دخل ليث للبيت وشاف ابوه جالس ومعاه راكان وقام راكان
اول ماشافه وقرب منه : اسمع ابوي معصب حاول ماتتجادل معاه
مشى ليث وجلس قدام ابوه وطالع الاب فيه بعصبيه:
هذي هي حياتك !! روحه وجيه مع اصحابك وسهر واكل وشرب!!
هذا كل شي !! تبغا تعيش كذا للأبد !
ليث وهو ساكت ويطالع فيه وراكان يحاول يهدي ابوه:
ابوي هدي نفسك شوي
الاب: اهدي نفسي عشان ايش ؟؟ البرود اللي هو فيه مو طبيعي
انا ابغا مصلحته
راكان: قلت لي انك ماراح تناقشه بذي الطريقه
ليث وهو يطالع فيهم ورجع طالع في ابوه : قلي ايش تبغاني
اسوي وراح اسويه
الاب: تساعد اخوك وتساعدني ماطلبت شي كثير
ليث: راكان انا دايما اكلمك ليه ماتقول لي ان في شي مهم او
تطلب مني مساعده ؟
راكان: ماحب اشغلك كثير بالذات انك ماتحب شغل الشركه
والمكتب
الاب: الحين بتحط الغلط على راكان عشانه ماقالك ؟ وانا اكثر
من مره ادق عليك واطلب منك تجي وتتجاهلني
ليث : اكون مع اصحابي
الاب: اصحابك اهم من ابوك ؟
ليث: ماقلت كذا
الاب:بصبر عليك ذي المره عشانك ولدي واحبك بس صدقني
يا ليث كل هذي القسوه في مصلحتك وانت تعرف كيف انا اقدرك
اتمنى بس تتعدل وتعدل حياتك وتبتعد عن الشراب
ليث: بحاول
قام الاب من الصاله وطلع لغرفته وطالع راكان في ليث
اللي جلس يقلب في جواله : قررت تجي بكره للشركه ؟
ليث: اذا صحيت بدري راح اجي
راكان: انا بس حاس بإحراج بكل مره ادق على تيم عشان اكلمك
اتمنى ترد علي اذا دقيت
قام ليث والتفت لراكان : بسألك عن شي!
راكان : اي
ليث : تعرف مكان بيتنا القديم !
راكان عقد حواجبه: ليه تسأل !
ليث : حنيت له
راكان: ابوي باعه من زمان
ليث:مايهم بس اذا تعرف مكانه قلي
راكان: اي طبعا اعرف كيف انسى ذاك المكان !
