عشك الجنوب

3

هيجو بنات راح اكمل القصة فدوة لا تنسون التصويت
حسابي انستا n7n.10

ۿناك قـ໑ۿ فينيــہ كوني ۿادئۿ 𝄞🤍ꜜ .
ــــــــــــــــــــــــــــــــــــــــــــــــــــــــــــــــــــــــــــــــ

نور...
طلعت امشي واني حابسة دموعي فكرت بحياة جديدة و اول بنودها جنت لازم انسة الضعف وصلت الراس الشارع سمعت صوت اذان الفجر صرت ادعي هذا الدعاء ( اللهم اني توكلت عليك وبك استعين لا مانع للشر الا انت لك الصلاة و الدعاء و السمع و الطاعة يا ارحم الراحمين اني ادعوك بأسمي و بأسم كل من نطق الشهادتين واشهد ان لا الله الا الله واشهد ان محمد رسول الله اللهم اعني و يسر امري و افرج كربي و اكثر رزقي يا رزاق يا كريم) .....

وكف تكسي باوعت علية جان رجال جبير جنت متوترة اروح ويا بس المشكلة اذا ما رحت راح يذبحوني مثل خروف العيد صعدت
ابو مريم ها يابة وين اوديج
نور عمو الاي مكان بس بعيد منا
ابو مريم شبيج بنيتي
نور عمو وديني لبغداد
حطيت راسي ع الجامة و اذكر كلشي و ابجي اني ضليت بالشارع ما ادري وين اروح و شنو راح يصير ادموعي تجري عشرة عشرة اذكرت ايامي وية اهلي بحلوها و مرها اذكرت حيدر اذكرت احمد ضحى اذكرتهم كلهم بس حوراء شلون راح اتحمل فراكها هية مو بس صديقة اكثر من اخت بالنسبة الي.... غمضت عيوني رافضة الواقع الي دا اعيشة قطع افكاري المتواصلة صوت ابو مريم
ابو مربم عمو وصلنة لبغداد وين تردين تروحين عندج اقارب اهنا
نور لا والله ما عندي
ابو مريم لعد بنتي وين راح اتروحين
نور ارض الله واسعة
ابو مريم صحيح ارض الله واسعة بس بيها الزين و المو زين
نور يب
ابو مريم احجيلي قصتج
نور عمو و حجيتلة الصار كلة من الالف للياء
ابو مريم حسبي الله و نعم الوكيل شلون هيج دمر حياة ابنية
نور والله عمو مو صوجة اهلي كبل صدكو
ابو مريم بنتي كل الاهل هيج حطي نفسج بمكانهم
نور بس عمو اقلها خل يخلوني ادافع عن نفسي
ابو مريم اتهون بيها ارادة
نور الله كريم
ابو مريم ابنيتي تعالي وياي لبيتنة اني ما عندي غير بس مرتي و بنتي تعالي انتي ويانة
نور بس عمو
ابو مريم بدون عمو تعالي
نور ليش انتو بغداد
ابو مريم لا بالناصرية
نور مرتك و بنتك شلون
ابو مريم لشيلين هم بنتي هم بعمرج فـ اكيد راح تتفاهمن و مرتي مرة جبيرة بس عدها شوية اللسان
نور اهااا حلو
وعاد صدك اخذني ابو مريم خطية للناصرة الطريق  كلة ساعة ابجي ساعة انام و هو ساكت وصلنة للناصرية نزلت كدام بيت جان شكلة صغير و بسيط بس مرتب نزلت غراضي ولو هنة جنطة وحدة بس انكول الحمدلله طب ابو مريم و طبيت ورا اتلكتنة ابنية صغيرة يعني تطلع بعمري اتوقع هاي بنتة
مريم هلا بابا الله يساعدك
ابو مريم و يساعدج يلا استقبلي ضيفتنة
نور هلا
مريم هلا بيج عمري تفضلي
دخلت جوة جان اشوف مرة جبيرة بالعمر اتأكدت هاي مرتة خطية رحبت بية و جابت مريم فواكه
ابو مريم اهنيوة هاي بنتي الثانية اريدج تحطيها بعيونج
هناء عزااا بعينك يعني ازوجتت وهاي بنت ضرتي لا وجايبها ابيتي يبوووو سودة بوجهج هناءءء لعد انت كل يومية رايح جاي البغداد واني عبالي تشتغل و تالي طلعت مزوجج يبوووو يا يمةةةة الحكيلييي ولج اني بنتج هناءء هيج صار بية تالي عمريييي
ابو مريم هنيوة استجني هاي ضيفة عدنة و قصتها قصة
هناء ليش يمة عيني شصاير وياج
نور والله عمة هيج و هيج اني احجيلها وية مكابلتني و تبجي واني ابجي وياها و مريم ويانة و خطية كل ساع و حاضنتني و تتحسب ع الي صار
هناء انتي من اليوم مثل بنتي اهنا
نور تسلمين عمة
مريم ييي صار عندي اخت اصغيرة
نور ههه اتشرف
مريم الي الشرف اي عرفينة
نور اني نور عمري 16 طالبة رابع اعدادي
مريم عاشت الاسامي رابع علمي ادبي
نور علمي يلا دورج عرفينا
مريم اني مريم عمري 17 طالبة خامس علمي
نور عاشت الاسامي مريومة
هناء يلا مريم كومي وديها للغرفة خل ترتاح
مريم تمامممم ست هناء
هناء عيني محتاجة شيء تريدين ملابس خاف تسبحين
نور لا عمة شكرا جايبة وياي
طببتني مريم للغرفة و باوعت جانت غرفة اصغيرة  بس زينة يعني مرتبة و حلوة فتحت الجنطة طلعت ملابس رحت غسلت و مشطتت كعدت ع الجرباية و جنت اباوع بالفراغ سمعت صوت الباب و هو يدك....
مريم ادخل
نور تفضلي عيني
مريم اييي نور ليش ما مخلية ملابسج بالكنتور لحد الان
نور والله مدري
مريم تعالي افرغلج خانة
نور شكرا
مريم دنجبي بابا مال شكرا
نور هههه دخليني خجلانة هذا اول يوم
مريم هسة عوفي الخجل انتي صرتي صديقتي بعد
نور تمام حلو حلو
مريم......
بعد ما جتي نور و حجتنة الصاير وياها حيل انكسرت عليها ابنية بهذا العمر تعتمد ع نفسها صعبة خاصتا بمجتمعنا هسة المهم جنت احجي وياها ما اريد اتحس بالوحدة لان الصراحة حبيتها اهواي حسيتهة مثل اختي...
مريم اي نور شلونها درجاتج
نور زينة الحمدلله
مريم اتكملين دراسة
نور ان شاء الله
مريم ان شاء الله اكلج جايبة فايلج
نور ايي اي جبتة
مريم شلون
نور خالتي عاونتي
مريم يعني جابتة من المدرسة
نور يب خالتي منار هية الوحيدة الي وكفت وياي و صدكتني و احتوتني مثل الام بوكتها جنت كاعدة بالحديقة وحدي و جتي جابتلي اكل....
نور خالة فدوة اريد اطلب طلب
منار اي حبي اطلبي
نور خالة اريد فايل المدرسة مالتي فدوة
منار اممم تمام تدللين
نور شكرا خالة الله لا يحرمني منج
منار يعمري انتي
و ورة يومين خالتي جتي باليل انطتني الفايل..
مريم الله يحفضها
نور تسلمين
مريم اداومين وياي
نور صدك
مريم اي اخلي ابوية باجر ايقدملج حتى تكملين لان هسة فاتنج اهواي دروس
نورر ييييي واللههههه انتييي احلااا مريم بالدنيااا
مريم ادري ادري ميحتاج تكولين
نور مو صوجج والله
مريم ديلا امشي نامي
نور تمام والله نعسانة
مريم تمام راح اطفي الضوة و اطلع
نور تمام
الساعة 6:46
مريم نور نور كومي
نور ها شكو
مريم كومي صلي راح اتروح عليج صلاة المغرب يلا كومي
نور تمام
كمت اتوضيت و صليت و رحت للمطبخ شفت خالة دتنضف الخضراوات و مريم واكفة ع الطباخ و عمو ديتابع اخبار...
نور بشنو اساعدكم
مريم حطي الصينية و حضري لكللاصات و خواشيك
هناء يا عزة بعينج مريومة اخذتي لبنية حاصل فاصل
مريم يمة لتدخلين بسوالف اكبر منج
هناء نور جيبي السبحة هاي ضهرهة يحكهة
مريم يا يمة عيني انتي الذهب تاج راسي يلا حبيبتي نور لسوين شيء تعالي اكعدي خل اشبع منج
نور هههه لا رايحة احط الغراض
حطيت الغراض و صبيت العشة وياهن و كعدنة نتعشة
مريم بابا عندي شغلة وياك
ابو مريم تفضلي
مريم بابا قدم النور ع المدرسة
ابو مريم نور بنتي جايبة جنسيتج فايلج شيء وياج
نور اي عمو جبتهن
ابو مريم عفية ببنيتي حضري نفسج باجر اداومين وية مريم
نور شكرا عمو والله ما راح انسة فضلكم علية ابد
هناء بنتي لتحجين هيج انتي حالج حال مريم ماكو فرق بيناتجن و حتى اذا صحتيلي يمة عادي بعد احسن
ابو مريم اي بنتي كلام الحجية صح و حتى اذا تريدين صيحلي يابة اتشرف ببنية قوية مثلج اتكون بنتي
نور شكرا والله
مريم هيييي نحن هنا
نور خرب حضي كطعتي اللحضة
مريم يا نسيت اصور عيدوها عيدوها خل اجيب التليفون
هناء يا غير تستجن
مريم استجنيت
هناء عفية بـ مريومة
.... مريم
كملنة عشة كمت غسلت الماعين و نور اتعزل وياي ورها رحنة للغرفة نمنة لان باجر دوام وقتت التليفون ع الساعة 6:30 غفيت و كبيت ع صوت جان اسمع صوت بجي بس كلش ناصي كأنو واحد كاتم شهقاتة عرفتها نور سكتت ما اريدها اتحس بية و تنحرج ضليت تقريبا بـ النص ساعة وهية ماكو بس تبجي كلت لازم احجي وياها...
مريم نور شبيج
نور انصدمت معقولة كعدت البنت ع صوتي نور ها مابية شيء
مريم احجي شبيج
نور مشتاقتلهم
مريم المنو
نور الاهلي راح اموت
مريم اسم الله عليج عمري لتحجين هيج
نور لعد شلون
مريم اتوكلي ع الله و هو يسهلها
نور الله كريم
مريم شوفي هاي اللعبة حملتها جديدة اسمها كراش
نور اي هاي مال اسألة
مريم يلا خل نلعبها خل انشوف ذكائنة
نور تمام
نور لعبنة تقريبا نص ساعة نور كافي مريم تعبت راح انام
مريم تمام تصبحين ع خير
نور وانتي بخير
نور..........
كعدت الصبح ع صوت مريم و رحت للمدرسة و الحمدلله جانت بس مال بنات جنت مرتاحة وية مريم و خطية ما حسستني اني وحيدة لو مو  من عائلتهم جان تعاملهم وياي يجنن كملت الرابع و طلعت اعفاء الحمدلله لان جنت بس اقرة و اشتريت تليفون و سيمكارت لان اخاف اطلع وحدي فـ اتصل عليهم لان محافضة جديدة ما اندل بيها اهواي اشياء حملت انستا و اشتغلت وية بيج جنت ارد ع الرسائل و جمعتلي كم فلس للسادس الحمدلله و هسة  كملت رحلة الخامس و اليوم اني شايلة نتيجتي اعفاء و مريم وياي شايلة نتيجتها طلعت كلية تمريض جانت هية اتريدها رجعنة للبيت و بابا و ماما استقبلونة هها و شلون وشصار شطلعتن و من كنالهم ماما كامت اتهلهل و اطش جگليت علينة و بابا خطية حضني اني و مريم و دموع الفرح تنزل و مريم تركص و اتفرني وياها واني مشاعري مختلطة مدري اضحك مدري ابجي ابو مريم هلكد ما فرحان راح جاب كيكة جاهزة و سوينة حفلة صغيرة بالبيت كل مننجح هيج هية صحيح حفلة صغيرة بس نكضيها حجي و ونسة و مريم بس اتهز مدري شبيها اتموت ع الركص المهم ناموا بابا و ماما  طلعنة فلم اني و مريم و كعدنة انباوع و جبنة حلويات و كرزات و فتحنة فلم اكشن الفلم جان كلش حلو عبارة عن شخص يربي فيل وهذا الفيل ينباك و يروح يكتل مليون واحد علمودة و بالاخير يلكا حاطين بس الهيكل العضمي مالتة جانت نهايتة مو سعيدة اهواي اهنا اني و مريم طگينة بجي..... اخذت صورة اللنهاية و حطيتها ستوري صار اهواي ما حاطة قبل ما انام باوعت ع المشاهدات شفت حساب غريب متابعني بس عادي ميهمني لان ما انشر صوري او شيء فـ عام ياهو اليجي ايتابعني عادي عندي... كعدت الصبح و صليت رحت للمطبخ شفت مريم دتحضر بالريوك
نور صباح الخير
مريم صباح النور
كعدنة ع الاكل و جا بابا و كال
ابو مريم بنياتي حضرن رويحتجن راح الروح اليوم للبصرة
مريم ليش بابا
هناء الشيخ مهدي عازمنة
مريم هاا اوك
نور منو الشيخ مهدي
هناء يصير ابن عمي عايشن بالبصرة عندة 4 ولد و ابنية وحدة
نور ها الله يحفضهم
ابو مريم يلا كملوا و اتحضرو علمود انروح
مريم تمام بابا
نور بس بابا اني اذا سئلوني شكللهم
هناء كليلهم بنت اخت هناء بس بنتي الشيخ مهدي لازم يدري ما اكدر اضم علية
نور لعد ماما ليش اني اروح انتو روحو اتونسوا واني اضل اهنا عادي
ابو مريم لا بنتي شلون انعوفج وحدج ميصير
نور بس
هناء لتخافين الشيخ راح يتقبلج و هو متفهم و عادل و كريم الكل يعرف بكرمة
نور اها تمام
هناء اي بنتي وانتي ضلي وية مريم حتي لضوجين
نور تمام
مريم....
لمينة غراضنة و بدلنة بس جنت ابد ما مرتاحة للروحة خاصتنا اشوف نور دايخة و بس اتباوع للفراغ  و مبينة فكرة اتوديها و فكرة اجيبها
نور...
صعدنة بالسيارة و حطيت راسي ع الجامة و اذكرت الماضي كلة باوعت للجامة هاي نفسها الي جابتني اللهنا غمضت عيوني بالم اجاهد مينزلن دموعي و صدك ما نزلن اتعودت اضمهن بس بالليل يطلعن حطيت راسي ع الكشن و غمضت اعيوني واني مستعدة لمستقبل مجهول......
للحكاية خفايا
ــــــــــــــــــــــــــــــــــــــــــــــــــــــــــــــــــــــــــــــــــ
مخيط أخياط ويه روحي شلـون اهــدك
لا تنسون التصويت و التعليق ارائكم اتهمني  اذا اتريدون اكمل القصصة حسابي n7n.10