في الصاله الكل يحاول يدق على نجد
احمد بعصبيه :وين فاتن
محمد: دورتها ما لقيتها
تميم و يعني وين بيروحون
دخل سعود و هو يطالع الارض و ضايقه فيه الدنيا : مين ؟
فاطمه : شفيك يا يمه صاكه فيك الدنيا
سعود : ما فيني شي تدورون نجد
الجد : ليه تدري وينها
سعود : سافرت معا خاله فاتن
احمد : سافرت وين و معا مين
سعود : ما ادري بس ركبو معا رجال ينقال له خلف
وراح سعود و مشاعره فرحنا ان نجد مرا تتزوج و ضايقه فيه لانه خايف انها تبعد و تحب و تتزوج
انطق باب غرفته و دخلت مها
مها : سعود وش فيك يا حبيبي
سعود : ما فيني شيء
مها : اف تحسب اني بصدق انت سعود الاول و الاخير البدايه و النهايه شلون اصدقك و انا اكثر من يعرفك
سعود : مها فرحانه ان نجد راحت
مها : كلنا فرحانين بس انت تدري وش ممكن جدي يسوي
سعود : احبها
مها بصدمه :من
سعود : نجد
بيني و بينه وصل و اسرار و عهود
مصيونةٍ ما تدري الناس عنها
في كل عام يزود حبي بعد زود
اقفى بروحي والتوى في رسنها
اموت بين الخد و عيونه السود
وحواجب ربي بحسنه قرنها
وشعر بدهن الورد والمسك مكدود
جديلة تضمني و احتضنها
ليل جمعنا و عسى ليت ويعود
يبعد عن النفس الحزينه حزنها
مها : يا بخت نجد سعود لا حب تعلق و عشق
سعود : وش فايدت الحب. هي بعيده و حبي معلق
مها و بترجع بترجع
طلعت مها وهي تفكر في سعود
الجد في الصاله: شوفونا احمد ماني براضي عنك الين تتزوج بنتك
احمد : سم يا يبه بس انت تشوف ما في بيدي حيله
طلع الجد و تكلم صقر
صقر : من جدك يا احمد غير ان نجد صغيره الرجال مجرم مجرم ذابح اخته
احمد : ما احد له دخل انا كنت بغير الفكره من راس ابوي بس شلون تطلع من طوعي وتنحاش
الجده : صل على النبي يا احمد انت تحب فاتن لا تخلي الشيطان يدخل بينكم
نايف : مب رجل
احمد : وش
نايف : مانت برجل اذا خليتها على ذمتك ذي مطروده من رحمه الله عاصيه رجلها طلقها يا اخوي وانا ازوجك اربع غيرها
محمد : يا عم وش ذا الحكي
نايف: انت اسكت لا تكلمو الكبار اسكت فهمت
تميم : لا ما هو بساكت لا ابوها من ديره خربتو عايلتنا و تبون تزوجون اختنا و تطلقون امنا لا مب حاله ذي يا بخت نجد يوم انها انحاشت
احمد بحده : تميم
تميم : وش قلت ما قلت الا الحق طلع تميم بعصبيه و ما انتبه لملك الي كانت جاي الصاله بدون شيله على راسها وفي يدها يدها صنيه شاهي صقع فيها و انكب الشاهي على ثوبه و ملابسها
تميم : وجع يوجع العدو ما تشوفين عما
ملاك : اسفه اسفه ما شفته ب
تميم : وجع
طلعت ملاك بدون كلمه و راح تميم المجلس الي كان نايم فيه فيصل
تميم : فيصل فيصل قم
فيصل : ها يا بن الحلال خلني انام فيني النوم
تميم : مو من جدك
و طلع الحوش و شاف ملاك جالسه على كرسي و تصيح
تميم من وراها : مو عشان اسمك ملاك تصيحين بسرعه
ملاك : اذلف داخل
تميم : وجع وش
ملاك : مسوي بريء
تميم : طيب طيب اسف لا تزعلين
ملاك : وين اصرفها
تميم :في البنك
ملاك : هاهاها سخيف روح
تميم : طيب اذا طلعتك ترضين
ملاك: مو كنك بسرعه تمون
تميم : طالع عليك
ملاك : تصدق اول مرا اقابلك في البيت من متى و انت هنا
تميم و سبع شهور تقريبا
ملاك : اما انت اخو نجد الي تسولف عنه
تميم : اي معا الاسف انا
ملاك : اها ان شاء الله ترجع بسرعه بس
نزل تميم راسه
ملاك : اسفه اسفه اذا قلت شيء غلط
تميم : لا عادي ولا يهمك تبين نطلع ؟
ملاك : من جدك لو يدري ابوي يذبحني
تميم : مو لازم
مسك يدها و سحبها و راها و هم يركضون الين بعدو عن الحاره
ملاك و هي تتنفس بسرعه و تضحك : وجع تعبت وين بنروح انا خايفه
تميم : شدعوه قومي بنروح الجبل
ملاك : اي جبل الجبل بعيد و يبي له سياره
تميم : مو لازم يلا امشي
مشو بدو يرقون الجبل و بالغلط ما انتبهت ملاك لحصاه و طاحت فيها و و صقعت يدها في قزاز مقطوط
ملاك : احححح
تميم : فيك شيء اجلسي اجلسي !
جلست و مسك تميم يدها بخوف و قال وين
ملاك ضلت تطالعه و هي مصدومه من خوفه
ملاك : لا عادي عادي ما فيني شيء قوم نكمل
تميم : لا لا قومي نرجع
ملاك : لا والله كل ذا التعب و نرجع باقي شوي و نوصل
تميم : انا قلت نرجع
ملاك : وانا قلت نكمل
تميم : نرجع !
ملاك : لا لا يعني لا
تميم : كيفك انا بنزل
ملاك : تمام
نزل تميم و هو متوقع انها بتلحقه و بتخاف
فعلا كانت خايفه بس عنيده كملت لف تميم لما طولت ما جات لف بخوف و ما شافها و راح فوق بسرعه و صل و هو يتنفس بسرعه شاف ملاك جالسه على الحافه و تلمس الورد برقه و شعرها يطير معا الهواء صفن فيها و قال : فعلا ملاك
ملاك : ها جيت شرايك وصلت هيه وش فيك مفهي
تميم : لا ولا شيء والله طلعتي كفو و وصلتي
ملاك : لا تستهين فيني تعال اجلس جلسو وضلو يسولفون الين غربت الشمس
تميم : قومي نرجع قبل تظلم الدنيا
ملاك و هي تنظف التراب من ملابسها : تمام يلا
