يوسف: انا ملاحظ ان العلاقة بينا متوترة وانا مبحبش كدة كل علاقتي بطلابي كويسة
يارا: ايوة
يوسف: عايز علاقتنا تبقي كويسة مش فيه عداوة
يارا: لا هو مفيش عداوة ولا حاجة اكيد.. اول لقاء ما بينا مكانش لطيف مش اكتر
يوسف: طب كويس.. انتي لسة زعلانة
يارا: لا يا دكتور.. حضرتك زعلان
يوسف: لا مش زعلان بس بلاش حضرتك
يارا: لازم الاحترام برده... انا همشي بقي
ياسين: اتفضلي
يارا ذهبت وقد تأكدت ان يوسف معجب بها
يوسف كان يري انها بنت متحفظة وتقيلة وكان يقول بداخله: ليكي حق تتقلي برده
يارا خرجت من الكلية ورأت نور
نور وهي تجري عليها: ايه قالك ايه
يارا: مقاليش حاجة
نور: لا والله.. قالك انه معجب بيكي صح
يارا: في ايه يابنتي ده المعيد بتاعي
نور: ماشي هصدقك واكدب عنيا
يارا وقد رأت ياسين يمشي مع ناتالي ويضحك بشدة
نور وقد لاحظت غيرة يارا وحزنها
يارا بخنق: انا هروح البيت
نور: مش قولنا اننا هنروح ناكل الصبح
يارا: غيرت رأيي
نور: ليه
يارا: تعبانة شوية وعايزة امشي
نور: طيب الف سلامة
يارا: الله يسلمك.. سلام
ذهبت يارا كان وجهها حزين وشاحب
نظرت نور ليارا بحزن وقالت بداخلها: انت مستفز يا ياسين
يارا كانت تسوق سيارتها وتفكر فيما رأته وقالت: هو اكيد مش بيحبني انا تعبت بقي بحبه من ساعة اول مرة شوفته فيها لكن هو معندوش مشاعر ليه اه ممكن يكون حب من طرف واحد لكن مش هوقف حياتي علي حد كفاية لحد كدة انا كنت بصدهم عشان ياسين لكن لو لاقيت حد بيحبني بجد هديله فرصة
كانت نور في كافيتريا الجامعة
كانت تقلب في الهاتف بملل
جاء بدر
بدر: صباح النور
نور لم ترد عليه وتجاهلته وكملت نظر الي الهاتف
بدر: نور
تجاهلته للمرة الثانية
بدر وقد امسك بالهاتف: انا بتكلم علي فكرة
نور: هات التليفون..
بدر: لا.. انتي ببتجاهليني ليه
نور: انت نسيت اللي عملته في الحفلة ولا ايه
بدر: مش انتي كلمتيني امبارح عادي
نور: حاولت ابين قدامهم ان مفيش حاجة.. وهات التليفون
بدر: انا اسف يا نور مش قصدي كنت شارب
نور: انت بتقول انك كنت شارب كأنها حاجة عادية مش حاجة محرمة
بدر: انا بحاول امنعها لكن مش عارف
نور: ماليش دعوة انت المرة اللي فاتت كنت ماسك في ايدي ومش عايز تمشيني المرة الجاية هتعمل ايه
بدر: نور اسف مش هتكرر تاني
نور: هي فعلا مش هتكرر تاني..
واخذت هاتفها وذهبت
بينما بدر كان ينادي لها ولكنها ذهبت دون ان ترد
في مكان آخر
في دبي
: يا ماما انا جهزت الشنط
: طيب يا حبيبتي.. انتي جهزتي صح
: اه جهزت.. انا مش مصدقة اني خلاص هشوف مصر تاني
: مصر برده...
: امال ايه يعني
: يمكن ياسين مثلا
: اه طبعا ياسين عايزة اشوفه اوي
: قولتيله ان احنا راجعين صح
: لا هخليها مفاجأة
: طيب.. ولا قولتي لنور
: لا برده هعملهم مفاجأة
: ماشي.. يلا عشان هننزل
نزلوا الي سيارتهم حتي وصلوا الي المطار
