وقف حسام عند مدرسه اخوه الصغير ونزل وقرب للمدرسه وشاف
انها فاضيه ومافي احد حواليها وقرب من الباب وشاف اخوه جالس
وبجنبه معلمه وجلس يفرك مؤخره راسه بإحراج: اسف تأخرت
قام بدر وقرب منه : اتمنى انها اخر مره تتأخر كذا لان عندي اشغال
غير اني انتظرك تجي تاخذ اخوك كل يوم
جا بدر بيمشي مسكه حسام من معصمه: ممكن نتكلم؟
طالع بدر فيه: نتكلم عن ايش ؟؟
طالع حسام في اخوه : روح السياره وانا الحين جاي
راح اخوه وطالع حسام في بدر : اشفيك ؟
بدر : تسأل اشفيني ! بكل برود ! تارك اخوك لنهايه الدوام كل اصحابه
واللي في المدرسه راحو مايبقى الا هو وفوق هذا كله انا اللي انتظره
لان محد بيهتم له وبيبقى هنا الا حضرتك تشرف ! وتدري ايش
اللي اسوء من ذا كله ؟؟ اني اشوفك
حسام: افا !! الحين شوفتي سيئه ؟
بدر: اسمع انا طول اليوم في المدرسه راسي مصدع ومالي خلقك
عشان كذا اتمنى تكون اخر مره تتأخر فيها عن اخوك المره الجايه
بمشي واتركه وبراحتك لو صار فيه شي
حسام: شوفني ها تارك شغلي وعملي وجيت ع طول اول ماتصلت علي
بدر: وانت مافكرت باخوك !! جيت اول ماتصلت انا؟
حسام: طبعا بجي عشانك وبيني وبينك استغربت انك للحين حافظ
رقم جوالي !! الاكيد انك مانسيتني
بدر : لا انت واثق من نفسك بزياده شفت سجل الطلاب وشفت رقم
مسجل قدام اسم اخوك ودقيت وطلعت انت وندمان الحين اني دقيت
حسام: اشفيك علي ! ماودك تسامحني ونرجع اصحاب ؟
بدر: لا شكرا مابغا يكون بينا اي شي لا حب ولا صداقه ولا حتى
معرفه سطحيه ابغا اكون غريب بالنسبه لك وانا بعد بعتبرك غريب
حسام: بدر !
بدر: انا ماشي
مشى بدر وتركه وطلع حسام بعده وركب سيارته وتوجه للبيت
والتفت عليه اخوه: ليه تأخرت ؟ قلت لي انك ماراح تتاخر مره
ثانيه ؟
حسام: جاي لك بملابس العمل وتسألني ليه تأخرت ؟؟
الاخ: مابغا اشوف صاحبك مغصوب يجلس معاي عشاني متأخر
حسام: ماعليك هو مبسوط بذا الشي
الاخ: ايش عرفك انه مبسوط؟؟
