# انتــقام الضابط رسلان
واخيراً واخيراً نزلت بارت اعرف هواي مقصره مو شويه صار كومه تقريباً شهر او اكثر ممنزله بس هسه رجعت وبكل قوة 😂
من لا يفهم صمتك لن يفهم حديثك أبدا !
••••••••••••••••••••••••••••••••••••••
رســــلان
"لا أحد يسمع الأصوات والمعارك التي تحدث في داخلك، لا أحد يرى تلك الخدوش في قلبك، لا أحد يحصى عدد المرات التي مسحت بها دمعتك مسرعاً ......
ماكو احد بالبيت راحو لبيت خالتي بقت بس حبيبتي بتسمت بداخلي بقينا وحدنا بلگت تسامحني تنهدت وصعدت دخلت للغرفه تصنمت بمكاني واني مصدوم من الي اشوفه ! ايدي كامت ترجف وجسمي يختض واني اشوف حبيبتي بنيتي رويحتي لازمه السلاح مالتي وموجهته على گلبها احس الوقت وكف واني اشوفها تريد تگتل نفسها صحت بحرگه ::. إيلينتي حبيبتي باعيلي
لتفتت الي دموعها مغرگه وجهه جسمها يرجف وايدها ترجف عيوني احسهن نار يطلع منهن گلبي يدك بسرعه ماكاعد اكدر اتنفس واني اشوفها هيج
باوعتلي وابتسمت ابتسامه مرتجفه
إيلين ::. ههههه ليش هيج ترجف ؟ مو ردت تموتني ؟ ...... سكتت نزلت دمعتها ..... اوه نسيت انته اصلاً موتتني ! كلشي جان چذبة ! حبك الي ! واحبج واني اريدج ذني چذبة ! صدگتك من گتلي انتي حبيبتي و رويحتي وروحي ! چان حچيك كله چذب ؟ تدري ذنبي لمن صدگتك نظرة عيونك ولهفتك و رجفتك وصوتك ذني گلهن چذبة ؟
حتى انته چذبه ! لك ولله حبيتك ! ردت تنتقم زين ليش اني ؟ ليش منتقمت من عمي ..... ضحكت ... عمي الي عرفته وعمري مشايفته!
بلعت ريگي واني اسمعها هيج متأذيه هيج مكسوره مني بس خايف خايف لتسويها صدك وتنتحر باوعت عليها ::. حبيبتي إيلين عوفي السلاح وشتردين يصير
إيلين ::. اريد اموت !
سهم بنص گلبي كلامها اباوعلها عيونها الحمر جسمها الي يختض حسيت الزمن وگف من شفتها تريد تضغط على المسدس ركضت ودفعت السلاح من ايدها رجفت ووكعت بالگاع سحبتها لحضني وثنينه نرجف احساسي من رادت تگتل نفسها حسيت گلبي وگف احساس اتمنى محد يحسه دموعنا تنزل گلوبنا مكسوره ترجف بحضني بتعدت وحاوطت وجهها بين ايديه ::. خلص انتي بخير مابيج شي باعيلي حبيبي
سندت كصتي على كصتها
باوعتلي وهيه خايفه
إيلين ::. ر ردتت اگتل نفسي !
بلعت غصتي وحجبت بهمس ::. اششش خلص ماكو شي
نزلت ايدي وحاوطت ظهرها وايد جوه رجليها شلتها وهيه منتهيه احسها مجانت واعيه حطيتها على الجرباية ونومتها غطيتها وهيه تناشغ شويه وهدئت عرفت بيها نامت مسحت على راسها هيج تردين تخلصين مني ! هيج كارهتني ردتي تنتحرين زين تگدرين تعوفيني !
ياحضن يلمني بعدج ؟ دموعي جمر تنزل
ابتسمت باستهزاء الضابط رسلان
الي الكل تخاف منه يبجي دم على بنيه
بستها براسها لازم اسوي حل ثنيناتنه متعذبين كمت من يمها وشلت كل الاشياء الحاده بالغرفه وخاصه المسدس كعدت على الكرويته حطيت ايدي على وجهي شلون بيه اني زين هسه تريد الطلاگ شلون اتحمل بعدها عني شلون اتحمل ماشتم عطرها واحضنها كل يوم من تنام احضنها واشتم عطرها ادمان بالنسبه الي صارت مر الوقت واني متمدد اباوع عليها لحد مغفيت ......
إيـــلين*
وجع قوي براسي كلش ثگيل صاير فتحت عيوني حطيت ايدي على راسي تنهدت بوجع صارت عيني عليه نايم على الكرويته كمت ماحس بأي شي وخرت نظري عنه وباوعت على الساعه بــ ٧ الصبح تحركت وكمت من الجربايه رحت للحمام غسلت وكملت وطلعت وگفت گبال الكنتور طلعت جنطه حطيت بيها ملابس كملت سديت الجنطه ورجعتها بالكنتور نداريت ولگيته كاعد يباوع عليه باوعتله برود ودرت وجهي متجاهلته نزلت جوه بعدهم مجايين عمتي وروان اخذت حبايه وجع راس حسيته صار ورايه لزگ جسمه بجسمي قشعرت من حط راسه بركبتي وضل يمشي خشمه عليه تصنمت واتذكرت لمساته وكل حجيه و انتقامه ضليت ادفع بيه من وره ضربت رجله وهم موخر
رسلان::. حبيبتي بس اسمعيني
ضليت صافنه وعيوني مدمعه شنو لازم اسوي كارهة قربة ::.وخررررر لتلمسني
رسلان ::. بس فرصه !
نداريت عليه ::. تريد اسامحك ؟
هز راسه ::. خليني اروح لبيت اهلي وطلگني
فتح عيونه على وسعهن ارتجفت شفايفه
رسلان ::. تعرفين كلش زين مستحيل اعوفج تعرفين شنو مستحيل !! اخليج ترحين لبيت اهلج بس مستحيل تعوفيني فهمتي
غمضت عيوني :. تمام بس وديني لاهلي
باسني من راسي وهز راسه بتعدت عنه
كال روحي حظري نفسج اخذت الجنطه الي حضرتها ولبست بشت فوك ملابسي حطيت شويه مكياج حتى يخفي الهالات وشحوب وجهي اخذت الجنطه ونزلت باوعلي وابتسم تقرب مني وباس ايدي
رسلان ::. طالعه تخبلين
مجاوبته مالي خلگ لاي شي طلعنا من البيت وصعدنا السياره مر الوقت وخلص وصلنا لبيت اهلي فرحانه والابتسامة شاگه حلكي اخذت الجنطه حتى ملتفتت اله نزلت بسرعه لگيت الباب مفتوح بسرعه دخلت للاستقبال اباوعلهم كاعدين كلهم دموعي بعيني وكسرتي وحسرتي كلهم تجمعت ::.متسقبلون بتكم ؟
ندارو عليه مصدومين اجه عليه وليد حظني حظنته بكل قوتي التمو عليه كلهم ويبوسون بيه ويحظنوني كعدوني بنصهم ويسئلوني شلوني هه شنو احجيلكم وشنو اكول
ضليت ابتسم بوجهم تيم بحظني واني ابتسامتي مزينة وجهي حتى نسيته هو بره سئلني وليد كتله بره رزلني وراح طببه غمضت عيوني من سمعت صوته
::. السلام عليكم
••••••••••••••••••••••••••
سؤال :. تردون اسوي مشاهد لــ روان و ايمن لو تحبون نركز بس على إيلين ورسلان
YOU ARE READING
انــــتقام الـــضابط رســـلان
Romance᷂أريد ᷂أن ᷂أغفو ᷂ بلا ᷂ذاكرة ᷂ بلا ᷂وجع بلا ᷂ألم ᷂ بلا ᷂جفاف أريد ᷂أن ᷂يتبخر ᷂حزني ᷂من ᷂جلدي لتنخفض ᷂حرارتي أن ᷂ينبض ᷂قلبي ᷂دون ᷂إحباط 𓅃 اريد ينتهي كل هذا ان اختفي او يختفي حزني ان انام انام الى الأبدِ ويتوقف هذا بكاء المُستمر ان يهدئ قلبي و...
