خلف انه جاب العيد وقال : ا اسفه اذا قلت شي غلط
نجد : لا ولا يهمك
خلف : تبين بقاله
نجد : لا
خلف : انزلي على حسابي
نزلو و شرا خلف كل شيء تبيه نجد لها كان يحاول يغير جوها
رجعو قبل فاتن و بعدها جات كانو بيمشون بس خلف رجع على ورا
فاتن: خلف شفيك
خلف: دقيقه بس
و قف و نزل دانكن الي في المحطه و رجع في يده كوبين قهوه عطى نجد و فاتن
ورجع ركب
فاتن : ما قصرت يا حبيبي انت
خلف : ما سويت الا الواجب يا خاله
طالعت نجد في الكوب وهي مستغربه انه جايب طلبها الي تحبه وقالت في نفسها : معقوله يتذكره و مشو و الطريق طويل نامت فاتن و هي مشتاقه لعيالها
في الديره صحو البنات و البيت كله
نزلو يسون فطور بس لقو فيصل جايب فول
غزلان و تميم في نفس الوقت الله فول
تميم :وجع ليه تقلديني ضحك محمد على عباطتهم و جلس ياكل و جلسو بعده
ملاك : اقول وش بتسون بموضوع نجد
سرح سعود يفكر بنجد
ملاك : ادري مو وقتي بس ترا لازم نتصرف
وجد : وش بنسوي مثلاً
محمد: ما ادري بس لازم نجيب حل قطع كلامهم دخلو احمد و صقر و نايف
احمد : ها تاكلون وين نجد
مها :مو معكم لما جيت اصحيها ما لقيتها يمكن عند جده
غزلان : لا جده من زمان صاحيه و مافي احد في غرفتها
فيصل : يعني وينها ؟ تستعبطون
