القلق؟!
_ شنو هو القلق؟
_اضرار القلق؟
_ شلون نتخلص من القلق؟
القلق: هو شعور تحس بي وتضل تقلق وتخاف
القلق يخليك تفكر ب اشياء مراح تصير او تصنع سيناريو بعقلك وهل شي يدمر الانسان
وهو منتشر بعالمنه بشكل مو طبيعي كل شخص راح يقلق ويفكر هو شعور بعدم الارتياح مثل التوتر او الخوف ويمكن يكون خفيف او شديد
اضرار القلق: اول شي القلق يؤدي الى الاكتئاب راح تضل مكتئب طول ما انت تحس بالقلق
وراح تفقد الشغف او الواهس بكلشي يتملكك شعور الاحباط
ثاني شي القلق يؤدي الى اضطراب الشهيه يا اما تفقد الشهيه وما تريد تاكل اي شي او العكس الي هو تنفتح شاهيتك للاكل وهل شي جداً مضر
ثالث شي القلق يبعد النوم راح تضل تفكر وتقلق وبالنهايه من تريد تنام مراح تنام بسرعه راح يحتاجلك وقت حتى تنام
رابع شي القلق ممكن يؤدي الى التفكير بالانتحار راح يخليك دوم تفكر انو تنتحر
وهل شي أبداً مو صح ف ديرو بالكم على نفسكم ولا تعذبوها بالقلق وغير اشياء
نجي شلون نتخلص من القلق:
اكو هواي اطباء وعلماء النفس مختصين بهل شي بس راح اكللكم شي جداً مُفيد اي شخص يقلق ان كان قلق مؤقت او قلق دائم انصحكم بالتقرب من الله هل شي كُلش يفيدكم من راح تفرش سجادتك وتدعي الله راح ترتاح وراح تخلص من هل شعور وهل شي احجي الكم عن تجربه انا جنت اقلق وافكرر هواي واعصب وكُلشي اسوي بس بعدين كمت ب اي شي يصير اتقرب الى الله واصلي اقرا ادعيه واسلم اموري كلها الى الله ف انتوا سلموا اموركم الى الله واتأكدوا انو الله مراح يخيب ظنكم
وشي ثاني اذا تحبون تفضفضون ف انصحكم انو تفضفون لنفسكم يا اما تحجون بمكان فارغ او تكتبون هل شي بورقه وبعدها تحرقون الورقه او تفضفون لشخص قريب عليكم مثل امكم او ابوكم او صديق مقرب اني نصيحتي الكم انو تتقربون لربكم وتفضفضون اله احسن
اتمنى تستفادون من هذا الموضوع
أنت تقرأ
الامراض النفسية
Short Storyفي العالم الكثير من الأمراض والاضطرابات النفسية فهنا سوف نقدم اشهر الأمراض النفسية في العالم
