![]()
الجزء 35![]()
![]()
بقلمي........................ندى العمر*دَلـِــيــــلَــــة*مستغرباتش من ردة فعل دياالها، ولا بقى فيها الحال ،نو بالعكس مناعتها كانت قوية ضد هاد المواقف حيت ياما تعرضات ليهم فصغررر ، شحال من واحد هرب منها كأنها وباء وخايف يتعادى منو بمجرد مكيعرفهاا بنت سعااد.....وهادشي بالفطرة فينا كنحكمو على بنادم من منظر ديالو ولا بيئة فين عايش ولا معامن مرافقحسنية...." خنزرت فيها وجمعات الوقفة ".....كيفاش بنت سعاد ، حنا طالبين سلاكة مع مها غتزيدني نتا ببنتهاا ؟؟عصمان....."شاف في دليلة لي بقات على نفس الحركة والجلسة وملامح الوجه متهزاتش فيها الشعرة، حمر شووفة فموو وناض لعندها ".....جلسي الارض الواليدة كلامي مزال مكملتوودليلة.....خليها على راحتها من حقها وعاذراها الا كنت انا وكيجي وقت مكنحملش راسي حيت بنتها...كيف بغيتيها هي تتقبلني ...." وقفات مقابلة معاها " ...ايدك منك واخا مجدامةة ، وهادي حالتي مع سعدية لي مي غير بسمية ولكن بسيف ولا لخاطر غنعتاابرها مني واخا كبرت غير بنت باب الله... " بتاسمت ليهم "....ونزيدك ولدك بناتنا بزوج دار والتيقار ، وكون ما شي حاجة ديالو كانت عندي وجبتها ليه. عمرك تشوفي وجهي ولا نطل عليك ...يالله صباحكم مبروك ...عصمان....."شدها من يدهاا متبثها توقف ".. اجي الالة وفي غادا ، لكلام ماسالاش هناا ، ومغاداش تعتبي داك الباب حتى ندوي انااا- دليلة....." زولات ايدو من دراعهااا ودوات مغددة "...مزال متزاد لي يتحكم فيااا ،كلامك يمشي عليييك ماشي عليا .. نتمنى هاد المرة تكون حفضتيه و الى تتنسناه سير كتبو في ورقة وعلقو قبالت عينيك" تمات خارجة بانت ليها رنا لي لفيلم كلو داز عليهاا "-دليلة......حلي ليا معاك الباب ازين الله ينجيك من لفاام...." سمعات ليهم الهضرة ، رنا مقداتش تصرف من دماغها تا شافت زريقة هز ليها راسو بالايجابخرجات دليلة وخلات وراها بركان كيغلي وكيضرب في كف ايدوو ،ومو حداه كتكمل على مابيه "حسنية.....لا اويلي لااا الا هادي منقبلها ولادوز ليا بجغيمة الما .. كيقوليك واحد المثل و سير علييه لا تخليه موراك ،معامن شتك معامن شبهتك ... وهادي اوليدي راها مهااا ماشي صاحبهااا ايوااا گلب الگدرة على فمها تطلع ليك البنت غا مهااا .. وريحت سعاد عاطية و تشالي من الشاريع الثاني منقد على فااام ومنقد على هضرة ونتا غا عوينة وحدة ونبغي ليك لالات لبنات-عصمان....كبير وواعي وعارف قلوعي وصواري .. نعرف من الق ، اعودو بالله غيخرج العيب من لساني و نتي تاج راسي .. وكيف قلتليك نعرف الخارجة للطريق من جامعة رجليها .. و الامثال ما بقى يتضرب بيهم في هاد الزمان .. ومول النية يربح الحنانة و هاد الدرية رجاااها في الله و سعاد ما هي الا مرأة خرجتها لدنيا، وزريقة الوليدة الصعيب و الفحل لي يحل عليه فمو باقي مخلاق و لا تزاد لي يرفع صبعو في باب دارو اما لي ينطق بلسانو قبل مينوي يلقاه طار و يولي يشالي بصباعوحسنية...."ملقات متقول قدام هضرة ولدها غلبها ودار ليها لجام لفمهاا سكتها بيه"...كلامك وزنتو و صنتو اوليدي راك تعرف صحيحة من لفالصو، كتافك يديرو مني ربعة وربي حافظك من العين .....وباينة لبنت دخلتلك لقلب وعششات فيه وانا واخا نقول لي قلت لي فراسك هو لي غتمشيه داكشي علاش الله يسهل عليكعصمان ...." خدا ايدها باسها " ...حتى يزيد ويسميوه سعيد الواليدة![]()
الجزء 36![]()
![]()
بقلمي........................ندى العمر*دَلـِــيــــلَــــة*قالو ناس زمان الا بغيتي تعيش لاباس متديش على هضرة نااس اي بمعنى خليها براا وذنيك حيت غير هضرة خاوية مغترجع الجبال سهول ولا صحرا حقول ...وكيف كنتي خايب ولا زين فيك فيك ويتبعوك حتال قبرك ويهضرو فيك ، وهاد شي كانت عارفاه هي وفاهماه واول مفاتت عتبت دارهم نسات كلشي وخلاتو تم....هازة نتاف ومرايا ومقابلة مع الضو كتقاد في حجباانها ، سمعات صوت لباب متحركاتش من بلاصتها كون كانت مها راه غتخل وتدخل....تجهد دقان وصدعها في راسها وقلق راحتها، لاحت شنو فيديها فوق سداري ومشات حلات لقات قدامها رنا هازة طاجين صغير وفوقو خبزة محمرةرنا.........دابا انا لي جايا طالبة ضيف اللهدليلة.....الا كنتي كتقلبي على سعاد فراه مكيناشرنا......"كتشطح في بلاصتها من ثقل" ...بغيتك نتي ازين ، واش منبقاش فيك تخليني بحال بلاكة تسعين هنا 
دليلة ....." غلبها وجهها ومعرفات متقول من غير".....دخلي دخلي، "سدات لباب ومشات وراها "...بغيت نرحب بيك ولكن انا براسي ممرحبش بيا هناارنا...." حطات داكشي فوق طبلة ومشات لافابو غسلات يديها ورجعات جلسات ".....زيدي تاكلي لغدا غيبرد ...دليلة.........غا بصحة انا تگهمترنا...."تنهدات "......عارفة راسي مي قصحات معاك داكشي علاش جيت عندك هنااا نعتاذر ،ولكن والله مغتكون قصدات قلبها بيضدليلة...."قاطعتها بضحكة ".....قصحات معايا ؟؟...قولي هراتنيرنا....."بعدم فهم "....بحالاش مفهمتش اختيدليلة....."غمزتها "...معندك متفهمي ازين ، وغير هني بالك هضرة مك بحال سمن مع العسل على قلبي محركاتش فيا شعرة ..وختى الا گاع تهزات مني غا شوية ندخل لبيت ونشوف في لمرايا ونضربها بتعكيرة ونخرج ناشطةة وحسن من قبلرنا......" تنهدات قلبها كان عامر "...سعداتك اختي مكرهتش نكون بحالك مكنتسوقش ولا كنتقلق وكلشي عندي بهاد البساطةةدليلة......" مجوبتهاش ديك ساع سكتات شحال عاد نطقات "....ايوا كولي غداك برد ناوية ترجعي تسخنيه...رنا......."حلات على داك طويجيين وقطعات الخبز "....نتشاركوه بزوج يكون خبز والملح بيناتنا، وبيني وبينك باغا نكون صاحبتك ونقوي شخصيتي منك ....دليلة....."رجعات عليها لخبز ودوات بحدة " .....معندي صحابات.......وماباغا صحابات....مكتافية براسي ازين غير الله يخلف والله يعمر ..رنا...."بخيبة أمل سدات على داكشي وجمعات الوقفة "....واخا صافي ، مهم هادا غا خليه هناا الا مكلتيهش نتي تاكلو سعاد مرة مرة كنصايب شهيوات ونجيب ليها ذووق يالله بسلامة عليك ومظيريهاش مني قلة صوابلأول مرة في حياتها كتحس بندم على الهضرة لي خرج فمها ، قدما كانت بغات تبقى مرطبة معاها قدما حسات براسها جرحات لبنت لي مدايرة ليها والو ، يمكن هي ولفات تبقى بوحدها ومعزولة راسهاا ومكتافية بنفسهاا....قسوة الناس عليها خلات فمها يكون ماضي وكيضبر ...عرات على داك طجين طلعات معاها ريحة ديال البنة ...كان خاتر وعاقد وبالحامض والزيتون كيف كتبغي....متردداتش تاكل منوو خيت كانت مشتاقة لكل ماهو بلدي،كلات حقها وميزيد عليه محسات براسها غير وهي شبعانة مليووحة حداه مرخية دايرة يديها على حنكهاا وكتشووف في سقف حتى داتها عينيها محلاتها غير على سعاد قداامها كتضحك وتنطقسعاد .....اححح الله وهاادي خدمة نقية ،وتبارك الله عليا
أنت تقرأ
قصة دليلة " بالدارجة المغربية "
Romantizmهاد المرة جييتكم بقصة مغايرة تمااما تحت شعاار التجديد ثم التجديد ثم التجديد وحيت انا من عشاق هاد النوع واحبه حبا جمااا لذلك كتاباتي غتكوون بلا زواق وغنبعدكم شوية على الفيلات وولقصوور ولماركات ونشووفو حب ولاد شعب لي مبحالو حد ...حب مشرمل ههه ... ولد...
