كانت مليكة تقعد في غرفتها تنظر للهاتف بملل وكانت تفكر في من لم تحضره وتذكرت صديقها وهاتفته
مليكة: الو جلال
جلال: الو يا مليكة
مليكة: ايه عامل ايه كويس
جلال: انا كويس انتي بخير
مليكة: اه بخير.. مش بتسأل يعني
جلال: معلش يا لوكا انا كنت مشغول اوي انتي عارفة شغلنتي صعبة ازاي
مليكة: عارفة ربنا معاك... انا كنت عزماك علي حفلتي
جلال: بس عيدميلادك عدي حفلة ايه
مليكة: عشان وصلت لخمسة مليون علي قناتي علي يوتيوب وكدة فعايزاك تحضر ومتقوليش مشغول عشان مجتش عيدميلادي برده
جلال: شكلك لسة زعلانة... الحفلة امتي
مليكة: يوم الخميس الساعة ٧.. هتيجي
جلال: هجي يا مليكة حاضر والف مبروك
مليكة بفرح: الله يبارك فيك يا جلال هتيجي بجد يعني
جلال: اه هجي اكيد
مليكة: تنور
جلال: بنورك. يا لوكا
مليكة: طب هقفل دلوقتي عشان بعزم الناس وكدة
جلال: ماشي سلام
قفلت مليكة المكالمة و كانت سعيدة ان جلال سيحضر الحفلة فهي لم تراه منذ وقت طويل
عند يارا
كانت يارا في غرفتها تذاكر حتي املت وشردت فيما سترتدي غدا للحفلة
فجأة نور اتصلت بها نظرت يارا الي الهاتف لتجد اسم نور
يارا: الو يا نور
نور: ايه يا يارا
يارا: ايه في حاجة ولا ايه
نور: متزعقيش بس.. هبعتلك صورتين للفساتنين اللي عندي اختاري واحد
يارا بغضب: يالهوي يا نور دي سادس مرة تسأليني انتي لميتي كل فساتينك ولا ايه
نور: اه اختاري معايا بعتهملك علي الواتس
يارا بنفاذ صبر: حاضر
بعتت نور صور للثلات فساتين



عندما يارا شاهدت الفستان اللي بلون الاحمر
يارا اتصلت علي نور
نور: ايه اختارتي انهي
يارا: انتي جيبتي الفستان الاحمر ده امتي
نور: من شهر كدة كنتي تعبانة ومعرفتيش تروحي معايا فجبته
يارا: انتي المفروص تلبسي كدة عادي ده ضيق جدا
نور: عادي انا مش محجبة
يارا: هي مش فكرة محجبة ولا لا ده حرام مينفعش تلبسي
نور: ياستي هو انا لبسته يعني... بس هيبقي جامد عليا
يارا: هيبقي اجمل لو لبستس في البيت احسن..
نور: طب التانيين البس انهي
يارا وهي تنظر للصور قالت: الاسود جميل اوي هو ضيق بس شايفاه احسن من التاني برده
نور: انتي غريبة اوي ده اضيق من التاني
يارا: بس الاحمر مفتوح من تحت كمان خليكي في الاسود هيبقي جميل عليكي اوي
نور: طيب انا برده اقتنعت بيه هروح بيه بكرة وهعمل شعري ستريت
يارا: هتبقي مزة
نور: اومال
يارا: طب سلام ياختي عشان هشوف البس ايه
نور: سلام
ظلت يارا تنظر لخزانتها لتختار فستان للحفلة
عند ياسين
كانت نور تأتي الي ياسين كل يوم لتجلس معه احضرت ميرنا فستان لتريه لياسين لترتدي غدا في الحفلة
ياسين قال بهدوء: الفستان جميل اوي بس ضيق مش عايزك تلبسي
ميرنا: ليه ده واسع عليا يا ياسين اوي
ياسين بحنية متجها اليها: ميرنا حبيبتي ده ضيق جدا هتقوليلي فيه طرحة هتلبسيها برده الفستان هيبقي مجسم حرام تلبسي كدة ربنا هيغضب عليكي ترضيها
ميرنا باقتناع: لا طبعا ميرضنيش مش هلبسه هلبس حاجة واسعة
ياسين بابتسامة: شاطرة يا حبيبتي
ميرنا بضحك: شاطرة هو انا صغيرة ولا ايه ده انا قدك حتي
ياسين: انا دايما شايفك اصغر مني يمكن عشان اقصر مني
ميرنا وهي تشب لتصل الي طوله وتقول بتعب: احنا قد بعض في الطول انا مش قصيرة ولا حاجة
ياسين بضحك: اومال طبعا..
وظلا يضحكا هكذا هو حنين عليها وهي دائما ما تقتنع بكلامه الذي يقوله بهدوء فاغلب كلامه يكون صحيح
عند ناتالي كانت تتوعد ليارا بالانتقام وتفكر في ياسين فهي لن تتركه لها حتي اذا لم يحبها فيكفي انها تحبه فكرت في خطة لتنتقم منها
عند سمر وسليم
كان سليم يبحث عن شغل في كل مكان حتي وجد وظيفة وهي ان يشتغل بقال عند احد الرجال الكبار في السن كان المحل مرموق وكبير كان مرتبه الفين جنيه هو مبلغ قليل لكن سليم حمدالله لحصوله علي هذه الوظيفة
كان سليم يتعلم بسرعة وكانت الزبائن تنجذب له بسبب لطفه وحسه الفكاهي العالي كان لدي سليم ايضا قبول غير طبيعي اغلب من يراه يحبه اول اسبوع من الشغل شعر بالتعب الشديد لانه كان اول اسبوع ينهي عن المخدرات لكن قاوم بقوة وكانت تساعده سمر فهي لم تتركه لحظة كانت ترعاه وترعي خالتها
كانت سمر تقعد في المنزل كانت تشاهد المسلسل المفضل لها قاطعها من المشاهدة رن هاتفها نظرت الي هاتفها لتري اسم ماهي كانت زميلتها في الشغل
سمر: الو
ماهي: الو سمر انا ماهي
سمر: اه ازيك يا ماهي عاملة ايه
ماهي: الحمدلله.. انتي فكراني صح
سمر: اه طبعا فاكراكي
ماهي: طب كويس.. انا عرفت انك كنتي بتدوري علي شغل اضافي وكدة
سمر: اه فعلا كنت بدور
ماهي: انا بشتغل جرسونة في مطعم وكدة انتي عارفة اني سبت الشغل
سمر: ااه عارفة
ماهي: في بنت هتعمل حفلة قاعة وكدة هي عارفاني كانت عايزاني اقدم المشاريب والاكل وكدة وقالتلي هاتي بنت معاكي وكدة فكنت بسألك لو ينفع تيجي معايا يوم بس لانها بصراحة قالتلي لو مجبتيش حد معاكي مش هتخليني اشتغل وانا محتاجة الفلوس ينفع تيجي
سمر: طب اللبس ايه مش هينفع البس قصير
ماهي: لا لا هنلبس بنطلون وشميز كدة اسود وحطي الطرحة عادي اللبس محتشم
سمر: طيب ماشي هروح معاكي هو الفلوس كام
ماهي:الفين جنيه
سمر باستغراب: الفين هو ده مش كتير علي يوم واحد
ماهي: لا هي مليكة البنت اللي هتعمل الحفلة كريمة اوي وكمان فرحانة بنجاحها فهتدينا الفلوس دي
سمر: تمام ماشي ابعتي اللوكشن
ماهي بفرح: هبعتهولك علي طول
سمر: طب الحفلة امتي
ماهي: الساعة سابعة بس احنا هنجي الساعة خمسة عشان نظبط المكان وكدة
سمر: طيب تمام.. سلام
ماهي: سلام
فرحت سمر كثيرا وحمدت ربنا فهي كانت تريد بشدة هذه الفلوس
فجأة رن جرس الباب قامت سمر لتفتح وكان سليم
سمر: اهلا اهلا
سليم: اهلا وسهلا.. مالك فرحانة كدة ليه
سمر: اصل صاحبتي جابتلي شغل ليوم واحد
سليم باستغراب: يوم واحد ازاي يعني
سمر: جرسونة في حفلة في بنت عاملاها
سليم: تشتغلي جرسونة ليه وحفلة ايه دي
سمر: حفلة بنت عاملاها وعازمة صحابها واحنا هنقدم الاكل والمشاريب وكدة
سليم: لا مش هتروحي
سمر: علي فكرة انا مش باخد رأيك انا خلاص اتفقت وهروح
سليم: وانا ماليش لازمة كيس جوافة انا
سمر: مش قصدي انت ليه رافض
سليم: عشان هيبقي فيها قلة ادب وناس بتسكر ورجالة زبالة
سمر: لا لا مفيش كدة وبعدين محدش يقدر يتحدي حدوده معايا واللبس كمان محترم وهيتناسب مع الحجاب ماشي
سليم باقتناع: ماشي يا سمر روحي بس تعرفيني المكان هجي اخدك
سمر: ماشي هوريهولك
كدة البارت خلص قولوليلي رأيكم ايه
