كتفي الذي لايميل

البارت الثاني

كان متفجاء ويسمع بس ، كميه المعلومات اللي تعرفها عنه غريبه ! والروايه اللي قالتها غريبه
ابتسمت:انا وريتك الاماكن لهذا بروح الشغل
مشت وهو يشوف بعدها وعلامات الاستفهام ملان راسه ، اول مارجع كان نبيل امامه فتح له الباب ودخل هو مش طبيعي
نبيل بغرابه:مالك ؟ لايكون ماعجبتك علياء لذي الدرجه؟
جلس بتعب: ايش ذا اليوم الغريب
نبيل جلس : ايش صار
ادين: اوصل وفي واحده بتصيح بشكل هستيري ، وبعدين اعرف انها بنت عمي
نبيل ضحك: هههههه ايوه فعلا علياء طبعها حاد
التفتت له:ذي وقحه ي نبيل
نبيل: احممممم لا تورطني ذي بنت عمك
ادين:لا يكون قلت لابي اني هنا !!
نبيل: للان لا
ادين: اسمع قله انه خرجت ب اسطنبول اعمل ليزر تبيض لاسناني قبل الخطبه تمام
نبيل: ليش ايش في راسك ؟
ادين: قله كذا وخلاص مشتيش حد يعرف اني قد جيت
نبيل: تمام " كان ملاحظ شروده": لهذي الدرجه مصدوم من علياء او في شي ثاني ؟
ادين: حصل معي موقف غريب ي نبيل !
قابلت بنت اشتي اعرف عنها معلومات وانت بتسافر كثير لشركه اتوقع تعرفها ، بس للاسف ماسالتها عن اسمها
نبيل: طيب اوصفها لي يمكن اعرفها
ادين: اوووف جميله جميله بشكل ساحر !
نبيل بيشوف له برفعه حاجب : ايوه ؟
ادين: نظراتها وكانها حقل مغناطيس جاذبه ، وكلامها وكانه مقطع موسيقي يتناغم في شفايفها ، ومشيتها وكأنها عود غصن يتمايل ، فاتنه او انا معجب من النظره الاولى !
نبيل بيشوف مصدوم من كلامه :؟؟
يتكلم بجديه : هههه اسمع طولها متوسط ، بشرتها قمحيه بين الابيض والاسمر ، متوسطه الوزن ، ومعها ملامح مريحه للعين طبيعيه ولطيفه
نبيل : اهاا مافي بذي الموصفات الا غرام
التفتت له: غرام ؟
نبيل : ايوه السكرتاريا اللي مع علياء بنت مجتهده ويعلم الله انها محترمه ومتربيه لكن ما انصحك تفكر بها ابدا
ادين بغرابه: ليش ؟
نبيل : لانه تقريبا كل اللي ب الشغل تقدمو لها ورفضتهم هههههه والله تقدمو لها ناس احسن مني ومنك ورفضت ، ومافيش تبرير بس غرام معها وجهه نظر سيئه جدا تجاه الرجل والسبب ابوها ، معها ماضي سيئ جدا مع ابوها ولهذا رافضه فكره الزواج نهائيا !
شاف له : بس هي حكت لي شي غريب !
نبيل : حكت لك !! غريبه هي ماتفتح سوالف مع حد غالبا الا ما نادر ، قل لي ايش صار ؟

...
كانت هي وصلت البيت : يمه انا جيت
امها ب المطبخ: شوي والعشاء جاهز ،دخلت حظنتها: يمه انا قلت لك لا تتعبي نفسك ،وانا ليش اديت لش شذى الا عشان تعمل هي كل حاجه وتخليك ترتاحي
شذى دخلت: والله كلمتها رفضت
غرام: المهم تاخذ الادويه
ام غرام: ايوه كل شي افعله بس احيانا احب اطبخ لك بيدي
مسكت يدها وقبلتها:سلمت يديك الطاهره ي امي
ام غرام: ادخلي غيري ملابسك لما اجهز الاكل
ابتسمت ودخلت الغرفه وفجاءه ذكرته: او نسيت ماخذ رقم العامل الجديد ، اقتربت من الشباك وتكلم نفسها : شي غريب به جعلني اشعر بنوع من الاطمنان ، وشكل عيونه ولونهم ، يشبهه ادين قوي ، عيون زرقاء غامقه وكاني اشوف البحر في وجهه ، ربما ذا السبب اللي خليني انفجر واتكلم عن ادين ، الشخص الذي مستحيل تجمعني به الصدفه ...

.....
نبيل مستغرب: معقوله ؟
ادين: من اول وانا فكر واقول ربما تعرفني وتحب تفعل دراما ؟
نبيل هز راسه بالنفي: لا مستحيل غرام مش من ذا النوع ، يمكن الحادثه حقيقيه لانها دقيقه جدا بالوصف !!
ادين: غريبه والله من اول افكر ب الموضوع وخاصه اني مش متذكر تمام
نبيل : بس ذا مايعني انه بتقبل تتزوجها لهذا شيل الموضوع من راسك
ادين:ما افكر ب الزواج الان ،انا جيت اجمع اسبب ارفض بها علياء ،وبعدين برجع اتزوج كارول واخلي ابي يرضخ لرغبتي !
نبيل ساكت ..