في صباح يوم جديد
كانت يارا نائمة بعمق حتي رن الهاتف
يارا: يووووه كان نفسي اكمل الحلم
نظرت الي هاتفها لتري نور من تتصل بها
يارا: الو
نور: يارا
يارا: في ايه يا نور متصلة عليا ليه
نور: عشان نروح الكلية.. انتي هتروحي صح
يارا: ااه صح طيب هلبس واكلمك
نور: طيب نص ساعة وهجيلك.. تمام
يارا: تمام
قفلت المكالمة وذهبت لترتدي بسرعة
ارتدت يارا ملابسها وخرجت خارج غرفتها
ووجدت والديها يتناولون الطعام
سناء: يارا.. صباح الخير يا حبيبتي
يارا: صباح النور يا ماما.. صباح الخير يا بابا
ياسر: صباح الخير يا حبيبتي
سناء: يلا تعالي افطري
يارا: مش هينفع انا متأخرة هفطر في الجامعة
سناء: كلي قبل ما تنزلي هتنزلي علي لحم بطنك كدة
يارا ذهبت الي مائدة الطعام كي لا تحزن والدتها وكللت بعض الاكل
يارا: جميل اوي يا ماما تسلم ايدك
سناء: طب كملي اكلك
يارا: معلش هتأخر.. سلام بقي
ياسر: خلي بالك من نفسك
يارا: حاضر
ذهبت يارا للخارج ولم تري نور انتظرتها حتي اتي صوت من خلفها
اسر: صباح الخير
يارا: ايه اسر خضتني
اسر: اقصد علي فكرة
يارا: يارخم...
اسر: ايه واقفة مستنية نور
يارا: ااه مش عارفة اتأخرت ليه
اسر: تعالي اوصلك ادام اتأخرتي
يارا: لا شكرا انا هستناها
اسر: تعالي يا يارا هوصلك انا وخلاص
يارا: خلاص انا هستناها
اسر: بطلي عند واركبي بقي
سئمت يارا من اصرار اسر بان تركب معه فركبت معه واتصلت بنور كي تخبرها ان لا تأتي
يارا واسر في السيارة
اسر:شوفتي بتبقي حلوة ازاي لما تسمعي الكلام
يارا: انت ليه محسسني انك بتكلم طفلة
اسر: ما انتي طفلة فعلا
يارا: انت مش اكبر مني بكتير اصلا طفلة ايه
اسر: مش بقول علي الفرق بيني وبينك في السن.. انتي عاملة زي الطفلة عنيدة ولو حد جبلك شكولاتة بتفرحي زي الاطفال بالظبط
نظرت له يارا نظرة لم يفهمها كانت يارا تتمني بأن لو ياسين يقول لها هذا الكلام ويركز معها هكذا مثل اسر وهو يهتم ويركز في تفاصيلها
اسر: انتي روحتي فين
يارا: مفيش سرحت شوية..
اسر: ايه كلامي عجبك
يارا: كلام ايه
اسر: لا انتي مش معايا خالص.. احنا وصلنا خلاص
يارا وهي تنزل من السيارة: شكرا يا اسر
اسر وقد نظر لها بابتسامة
كانت نور تقف برفقة ياسين وقد شاهدوا يارا تنزل من سيارة اسر
كان ياسين يستشيط من الغيظ
ذهبت يارا لهم
نور: اهلا باللي راحت مع اسر ومراحتش معايا
يارا: هو اللي اصر عليا معلش
ياسين بغيرة: ما هو فاضي ومش وراه حاجة
نظر كلا من يارا ونور له باستغراب
يارا: اظن انك عارف انه دكتور ووراه عيادة بس هو بيحب يطمن عليا
نظر لها ياسين بعيون غاضبة يريد تفجير كل ما حوله لكن لا يستطيع
اكملت يارا بغيظ: ممكن تستغرب شوية لكن هو بيخاف عليا اوي وبيحب يطمن عليا و
قاطعها ياسين بغضب: مش عايز اعرف
وذهب وهو غاضب
يارا باستغراب: هو زعل ليه
نور: فكك منه.. كنتي فين امبارح
يارا: ما انا قولتلك.. كنت في مطعم انا واهلي مع صاحب بابا وعيلته
وفجأة ابتسمت يارا تلقائيا
نور: في ايه سكتي ليه وبعدين مالك مبتسمة كدة ليه
يارا وقد افاقت من شرودها: مفيش احنا اكلنا وبعدين جه ابن صاحب بابا جلال بيشتغل ظابط وكدة ووسيم اوي... اا قصدي يعني محترم وكدة
نور: ااه محترم مش وسيم يعني
يارا: الاتنين... قصدي يعني انتي بتبصيلي كدة ليه
نور: ايه يا يارا انتي معجبة بجلال ده
يارا: لا لا
نور: لا واضح اوي
يارا: طب يلا عشان نحضر المحاضرة
نور: اهربي من الموضوع اهربي يلا ياختي
ذهبوا الي المحاضرة
