تنمحي خيوط البراءه

- الـهَلاك الـ " 3 " ☠️

تنمحي خيوط البراءه ، بـقلم: جـوري حـيدر
" تَقدير لـ تعبي ، تصويت ، تعليق ، متابعه "
قَـراءه مُـمتعه...♥☠️

࿐࿐࿐࿐࿐࿐࿐࿐࿐

ما حسينه غير ؏ دِهار وهوَ 
گالب كوب الجاي ؏ رجليها وهوَ هستوه انصب
ويفور ويگلب

وما نسمع غير صوتها العالي:-
- إلا افضحك فضيحة الله المريييييييض
تريدها تصير حامل من زرف الحايط هوَ انتَ،
رجليك بالكبر ؏ يا ساعه تفطس وتموت

ركضت للغرفه وام دِهار وراها بعد ما شافن
دِهار وعيونه الي تحول لونهن احمر غضب
من كلامها وقبضة ايده تكورت وشرايينه برزت...

بگلبي أردفت:- شويب وبي البله...!

- دِهار:- اكعدي كملي اكلج وين رايحه؟

- رُفقى:- شنو هيَ كوه غير شبعت

- دِهار:- كتلج اكعدي كملي ريوكج شنو اكلتي انتِ

- رُفقى:- هسه شعليك بطنك لو بطني..؟

- دِهار:- امشي ولي لـ غرفتج لا تراويني وجهج

خطيت خطواتي بأتجاه الغرفه وبدون ما ينتبه عليه حصل غمه بأثنين ادين تعدل الراس...
وبداخلي أردفت:-

- رُفقى:- جلب الي يجلبك يالشويب يحبلني هالشهر ورجلي تركص جوبي بالكبر

انسدحت ؏ الجربايه بعد ما سديت الباب
وحصل غمه ثانيه من ورا الباب ؏ اسلوبه وصوته المزعج وتصرفاته الهمجيه وي اخته

توقفت عيني عن الرمش وتركزت ؏ مكان واحد
الى أن نزلت دموعي واحدى تلوى الاخرى
بعد ما مر كل شريط حياتي امامي

وحدي بين اربع حياطين
ماكو شي اتلهى بي مثل قبل...

العب بحديقتنه
واركض ورا كل فراشه تمر من جنبي
محاوله اتمسك بيه واتلمس نعومة جنحانها
لو قبر فراشتي البيضاء الي ماتت بين اديه
وكل عصريه اروح لـ قبرها الي اميزته
ودافنتها بنهاية الحديقه بالزاويه وفوكه حجر
و ورقه من وردة الجوري العندي
لو كل عصريه بعد ما ارشرش الحيطان
وتهب رائحة التراب وتملي المكان بريحته الطيبه
والاغاني الي جنت انطقها واتمايل عليها
ومشاكستي وي الكل ولساني الطويل ؏ الكل
ولا ننسى:-

- ارنب ارنب ارنوبي ليش تفتش بجيوبي اني انطيتك جزرايه ليش تركض ورايه

- دكتور هادي لابس تراجي تراجي امه تمشي وتغمه

- غزاله غزلوكي بالماي دعبلوكي كاعده ؏ الشط كاعده تمشط اجاها نومي كللها كومي هذا حصاني اشده واركب ؏ السكركب