تنمحي خيوط البراءه

- مَشاهد 🦅

تَنمحي خِيوط البراءه، بِقلم جوري حيدر
تقدير لـ تعبي " تَصويت، مُتابعه، تَعليق "
قِـراءه مُمتعه... 🦅♥

࿐࿐࿐࿐࿐࿐࿐࿐࿐

احدى المشاهد ما بين سطور الروايه 1 :-
- مو حلو الأستسلام خليج قويه، ترى نهايتج مثلي ومثل كل البنات الموجودات بوسط هالمكان

انخفض صوتها قليلاً وشددت ؏ كل كلمه نطقتها بعد توقف دام ثواني معدوده ولا زالت مركزه عيونها بعيوني

- نهايتنه " جَهـنم وعلى أيد شِيطان مو بشر "

مُقابل كلامها رديت عليها :-
- الدنيا مو امي الدنيا اشبه بـ زوجة الاب

خِلال ثواني صفنت ؏ ملامحي الباهته بنظره وكأنها وصل الها الي اقصده بنطقي لهالكلام...

وبنبره تساؤل وجهت الي:-
صارلج شي، شنو سوولج !

انحنى راسي الى الاسفل، وبصوت خافت تلقت الرد مني:-
ماكو فرق حالي من حالج صرت رخيصه !

احدى المشاهد ما بين سطور الروايه 2 :-
- تتعاقبين هسه ومتتكرر بعد مفهوم
نبرة صوته حاده تحمل كل انواع القسوه ولا كأنوا الي تحت ايده طفله...

ينطق بكلام ما انزل الله بهِ من سلطان وهوَ يدور ؏ شي وما يلكاها
وصل مسامعي ضحكه في طياتها شر واضح وضوح الشمس...

بنبره أمر توجه الي كلامه:-
ديري وجهج بسرعه

نفذت الي نطق بي فورًا وبدون أي حرف،
ما حسيت إلا وسلاسل التفت ؏ ركبتي، لسعت برودتها حرارة ركبتي...

وبخطوات سريعه وقاسيه يسحل بيه بأتجاه البلكونه، بمجرد ما فتح الباب بروده شديده لفحت وجهي

والاشجار وسط ظلام الليل والهواء العالي يحرك اغصانهن صادرات صوت مُزعج..

ربط السلسله بـ حديده ثابته وسط البلكونه متجاهل شهكاتي وتوسلي بي...

- فدوه وخرها خنكتني حرام عليك مو عبده عندك اني

وصلني الرد بعيون ونبرة صوت ترتجف غضب وفي طياتها شر شيطان وليس بشر :- عبده عندي ومُلكي وبكيفي !

ما سمعت بعد هالكلام غير طبكت الباب القويه

تردد براسي سؤال جوابه مُحير ومُعقد بالنسبه الي وللكل كذلك :- نهايتي شنو راح تكون وهذهِ البدايه...؟

احدى المشاهد ما بين سطور الروايه 3 :-
في تاريخ 2013/2/23 المـغرب...
اثناء ما اني امشي وسط احدى الشوارع الشعبيه...

واني منحني راسي وكل فكري وعقلي
عند الي صار قبل شوي...

وكأنوا بعالم اخر مو عالمنه...

ارتدمت بشخص ما صار امام عيني غير
سقوط كفوف وتليفون ؏ الارض..!

رفعت عيني بعكدة حواجب مستغربه منو هذا...!

بدون ما احس ؏ نفسي واني اشوفه
كدامي بملابس شغله المتربه والملطخه بـ صبغ ابيض باين علي جان يبني...

ومن شدة عطشي سئلته بصوت مهضوم
لأول مره تصدر مني هالنبره امام رجال:-
- عندك مي الله عليك !

ما تلقيت منه أي رد،انحنى تحت انظاري المتوسله لم غراضه من ؏ الارض
ورجع عينه بعيني وكال:-

- عيونج لو عدسات؟ 

- عوف عيوني ما عندك مي؟

بصوت هامس ما ينسمع غير المقرب منه
همس وهوَ رافع راسه الى السماء وأردف:-
- يا من خلقت عيناها ألم ترحم خلقك من بلاها؟..

࿐࿐࿐࿐࿐࿐࿐࿐࿐
وقت وصول الروايه الي:-
2023/2/16 يوم الخميس ساعه 8:8 ليلاً

وقت النشر:-
2023/2/27 يوم الاثنين ساعه 7:30 ليلاً

افسح لكم مجال تكتشفون الاحداث وجمالها بدون ما اتكلم عنها

وامدح بيها لأنها بالأخير
روايه بقلم جوري حيدر ، و؏ شرط حقيقيه !

مَوعد التنزيل يكون بعد ما تحصل ؏ مُشاهدات وكلام حلو منكم يشجعني ؏ تنزيل البارتات

انتظروا رواية تنمحي خيوط البراءه قريبًـا ♥.