عزام :خلاص رح
نجد : خلف وين بنروح
وعينها على المرايه
خلف : نتمشى شوي
نجد : اسمعو ترا في سياره تلحقنا لا تلفون
ساره : وش !
خلف بهدوء : ادري عشان كذا مارحت البيت اسف نجد بس ذا شكله من ربع عزام
نجد برجفه : وشو !!
وليد ؛ اسمعو لازم نروح لشرطه
ساره : لا مستحيل يمكن جدها ارسله
نجد: مستحيل ترا جدي معا كل شيء مستحيل يخليه يذبحني
ساره : لا والله مرا يذبحك بس انتي غدي يتزوجك
خلف : خلاصص
قالها بنبره عاليه سكتو كلهم وصل خلف يمشي في دوامة
في الديره
تميم : محمد بكم ذا
العامل : ١٥
تميم : طيب ياخذه
وطلع من البقاله
محمد : وراك بطيت
تميم : خلاص خلصت وين بنروح
محمد : تميم انا خايف على نجد
تميم : من وش محمد نجد فيها شيء
محمد : لا لا بس يا ربي امش امش بقولك
وراحو عند الخيل و شافو سعود
سعود : ارحبو
محمد : وينك ما شفتك اليوم
سعود : هذاني وين بروح
تميم : انزين شفيها نجد
سعود : نجد ! فيها شيء عزام لقاها
قالها بفزه لما سمع اسمها
محمد : اجلس اجلس اسمعو امس باليل
نرجع شوي ورا
صحى محمد يبي ماي وشاف لمبات المجلس شغاله
راح يشوف من فيه وسمع صدمت عمره
الجد : يا محسن فك بنتي من شركم
محسن : يا نجد لعزام ولا ترا كل شيء بينفضح عند عيالك و احفادك
انا اقول اكسر الشر نقدر نقول انه كبش فدا
الجد : صاحي انت وش في عقلك ذي حفيدتي ولا لها دخل في الماضي وش ذنبها
محسن : ذنبها انك جدها اسمع عاد انت تدري مين عزام و وش ممكن يسوي
اخر همه انت و بيجيبها من تحت الارض
الجد : محسن الله يرحم لي والديك فكني
محسن : غلطت غلطت عمرك وقلت لك مراح اخليك
نجد بتجيب لنا مريم الي حرمتنا منها
نرجع
تميم : وش لحظه انا مو مستوعب الحين حدي يبي يحمي نجد ولا يزوجها ماني فاهم
سعود : من مريم اكيد في سالفه بينها و بين جدي
محمد : هذا الي احاول اوصل له من امس ما نمت و راسي مصدع بروح اريح
وراح محمد يدخل البيت و صادف وجد كانت نازله بدون طرحه و شعرها البني لنص ظهرها كثيف تلعب فيه وهي تسمع عبد الحليم ضاعت علوم محمد قدامها ضل يطالعها الين لفت وجد و انتبهت له و استوعب محمد و نزل عيونه على طول و راحت وجد غطت شعرها
محمد : اسف اسف
كانت وجد بتروح فوق بس مسكها محمد من يدها لفت عليه
وجد : محمد فكني
محمد و دموعه بدت تطيح من عيونه : عادي تقعدين معي شوي
انصدمت وجد محمد الثابت الي ما ينهز له شعره منهار قدامها نزلت لمستواه و مسحت دمعته بتردد
وجد ؛ وش فيه
محمد : تعبت تعبت من كل شيء امي و ابوي نجد و خوفي عليها تعبت وانا شايل هم الكل
وجد : ترا منت مضطر تشيل همهم كلهم محمد تراك انسان ما تتحمل كل ذا الجو المتوتر في البيت
قام محمد
توسعت عيون وجد لمًا باسها محمد على راسها
محمد : تشبهين سلوب نجد لما تنصحني شكرا
وراح محمد و وجد حمرت و راحت على طول غرفتها
اما محمد رما نفسه على السرير يحاول يرتاح من التعب الي يعيش
————————————
خلص البارت اسفه على القطعه كان عندي مشاكل كثيره و دراسها بس راجعه رجعه قويه حق روياتي
