انستا للتواصل lorai_alrwi
تفاعلكم گلبي لاتنسون التصويت ❤️
………………………………
من سمعت صوتهه ابتسمت نزعت حجابي خليت الدنبوس على الميز باوعت علية
وجعني گلبي من شفت گلادة صعب على الميز وبيهه الحلقة و بصفهه جكارة اريد ارفع ايدي الزمهن ما اكدر بللت شفايفي احاول ما افكر بشي سحبتهن من الميز خليتهن بيدي اباوع عليهن الجكارة كاتب عليهه احبج ملاذي
بس رمشت وكعت دموعي على ايدي سديت ايدي عليهن ما اريد اصدك مسحت عيوني ادية ترجف اتذكر مرة گلي
اذا رحتي مني و دزيتلج هاي الكلادة راح تلبسينهه
نفضت الافكار من راسي طلعت بسرعة من الغرفة اريد اتأكد من امي وكفت بباب المطبخ امي واكفة ودايرة وجهه على الطباخ تكلب بالجدر
:-يوم
بدون ما تدير علية كالت
:-ها
:-صعب وين؟
دارت وجهه علية و كالت بصوت ماليتة العبرة
:-راح
باوعت عليهه عيونهه مورمة من البجي عصرت الكلادة و الجكارة بيدي عفت امي بالمطبخ و رحت للغرفة كعدت بالكاع صافنة ما مستوعبة الصار
:-ليش اجة و راح معقولة جنت احلم معقولة تمرضت وجاي اعيش بوهم
عفت الكلادة و الجكارة على الجرباية و كمت فتحت الكنتور اكلب بي شفت قميصة ويا ملابسي
سحبتة جسمي يرتعش حضنتة لوجهي اعرف هذا عطرة مستحيل وجودة جان جذبة مستحيل لكيت دموعي تطيح على القميص فززني صوت امي درت وجهي شفتهه يم الباب
:-ما اريد اخسر ولدي ثنينهم صعب ما سمع كلمتي انت لا تعوفيني
نزلت ايدي و بقيت لازمة بيهه القميص اباوع على امي تحجي و دموعها تارسة عيونهه قربت منهه روحي رايحة يعني صعب ما راح يرجع سحبتهه لحضني اهدي بيهه
:-ما اعوفج يوم مااعوفج
:-صعب وصة بيج لاتكسريني يمة
وخرت منهه ابتسمت بوجهه ومسحت عيوني
:-ما بية شي خلي يروح درت وجهي شمرت القميص على الجرباية و رجعت باوعتله مسحت دموعهه
:-شمسوين غدة جوعانة اني
باوعتلي مستغربة
:-يللةة ميتة جوع تدرين بية من اطلع استحي اكل
لزمت ايدهه و امشي كدامهه لازم ادوس على گلبي كافي أذيت امي وياي
فتت للمطبخ امي واكفة صافنة علية تلافيت نضراتهه احضر بالمواعين باوعتلهه مبرطمة
:-هااا رُفيدة انت صايرة ما تهتمين بية يعني من جنت اجي من المدرسة مو الكاج محضرتلي الصينيه هسة ليش تهمليني
ابتسمت رغم احس عليهه شكد خايفة من رد فعلي قرببت مني اخذت الخاشوكة من ايدي باستني و راحت تصب
أنت تقرأ
أنتقام الصفحه 27 (ترميم)
Mistério / Suspenseٻيَن حاضرآ و مْاضي هنالڪ قصص حب مخٺلُفه فُيَهِم مْن يَنال وُفُيَهِم مْن يَخسر صعب الطباع •• شرس•• لا توجد بقلبه رحمه•• كل ما يهمه الحصول على تلك الصفحه•• في كل مره يعود لماضيه يؤذيها و في كل مره يتأذى يعود لملاذه•• آهو مُجرم.....آم مُنتقم••••••• ...
