رجعت يارا من المنزل وذهبت للمنزل
اسماء: حمدالله على السلامة يا حبيبتي.. عملتي ايه
يارا: الله يسلمك يا ماما معملتش حاجة جديدة يعني
اسماء: ماشي يا حبيبتي
يارا: عايزاكي في موضوع
اسماء ذهبت لتقعد وقالت: ايه يا حبيبتي الموضوع
يارا: ماما مليكة صاحبتي عاملة حفلة عيدميلادها بكرة وعزمتني ينفع اروح
اسماء: طب دي فيها قلة ادب وناس بتشرب وكدة ولا ايه
يارا: لا يا ماما طبعا مفيش الحاجات دي
اسماء: مين هيبقي هناك
يارا: نور وبدر وناتالي وكذة حد
اسماء: مين ناتالي دي
يارا: واحدة مشهورة معانا في الكلية
اسماء: وياسين هيبقي هناك
توترت يارا: اه.. بس ليه سألتي عليه
اسماء: عادي يعني عشان نور رايحة ممكن متروحش معاكي وتروح مع ياسين
يارا: لا معتقدش.. ياسين هيروح مع ناتالي
اسماء: هما مرتبطين ولا ايه
يارا: معرفش بقي بس بشوفهم واقفين مع بعض وعاملين يضحكوا يضحكوا
اسماء: وانا فاكرة ياسين مؤدب ومالوش في الارتباط
يارا في سرها: مؤدب.. اما لو عرفت قالي ايه
اسماء: بتقولي حاجة
يارا: لا مفيش.. يعني وافقتي
اسماء: ماشي بس روحي مع نور ولا اقولك روحي مع اسر
يارا بعصبية: اسر ايه يا ماما اروح معاه ليه اصلا هو انا صغيرة وبعدين اسر مش معزوم علي الحفلة
اسماء: عادي صاحبتك مش هتقول حاجة.. انا وافقت اه لكن ابوكي لسة هقوله
يارا: طيب يا ماما لو وافق هاخد اسر وخلاص
اسماء: ماشي.. قومي غيري هدومك وتعالي اتغدي
يارا: لا يا ماما هنام شوية
دخلت يارا غرفتها
اتصلت نور عليها
يارا: الو يا نور
نور: الو.. عاملة ايه
يارا: الحمدلله
نور: هتروحي حفلة مليكة
يارا: لسة مش عارفة
نور: تعالي بس دي هتبقي حفلة جامدة
يارا: هشوف بابا هيرضي ولا لا
نور: طب زني عليه.. لو روحتي هنروح مع بعض صح
يارا: لا للاسف هاخد اسر
نور: ليه
يارا: ماما قالتلي كدة
نور: طيب.. انا هروح مع مين
يارا: تعالي معانا عادي
نور: لا هروح مع اي حد
يارا: روحي مع لبني
نور: لبني بذمتك انتي مصدقة الكلام اللي انتي بتقوليه هو انا بطيق لبني علي الارض ماشية اصلا
يارا بضحك: كنت برخم عليكي.. هتلبسي ايه
نور: هلبس الفستان الابيض اللي لسة جيباه جديد عارفاه انتي صح
يارا: اه جميل اوي البسيه ولمي شعرك
نور: لا انا هسيبه
يارا: لا لما يبقي ملموم بيبقي احلي هبعتلك صور لتسريحات جميلة اوي
نور: تمام ابعتيها.. انتي هتلبسي ايه
يارا: لسة هقرر
نور: اااه.. انتي عارفة ياسين هيجي مع مين
يارا: مين
نور: ناتالي
يارا: اه وبدر هيجي مع مين
نور: مع لميس واحدة معانا في الكلية
يارا: ااه
نور: انتو كلكوا هيبقي معاكو حد الا انا
يارا: انا مجبورة علي اسر اصلا
نور: هو لازم لازم يجي الحفلة..
يارا: اه ليه بتسألي
نور: بسأل عادي... انتي عارفة مليكة دي طالعة قريبة مين
يارا: مين
نور: تبقي بنت خالة يوسف الحديدي المعيد بتاعنا
يارا: بجد
نور: اه بجد وطبعا هيجي الحفلة
يارا: للاسف
نور: فعلا للاسف طلع شخص رخم
يارا: طب هقفل دلوقتي هشوف البس ايه
نور: تمام.. سلام
يارا: سلام
