حقيقة مخفية

بارت 13

بين الحب والمال.

بقلمي انا مروة احمد.

مااوصيكم بعد مو كل بارت نكول +لايك +تعليق +مشاركة القصة الصديقاتكم.  رائيكم يهمني وانتقادكم احترمه. +احبجن بناتي 😘❤️
_________________________________________

فرح.$
لاتغرنك نظرات بريئه تخفي خلفها غدر ذئاب ..
______________________________________

فرح. انصكيت واني اسمعه يكول يمته يجي يستلمهاا

مااعرف كمية الخوف العشتها معقولة هذا بشر شلون كدر يمثل علي هوة راح يساعدني شلون صدكت بيه...تمالكت نفسي بصعوبه زفرت نفس لازم افكر شلون راح اخلص منة لازم اشرد قبل لايسلمني الهم. سمعت خطواته رجع عليه غمضت عيوني ومثلت النوم

السبع. بلة هسه هاي الي يشوفهاا هلكد نايمة مايكول اكرب عليهااا الووو ماتكعدين فرح فرح ولج شنو تنبل مال نوم كومي يمعودة.

فرح. فتحت عيوني.عود بصعوبة واتمرغل عود جنت نايمة.

السبع يابوية شنو اليوم حاصدة البستان ولج الي يشوفج يكول اكرب عليج مو انتي تكربين عليه

فرح. ضليت صافنه بوجهة واني اسولف وية عقلي شهل كلام شلون يكدر يخدع الواحد ويخلي يحس بالامان ولو المجرم والعنده كومة اسلحه موصعبه عليه يمثل

ابتسمت ابوجهة ابتسامه خفيفه واني كوة لازمه نفسي ماانهار كدامة لازم اصرف بهدوء

كال تعاي أكلي ماجوعانه كمت وياه اباوعله ياكل ومنطلق اكلت وياه شوية وضليت العب بالتمن بالخاشوكة اجيبة منا وارجعه مناا انتبهة علي شفته يباوعلي من فوك الي جوة باوعت عليه ورجعت ابتسمت اله

السبع. هز راسة شبيج شو مدري شلونج اليوم

فرح. لا مابيه شي

السبع. متاكدة.

فرح حجة وياي وجهة مامقتنع بس لاشك بيه عاد اني بسرعه كتله

لا بس اني كلشش حابة اشكرك لان وكفت وياي وساعدتني وحميتني رغم ماتعرفني ولااعرفك وجاي اداريني كلشش فرحانه وحبيت اشكرك

السبع. لاابوية انتي لا تشكريني كملي اكلج

فرح.  كام يغسل اديه. واني افكر شلون راح اشرد منه

كملت اكل ورحت للصاله شوية واجة بيدة كلاص جاي وماعون باوعت عليه

السبع. لاتباوعين ماكو جاي الج موزين عل كلبج كلج عمرج 13سنة وينج وين الجاي هاج اخذي هذا الماعون بيه بقلاوة حلي

فرح. اخذته منه كتله لا مااشتهي وخليته عل طبلة سوة حركه بشفايفه بكيفج وكمل يشرب جاي ويلعب بتليفونه واني اباوعله
 
فرح. علئ فكره عمري مو 13