قصة دليلة " بالدارجة المغربية "

❤️الفصل السابع❤️

الجزء 23⁦⁩بقلمي........................ندى العمر*دَلـِــيــــلَــــة*ليل كامل وهو راض لبال مسمعش ليها صووت ولا حس ..لقى راسو بالو مشغول عليهاا يمكن بقات فيه وحس انها مظلومة فشنو كيجرا ليهاا ...صبر ديك اليلة بزز وغير بان ليه الضو برا شرب قهوة تفيقو وخرج برا شعل گارو وبقى مقابل مع الشرجم على الله تطل.....مع اخر جرة صاط دخانو بسخط ولاح طفية من ايدو وطلع يدق على سعااد لي ناضت قاافزة معرفات باش تبلات عرفاتو هو من دقاتو المتتالية شوية وينصل ليها دفة ويخليها على الله ...سعاد ..." حلات الباب لقاتو في وجهها متكي عليه وكيشوف قدامو ...دفعو بيدو ودخل بلا احم ولا دستور ..دار شرع ايدو وقلب دار كاملة حتى لحمام شافو ".....-فيين بنتك ؟؟سعاد......" الفقصة كانت كتاكل فيها وكتدعي في خاطرها عليها "....منعرف لييهااا كووراااه دايعة كيف عوايدهااعصمان ....." باسلوب فزعي ولي معرووف بيه ومغريبش عليه ".....كيفااش منعرف واش انا كنسولك على بنت جارة ولا شنو....واش بنتك الالة من لبارح في صباح خرجات ودابا صباح تاني ومعرفاها فين مشاات...." خنزر فيها ". ..اجي ولا ياكما جات وجريتي عليها ودايرة عليا تبهلة..سعاد...." ستغلات الفرصة حتى شدات ليه بيدو وداتو لبيت لي فيه حوايجها وصاكها "....شراوطها باقين منضنش مشات بحالها حيت متخليش حاجتها..." نتر منها وخلاها وتم غادي جاي في دار اما عي هزات گارو وجلساات مقابلة معاه كتنفخ وتفرج فيه "....عصمان....." جبد تليفونو ".....اري نمرتها نعيطو نشوفو فينهااا؟؟سعاد ....." جوباتو ببرودة خلاتو باغي يسطح ليها راسها مع الحيط ".....معنديييش "سااطت دخانها "عصمان....." مشى ليها هز داك الگارو شوية ويطفيه في فمهاا "........كنحشم نحط يدي فيك ونتي بهاد العمر....سعاد....." مرضاتش ومحملاتش راسهاا "......راني كبر منك غير بتمن سنين ازيين ...عصمان......" هو فين وهي عقلها فين ..قرب ليها وتكلم كارز على سنانو ".....قبل متجي عندك فين كانت جالسةسعاد...مع شماتة تاع باهاعصمان......."كان كيستناها تكمل "...ايواااا كمليسعاد.....اش غنكمل منعرف يمكن جرا عليها حيت من صغرها وحنا مضاربين عليها انا نقوليه خليها عندك وهو يقوليا شديها عليا.....عصمان ...." تشربن وحس براسو خاصو جوان وباكية الگارو وصندوق الشراب باش يتقبل هادشي لي كيسمع فيه "...عارفة فين ساكن ؟؟سعاد ..." دارت مخدة قدامها وضحكات بسخرية "....ايام كحلة مخلطة بالقرفي دوزتهم معاه فديك البراكة اكيد مغنسهاش...." هز ايدو ودوا بنبرة تهديد .."عصمان .....غنخرج نقضي واحد الغرض ...نبغي نرجع لقاك هنااا نمشيو لتم الا ملقيتهاش رجعات ..." لاح عليها كلامو وهبط دمو كيفوور مشى نيشان هوا عليه ما بارد وبدل... لبس جينز مع سبادري و تريكو نص كم ...ايديه كانو كاع مغطين بلوشام جهة فيها لكوبرات وجهة لوخرا كان الورد ...دفتر الوساخ محطوط كان كلو خطوط ....ركب على موطورو ديالو ومشى لمحل قضى شي حوايج فوق من خاطرو بالو تشغل وبجهد....باغي يعرف فين مشاات بأي شكل وربي كريم ...رجع لعند سعاد لقاها لابسة ومقادة وعلى سينگة عشرين ....فرحانة في الداخل ديالها بمشوارهم هي وياه فقط حيت غتكون معاه وقريبة ليه....وحاطة ايديها ومعنقة خصرو ساعة لي قراتو هي كان هوو في سماا قلعو ، غير ركب وركبات وراه بغات تشد في خصرو وهو يصدمهاعصمان.....حيدي يدك عليا شدي فرااسك الالةسعاد....." غادي ويصدمها "....بغيتيني نطيح ازريقة ...مجوبهاش حيت طيح ولا تموت مهاموش ...كسيراا وظارت كيف بغى معنداتش ..ومسافة طريق وكان قدام الكاريان...غادي داخل ويلوح في السلام حيت بحالو سميتهم كتكون شانعة في جميع الأحياء ... بقا غادي تا وقفو قدام دار المختار خلاها تدق وهو تكلف يحيد ساعتو يخشيها في جيبوو الجزء 24⁦⁩بقلمي........................ندى العمر*دَلـِــيــــلَــــة*خشى ساعتو دارها في جيبو وقف بثبات وحط ايدو بزوج على خصرو ...عقد حجبانو حتى تشكلو ليه خطوط متوازية فجبهتو ...كان كيستنى غير امتى يتحل داك البال مكرهش يلووحو ويهني راسو ...هز ايدو هاد المرة بسخط وخبط خبطات لي من وراهم خرجو گاع عباد الله يطالو عرفوو القضية عند المختار حامضة....شي تشفى فيه وكاين لي باغيها فيه واخا معارفينش اش غيطرا ولكن فهمو كاينة إن في الموضوع من ورا سيفت زريقة...سمعو صوت خطاوي جايا ، تحل لباب ووقفت قدامهممرا مربوعة القد مكحلة لعينين وسوكة لفم ...ضورات وجها وشافت في سعاد... طلعاتها ونزلاتهااا وطلقتها بتكركيرة وصل صداها لدخلة لكارياان ....الغالية....."حطات ايدها على جنبها وبدات تفيبري تقول مركبين فيها الضو "....هاي هاي هاي على السعدية وتعكيرة واللبس هادي نتي ولا كذبت ...سعاد....."خنزرات فيها حيت عرفاتها راه مدوزاتش لقليل تم .." شيااطة كتاخد غاا شيااطة ارخيصة اما سميت لغالية بزااف على طواسلك " صبرو كان قليل ومعندوش لوقت لبسالة لعيالات ..مخلاهمش يترادو كيف طعارج...لاح الغالية ودخل كيقلب ..لقى المختار حال فموو وناشر كل رجل في قنت...عرفو بلي هو باها مشاليه نيشان هزو من تريكو لي كان لابس تا جابو واقف معارف باش تبلى "عصمان....." بالغوات " ....نتااااا هو المختارالمختار...." عند بالو صحاب الحال بدا يتفتف والهضرة كتخرج مقطعة يقول حرف ويوقف بحال سيدي لمشرط "......والله ..ماا..داير...حاجة اشاف ..-عصمان......فيناااااهياااااا بنتكالمختار.....والله مكنعرف عليها حاجة اشاف اش دارت بنت لحراام .." حس براسو تقرجط ونفس تقطع ليه...كان شاادو بيد وحدة ومزير عليه ..تدخلات سعاد كتجري مشات ليديه كتحيد فيهم "....سعاد......"تخلعات لتصدق غادا من وراه لعكاشة ".....اش كدير اعصمان طلق منو يمكن مكينااااش عندو ...." لاحو بنثرة تا طاح الأرض وبدا يكحكح وحداه الغالية كتخبط على كتافو تقول واحلة ليه ..."...مختار...." دوا بزز ..يديه ورجليه كيترعدو فيه غاا اللسان وتخراج العينين "....سعدية شكون هادا كحكح وعلاش كيسول على دليلة ...سعاد...." شافت فيه ودوات بملامح جامدة "....بنتك مباتتش في الدار وكنقلبو عليها....المختار........" طرطق عليها بحال لگلية "...بنتك نتي الالة مكنعرفهلش انا...كيجيني من وراها غا لبلا ...منك ليها من هنا لقدام باراكا عليا درت فيك وفيها خير وهزيتها وهي صغييرة ملي كبرات دابا تكوڤري على راسها بغيت لهنااا وراحة لبال ..." هز رجليه وتم غادي ليه بيها لوجه عندو زهر بعد وجهو وجات في الخوااا ".....عصمان ..." نفس تطلع فيه و تهبط تقولو كيهز في الحديد و عقلو تالف و خاصو يعرف دليلة فين باتت .. هو متأكد طارية ليها شي حاجة حيت قراها وعرفهاا انها ماشي من بنات ورا ثمنية .. رجع شنق على المختار وبدا يخبط على كتافو " ... نتااا واش رااجل نتاااا واااش لعدو ربك اب اااه تا سير تخبى و دفن راسك حييي سير شووفي ليك شي قبر فشي مزبال و تخشى فيه ... اش ذنب ديك البنت تا باش يكونو باها كيدار فحالك ..."بدا يضرب يد مع ختها "... الأم عااااهرة و الأب ذيلمووو بزناااااس .." يا الاه بغات تهضر سعاد ووقفها بيديه " ... بربي و تهضري تا نخلطك معاااهغير نلقاها وديك سااع عندي تصرف اخوور الله يعطي لديلمكم الحبس بزوج بيكم" خرج من تم وسعاد وراه تجري وعباد الله حاضينهم.......خطوتو كانت كتعادل خمسة خطوات من رجليها وقف فين حاط موطورو ولي متقاسش ولا تخبش حيت تنقنيقة وصلات وتعرف بلي ديالو ....ركب وديمارا عند بالها كيستناها غا وصلات حدااه كسيرا وخلاها منشوورة بحال الهيضورة