بصراحة شنو رأيكم بطريقة السرد ؟
وشنو رأيكم بالاحداث ؟ شنو تتوقعون راح يصير ؟
باچر تلمنا الشوارع ، ونصير عين بـ عين
••••••••••••••••••••••••••••••••••••
إيلين::.ندزت رسالة للتليفون فتحتها ستغربت من رقم غريب !!
دخلت ونصدمت من الرسالة مكتوب
أَيَحِقُّ لي في غَيرِها الغَزلُ وَعَلى فَمي مِن قَلبِها قُبَلُ وَكَأَنَّني في عَينِها لَهَبٌ بِفُؤادِها الوَلهانِ مُتَّصِلُ يَبدو رَماداً حينَ تَلحَظُنا عينٌ وَحينَ تَغيبُ يَشتَعِلُ يا خَيرَ مَن حَنَّت لَها مُهَجٌ وَأَحبَّ مَن غَزَلَت لَها مُقَلُ أَفرَغتِ عِطرَكِ في دَمي فَعَلى شِعري عَبيرٌ مِنكِ مُنهَمِلُ لَولاكِ جفَّ الشِعرُ في كَبِدي وَحييتُ لا حبٌّ وَلا أَمَلُ ...
منو هذا مبين ولد دخلت على صورة حسابه فتحت عيوني على وسعهن من شفته نفس الضابط هذا شيريد ؟ يربي دز رسالة مره ثانيه فتحتها جان كاتب
::. ليش تشوفين الرسالة ومجاوبين ؟
اخذت نفس رديت عليه ::. عفواً منو انته وليش ارد عليك ؟
::. متعرفيني ؟
رديت::. لا ماعرفك وياريت تحجي بسرعه منو انته وشتريد مو حلوه احجي وياك واني ماعرفك ..!
::. ممكن نكول معجب !
معجب ؟؟ وهو من شوكت يعرفني حتى ينعجب بيه رديت ::. اول شي انته منو ؟
::. ههههه بويه شكد لحيتي بس هم مابقيها بنفسج اني رســــلان
طلع اسمه حلو وغريب بنفس الوقت رديت عليه ::. لعد استاذ رسلان شتريد مني ؟
رسلان...اريدج
نصدمت حيل شنو اريدج تعصبت وخجلت بنفس الوقت ::. احترم نفسك شنو تريدني
رسلان...هههه يابويه اموت على الي يخجل المهم بنيتي صار فتره شايفج ونعجبت بيج كلت يجوز مجرد اعجاب بس صدكي كمت اشوفج بكل مكان حبيتج حيل بس جنتي ممهتمه لذالك ضهرت ذاك اليوم من وكعت الاسواره وكلت اجس نبضها
حيل خجلت اول مره واحد هيج يحجي وياي مع انو حيل طلبو ايدي وصارحوني بالجامعه بس محد حجه ويايه بهل طريقه
ضليت ساكته وصافنه على المحادثه
رسلان ... إيلينتي وينج ختفيتي
إيلينتي !! هذا مبين اخذ ميانه زايده رديت عليه ::. العفو استاذ رسلان مبين اخذت راحتك زياده منين اجيت بنيتك وإيلينتك هذا مو مهم اتمنى بعد مدزلي اخذ راحتك مع السلامه
رسلان... تدرين ضحكتيني ! بس لتعيديها بعد خلي هاي كلمتين ترچيه بذنج انتي الي ومتصيرين لغيري لو تنطبگ السمه والگاع انتي الي وخلي اشوف يا بربوك متسمع كلامي
عزااا متتت بدمي من حجه هيج ومن غلط غير ميستحي بسرعه طلعت من المحادثه وسديت التليفون احساس غريب حسيت بيه احس شي بداخلي فرح من كال هل كلام طردت افكاري وتمددت ضليت اتگلب بالفراش مفاد عاد كمت نزلت جوه اهلي نايمين دخلت للمطبخ رحت للطباخ لگيت جدر وريحه حيل احبها فتحت الجدر واشوف منظر افقد عليه دولمه يايمه شكد احبهاااااا فتحت الثلاجه لگيت لبن حامض صبيت بالگلاص وجبت الجدر وتربعت بالكاع واكل لحد مشبعت جانت تجننن ماكو اطيب من الدولمه العراقيه
كمت غسلت وصعدت للغرفه تمددت ضليت العب بالتليفون سديته وضليت افكر ماجذب اكو خوف بگلبي .....
•••••••••••••••••••••••••••••••••••
رسلان ::. قبل سنوات طويله ابويه كان عنده محل يسترزق منه ويعيشنا منه كان ونعم الاب حيل يحبنا يتعب نفسه علمودنا وعلمود يجيب لگمه ناكلها مقصر علينا تعب حيل بأخر فتره جنت اتمنى الله يحفظه النا واتمنى اكون جبير حتى اساعده اجت فتره صار حيل يتعب حيل خفنا عليه بهذيج الفتره كان عنده صديق اسمه جابر كانت علاقته قويه بيه ابويه كان يريد يشتري محل اكبر وبوگتها جابر اقترح يشترك وياه ويصير شريكه ابوي كان موافق ويثق بصديقه مجان يدري هو السبب بكلشي راح يصير مرت الايام وشترو المحل وفعلاً صارو شركاء كان محل جبير يوسع يصير مطعم
اول ايام مرت كانت عاديه بعد مسوو الاجراءات وكملوهن وبلشو يسوون المحل كان ابوي حيل فرحان بالمحل صار المحل وكمل اشتغلو ومرت الايام لحد ما جابر كام يجرجر بنفسه وميجي للمحل وكان دوم خايف اجه اليوم الي كان اسوء يوم بحياتي اني واهلي اليوم فقدنا بيه ابونا
بيوم ابوي كاعد بالمحل مثل عادته داهمو مجموعه من الاشخاص المحل ابوي كان حيل مستغرب وخايف راحو يجرون بابوي
ويردون يأخذو حاول يدفعهم مكدر كان عددهم هواي وهو وحده يكولوله نريد الفلوس جان مستغرب يافلوس كعدو يفتشون المحل طشرو الاغراض وگلبوهن جانو مجتفي كللوله اعترف من شافو من نتيجه واحد منهم طلع السلاح ورمه على ابوي الي رباني الي تعب علينا
جابر كان مداين فلوس هواي من هذول الجماعه وكل مره يكول على المحل ومن استلم ارباح المحل كامو يهددو من شاف الوضع هيج فلت من بغداد ونذبت الشغله براس ابويه نرفعت سدو القضيه بفلوس كبرت وصرت كد المسؤلية دخلت كلية ضباط وصرت ضابط برتبة نقيب كنت بس اريد انتقم من الي دمر عائلتنا وبيوم وليله ختفت هاي العائلة اشتغلت وتعبت في سبيل اشوف ابتسامه امي وخواتي جانت ابتسامتهم تزيل كل تعبي
ضليت اراقب كل تحركات اهله لجابر عائلته عنده بس بنيه مزوجه بغير محافظه وولد مزوج خارج العراق جنت اريد انتقم منه بأقرب ناسه عرفت عنده اخ اسمه فارس عنده ولد وبنيه بوكتها الانتقام عمة عيوني ردت بس انتقم جانت البنيه هيه السبيل الوحيد الي اكدر انتقم منه بأذيتها بوكتها طلبت ملفها اسمها إيلين عمرها ٢١ سنه طالبة جامعية حلوه حيل بس مهتميت بديت اراقب كل تحركاتها وين تروح وين تجي لحد ماضهرت نفسي الها بوكتها من شفتها حسيت بأحساس عمري محاس بيه تجاهلت هذا الشي وستمريت مجنت اتوقع الي راح يصير...
•••••••••••••••••••••••••••••••••••
رايكم بقصة ابو رسلان وشلون مات ؟؟؟
انتقامه من إيلين ؟؟؟
YOU ARE READING
انــــتقام الـــضابط رســـلان
Romance᷂أريد ᷂أن ᷂أغفو ᷂ بلا ᷂ذاكرة ᷂ بلا ᷂وجع بلا ᷂ألم ᷂ بلا ᷂جفاف أريد ᷂أن ᷂يتبخر ᷂حزني ᷂من ᷂جلدي لتنخفض ᷂حرارتي أن ᷂ينبض ᷂قلبي ᷂دون ᷂إحباط 𓅃 اريد ينتهي كل هذا ان اختفي او يختفي حزني ان انام انام الى الأبدِ ويتوقف هذا بكاء المُستمر ان يهدئ قلبي و...
