كتفي الذي لايميل

البارت الثالث

الصبح طالع وبيكلم نبيل: ايش قلت ل ابي
نبيل: كلمته ، في البدايه عصب بعدين قال المهم اقتنعت بفكره الزواج
ضحك: ههههههههه توقعت

خرج وصل هناك ، دخل وعمل شاي وبيدخله لعلياء مشي من جنب غرام وهي فوق الكمبيوتر وهو بيشوف لها ،دق ودخل شافته وقال: الشاي !
مسكته واشرت بيدها بغرور وعنهجيه: لحظه!
شربت الشاي وتفلته بسرعه وبعصبيه وانفعال شديد: ايييييييشششششش ذاااااااا
غرام سمعت واقتربت من الباب وهي تصيح: انت اهبل ؟؟! ماتعرف تعمل شاييييييي
غرام حاولت تدخل: استاذه رجاء اهدي انا بعلمه الشاي تبعك لا تنفعلي
اشرت له وطلعت وطلع وراها وهو بينفجر من علياء دخلت المطبخ وتتكلم: سوري نسيت اقل لك، اخذت ملعقه صغيره وقالت : شوف خذ ملعقين سكر ومعلقه واحده شاي تمام
هز راسه :!
ابتسمت لمحاوله تدراك الموقف وملطفته برحمه: لا تنفعل ولا ينكسر خاطرك اخي ، هي كذا لقمه العيش تحتاج صبر ، تعبت كثير لما وصلت للمكان الذي انا به الان وانت اكيد بتكون شي اكبر بالمستقبل
ابتسم لها
غرام: نسيت امس اخذ رقمك لانه كل ارقام الموضفين عندي عشان لو في شي اعطيكم اشعارات
ادين توتر لانه رقمه امريكي ،ثم قال: رقمي الاول قفل بعطيك الرقم لما اخذ شريحه جديده ، هاتي رقمك وبرسلك المساء
ابتسمت و مكنته وقالت: سجل غرام وانت ؟
توتر ثم ابتسم بتوتر وقال: انا ،،،،،، ادم
غرام : طيب
مشت وهو يشوف بعدها وسجل اسمها " الفاتنه "
ورجع عمل شاي مثل ما قالت ودخله لعلياء ، مسكت الشاي وتتذوق ثم اشر بيدها: لاباس لاباس تقدر تروح من امامي
كانت مستفزه لكنه صابر لسبب في نفسه ، خرج غلق وغرام مقابل الباب كان يشوف لها عندما رفعت وجهها له واشرت له بيدها اوكيه
انتبهه وهز راسه تمام ،ومشي وقبل مايقفي التفتت لها ويكلم نفسه " ما الطفها "

رجع جلس مكانها شوي وسمع صياح ، خرج بيشوف وفي حوار بين موضفه ومدير اداره وواحد ثالث
الموضفه: انت طلبت مني اوراق وجبتهن لكن اخذت مشروع سهام ليش
المدير: كذا
الموضفه: عشان تقبل مشروع سهام صح ، لان بينكم علاقه
للمدير: لا تذكريها على لسانك ،انا حر اختار المشروع اللي يناسبني ويناسب الشركه
الموضفه: مشروعي افضل
ارتفعت الاصوات وخرجت غرام وعلياء والموضفين
علياء : ايش في
المدير: استاذه البنت ذي قدمت مشروع معجبني واخترت مشروع موضفه ثانيه والان بتحاسبني
علياء بعنف: الصغار عندنا ما يحاسبو الكبار ، ولا تفعلي فوضى اطردك ،فهمتي
اقترب بتعجب:طيب مش تسمعي منها ب الاول
علياء بغرور: والله وصلنا لزمن وصار للقهوجي صوت !
خرجو الموضفين ويشوف ل ادين بغرابه
غرام: استاذه علياء تقدري ترجعي مكتبك وبحل المشكله
لكن اقتربت هي من ادين ودفته بيدها: ارجع افعل لي شاي ذي وضيفتك وبس
غرام ااقتربت: استاذه علياء انا براجع المشروعين واختار الافضل لنا ،رجاء اهدي
شافت لها وشافت ل ادين وبنظره تكبر قالت: طيب
مشت وهي شافت للكل:كل واحد يرجع شغله
واقتربت من ادين: ادم لاعاد تتدخل شوف الكل ساكت
ادين: بس ي استاذه غرام،لو كلنا سكتنا بيظن صاحب الباطل انه على حق
غرام : ادم ، مابش لغه هنا اعلى من لغه المال والمصلحه ،مابش باطل وعدل عندهم ، في كم تكسب ب اليوم وعلى هذا يحددو مكانتك !لهذا لا تضر نفسك ، انا بكون احاول احل الامور ،عشانك ي اخي
سكت وهي اقتربت من المدير وطلبت منه المشروعين ومشت وهو يشوف بعدها "كإنها الحسنه الوحيده بين كومه من السيئات"

وصلت جلست وقراءتهن وشافت انه فعلا مدير المشاريع كان غلطان وانه اختيار الموضفه الثانيه افضل ،بتختار مشروعها لكن ماتقدر تخلي المدير غلطانه امام علياء ،اللي تعامل الناس حسب مكانتهم الماديه ومعدلهم الوضيفي ....

كان مستغرب نهايه اليوم دخل عليه نبيل : هلا
ابتسم بتعب: اهلين
نبيل: افاا نهايتك قهوجي عند علياء
ادين: الشغل مش عيب ،ايش ماكان وبعدين انا ناوي اشوف لفين بتوصل علياء
نبيل ابتسم:تاكدت من البنت
ادين: ايووه غرام !
وشاف ل نبيل: تتوقع ليش توقعوني عامل قهوه؟!
انفجر،ضحك: ادين انت مش في ميامي تلبس كذا
ادين بغرابه: ايش في !؟
نبيل : هههههههجاكت عريض و بنطلون مقطع
ادين: نبيل ذي اخر صيحه عندنا وانت عارف كيف يمشو عندنا على الموضه
نبيل مكانه يضحك: ههههههاي حبيبي ذا ب امريكا هنا العادات غير ،هنا يعتابروك شحات حلو انهم خلوك قهوجي😂😂😂
ادين : جد ؟ الاختلاف لذي الدرجه !وانا اقول مال لبنت امس صاحت وهو من شكلي
نبيل : اي بنت
ادين: امس لما نقلنا الشقه الجديده ،خرجت البلكونه وفي ب الشقه اللي جنبنا بنت كانت جالسه وتشرب شاي واول ماشافتني صاحت وهربت
نبيل: هههههههههه لااااا ذي هربت لانه كانت مش مغطيه
ادين: لااا كانت لابسه فنيله وبنطلون
نبيل: ايوه عشان كذا او ماشفت انك شفتها صاحت وهربت
ادين:يعني هنا اذا شفت واحده لابسه بنطلون ضروري تصيح ؟
نبيل: هههههههههه لا لا بس عشان مش مغطيه يعني ،مثلا اختك الين ، تخرج الشارع بحجاب ولبس محتشم
ادين:طيب تمشي من امامي بس ليش تصيح ؟ فجعتني
نبيل: ههههههه تعال تعال نروح نتكلم ب البيت
بيخرج معه وخرجت غرام طالعه شافت نبيل ووقفت: اهلين اخ نبيل
ابتسم لها وادين جنبه ساكت
رد: اهلين غرام كيفش
غرام اقتربت شوي : تمام ، في شي من المدير لاسمح الله
نبيل: لا كل شي تمام بس جيت اليمن زياره وبمشي
قالت بتردد: و و .. و الاستاذ ابن صاحب الشركه ماعاد خرج !
التفت ل ادين اللي كان ياشر له بعيونه لا
نبيل: هاه ادين ، لا هو رجع تركيا
نزلت راسها: اهاا ،ماعاد بيجي اليمن
كان خلفها وهي تكلم نبيل واشره له لا
نبيل بتوتر: هاه ، لا لا
ماحبت تطول الاسئله: اهاا ، طيب عن اذنك
التفت ل ادين بيتكلم وعلياء طالعه ووقفت امامه: نبيل،خير في شي ؟
كان متوتر من غرام وترتره علياء اكثر: لا ولاشي
علياء:مش قال عمي بتخرج مع خطيبي ؟
نبيل بتوتر وادين يشوف له ثم قال: لا لا هو في تركيا الان بيجي بعد كم يوم
التفت ل ادين وهم توترو وقالت:وليش واقف جنب ذا !؟ نبيل لا تفقد مكانك وانت واقف مع هذول الاشكال
خرجت وهو التفت له: ي لطيف
ادين: مريضه ووالله وانا بعالجها...