#انتقام _ الضابط _ رسلان
بارت خاص بــ روان و ايمن♥️✨
لم يكن قلبي يوماً قاسياً ، لكنّه الخُذلان
••••••••••••••••••••••••••••••••••••
روان *
نايمه احلى نومه فراش ومخدة ودفيانه اكو احلى من هيج ؟ بس اكيد ميصير اتنعم بهيج نومه اذا متكعدني نبع الحنان مثل كل مره برزاله تخبل ::. يمه عليج العباس عوفيني انام
ام رسلان ....ولججج روانه كومييي ب ٧ ابو الخط مو يجيج ب ٧ ونص ! كومي ولجج اتأخرتي
استغفرلله ماكو احد يكدر ينام يعني ؟
::.يمه كمت ولله كمت بس كافي
طلعت من الغرفه تحجي عليه كمت من الجربايه صافنه على الحايط ميته نعس هسه ياهو مات واخذ شهادته وياه ؟
رحت للحمام سبحت وطلعت نشفت شعري ولبست ملابسي بنطلون اسود وفوكاه قميص تقريباً لونه خردلي اول درجه اخف من الخردلي حيل حلووو وشال اسود وترانشوز ابيض وجنطه بيضه حطيت مكياج حيل حلو وخفيف وعطر كملت باوعت لنفسي مبتسمه نزلت جوه مبين امي صعدت نامت ضليت انتظر ابو الخط اني روان عمري ٢٠ طالبة جامعه قسم اداره اعمال
عندي اخ واحد واخت وامي بس هذوله اهلي احبهم لدرجه اقدسهم ممكن تكولون ابدي من امي الي احسها صديقتي و امي حيل احبها اتوقع ماكو. احد ميحب امه واختي ديمه مزوجه بغير محافظه بس احبها واموت عليها وجهالها اكزكز عليهم
واما بالنسبه لخوي هذا مو بس اخوي لا ابويه عوضني عن ابويه الي فقدته ضحه هواي علمودنا الله يخليه النا تنهدت
دك هورن ابو الخط بسرعه طلعت صعدت وصبحت على ابو الخط وعلى البنات كعدت بمكاني سندت راسي على الجامه
مغمضه عيوني اذكر الشخص الي احبه ايمن ! صديق رسلان شايفته اكثر من مره دائماً رسلان يحجي بيه من يحجي بطولاته اتعلق بيه اكثر اعرف ممكن اعجاب بيه بس لا من اسمع اسمه يضل گلبي ينبض فتحت عيوني من صحاني ابو الخط كمت بسرعه ونزلت رحت للقسم لكيت صديقتي زينب بتسمت من شفتها بوستها ورحنا طلعنا من القسم رحنا للحديقه كعدنا نسولف مثل العادة
لفت نتباهي مجموعه شباب واحد منهم يباوع عليه جسمي كش من يمه يباوع بطريقه مقززه همست لــ زينب
::. خلي نروح منا
زينب::. ليش
::. باعي هذا شلون يباع
رفعت نظرها اله وعوجت حلكها بتسمت على حركتها اعرفها هسه مستعده تروح تفلش راسه رجعت همستلي
زينب::. يله امشي
اخذنا جنطنا وكمنا بس ضل يلحكنا ويمشي ورانا واني ارجف من النوع الي حيل اخاف من اقل شي مو عاد واحد يلحكني بس صار شي متوقعته يصير محسيت غير واحد يجر ايدي ويلزمها نداريت مصدومه بسرعه نترت ايدي منه
فاتحه عيني على وقاحته زينب عصبت حيل وكالت بصوت عالي
YOU ARE READING
انــــتقام الـــضابط رســـلان
Romance᷂أريد ᷂أن ᷂أغفو ᷂ بلا ᷂ذاكرة ᷂ بلا ᷂وجع بلا ᷂ألم ᷂ بلا ᷂جفاف أريد ᷂أن ᷂يتبخر ᷂حزني ᷂من ᷂جلدي لتنخفض ᷂حرارتي أن ᷂ينبض ᷂قلبي ᷂دون ᷂إحباط 𓅃 اريد ينتهي كل هذا ان اختفي او يختفي حزني ان انام انام الى الأبدِ ويتوقف هذا بكاء المُستمر ان يهدئ قلبي و...
