لايك/كومنت🤍
اللي ماعلق على بارت 12 يرجع يعلق او يسوي لايك 🤍
بارت طويل معليش من ٣ الاف كلمه 💔
اسمعوها وانتم تقرون :
https://on.soundcloud.com/bzJSVwWS8BvN947y6
قبل ١٦ سنه //
نزل تركي من السياره وهو مبسوط : اخيرا وصلنا للديره
ماراح ادرس وبجلس كل يوم العب وهذا افضل شي
سلطان : لا تفرح كثير امش ساعدنا ننزل العفش
تركي: طيب
الاب بعصبيه : تركي !! نزل الاغراض بنروح انا وسلطان نشتري
الاشياء الناقصه في البيت ونرجع
تركي: الاغراض كثير ماقدر اشيلها لوحدي
سلطان : سوي اللي يقوله لك ابوي لاتخليه يعصب عليك
مشى الاب وراح سلطان معاه وجلس تركي ينقل الاغراض من
السياره للبيت وطلعت الام وهي تطالع فيه : وين سلطان؟
تركي: راح مع ابوي يشترون اغراض
الام: بتنزل كل هذا لوحدك؟
تركي: ابوي قال انزلها وسلطان بعد
الام: راح تتعب خلني اساعدك
قرب زياد منهم والكوره بيده : تلعب معاي ؟
تركي طالع فيه : مشغول ماقدر
زياد طالع في السياره اللي كانت مليانه اغراض :
اساعدك ؟
تركي: مين انت ؟
زياد : عايش هنا بيتي قريب
الام : اي مو مشكله ساعده وصيرو اصحاب
رمى زياد الكوره وجلس يساعد تركي وينزل معاه الاغراض
وتعبو بعد فتره وجلسو وجابت لهم الام مويا : اشربو
شرب تركي ومد العبوه لزياد وشرب الثاني اللي كان نفسه مقطوع:
شكرا
الام : ارتاحو شوي وقومو العبو باقي في اغراض شوي انا بنزلها
او سلطان ينزلها اذا جا
تركي : طيب
قام زياد واخذ كورته ولحقه تركي وجلست الام تنقل الاغراض
لجوا البيت ووصل الاب وسلطان وقرب سلطان من امه واخذ
منها الاغراض وجلس يدخلها وطالع الاب حوله : تركي وين؟؟
الام: راح يلعب
الاب بعصبيه : نعم !!! انا قلت له يروح يلعب ولا ينزل العفش؟؟؟
الام : نزل اللي قدر عليه والاشياء الثقيله ماقدر عليها
الاب: كيف يعني ماقدر فيها !! وتركك انتي تنزلين !! وينه بس!
