عشك الجنوب

8

مابين قوية و متعبة.؟
استغفر الله
الا إله إلا الله
الحمدلله
ins: n7n.10
ـــــــــــــــــــــــــــــــــــــــــــــــــــــــــــــــــــــــــــــــــ
نور.. 
كعدت الساعة 3 بالليل ضايجة وحدي فتريت بالبيت شغلت التليفزيون جنت اريد اسمع صوت بالبيت ما انكر من صدك جنت خايفة وحدي كلش خاصتا هاي اول مرة اضل وحدي رحت فتحت الحاسبة فتحت كوكل و مدري ليش فتحتة اصلان كعدت اشوف الاخبار علية حسيت نفسي جوعانة كمت فتحت الثلاجة اخذت نستلة و رجعت فتحت الانستا شفت سجى دازتلي بيج الكلية مالتنة تابعتة و طلعت ذبيت التليوفون و الحاسبة و رحت طفيت التلفزيون و كلت خل ارجع انام انجطلت ع القنفة الي بالصالة صفت ع السكف و رجعتلي كل ذكرى قديمة مدفونة بگلبي قبل عقلي شايفين الم الذكريات الي بداخلك و متحجي الاحد عليهن الي مدفونات بداخلك مثل السجاجين غمضت عيوني واني اذكر ايام المدرسة من جانت امي ادرسني من جنت اضحك وياها من جنت افوت للبيت اغني و اركص لو من اخذ درجة عالية واضل اسأل الطلاب ع درجاتهم لو فرحتي من استاذ حسام انطاني هدية لو من طلعت من امتحان الرياضيات واني ادعي مية لو من ودعت مدرستي الابتدائية من خلصت اخر امتحان لو من اوكف احجي وية خالي الي هو بمثابة اب الي مو خال اذكرت حوراء و سوالفنا سوة من جنة نلعب طبيب و دكتور وحدة اتعالج الخ لو نلعب لعابات و جانت دائما اضوج من لعابتها تطلع مو حلوة واني ارتبلهيا صحاني من صفنتي صوت التليفون باوعت مؤمل يتصل رفعت السماعة و كلت
نور: الوو
مؤمل: هلا
نور: محتاج شيء؟
مؤمل: شبي صوتج
نور: مابي شيء هستويتني كعدت من النوم وهيج صاير
مؤمل: خايفة؟
نور: كلش
مؤمل: من شنو؟
نور: من عقلي
مؤمل: اتهون
نور: ما اتوقع
مؤمل: هانت الاكبر منها هاي متهون؟
نور: اخخ لو  تدري شصار بية لو الديصير
مؤمل: ليسمع حسرتج يكول عمرج 70 سنة
نور: العمر مجرد رقم الالم ميعرف صغير لو جبير ميفرق
مؤمل: الحب هم ميفرق
نور: يب
مؤمل: نور
نور: ها؟
مؤمل: اريد اكولج شيء بس مو وكتها
نور: تمام راح انتضر وكتها
مؤمل: تمام تصبحين على خير
نور: ضل خايفة
مؤمل: تمام
نور: شكد عمرك من عرفتني
مؤمل: 20
نور: وهسة شكد؟
مؤمل: 24 
نور: حلو
مؤمل: مو بحلاتج
نور: نجب
مؤمل: نجبي انتي و لتغلطين
نور: ليش انت منو؟
مؤمل: تاج راسج😉
نور: يععع لو تبقا بس انت ما اخليك تاج ع رراسي
مؤمل: ديلا ع اساس اني كاعد اتوسل بيج
نور: اصدقاء
مؤمل: للابد
مؤمل: ها غيرت نفسيتج
نور: اي الحمدلله شوية
مؤمل: الحمدلله
مؤمل: عرفتها بدت اتغفي لان صوتها ثگل و تتأخر  يلا اترد سكتت وهية متدري حتى ما سدت الاتصال عرفتها نامت لان تنفسها ثگل حطيت التليفون يمي ع المخدة و نمت كعدت الساعة 7:30 شفتة مسدود عرفتها راحت للدوام كمت لبست اهدومي العسكرية نزلت شفت حمزة يگلب بالاوراق و يدخن..
مؤمل: صباح الخير
حمزة: صباح النور
مؤمل: بشر؟
حمزه: كلشي ماكو
مؤمل: امشي نروح نحلها وية هذولة بالكت يعترفون
حمزة: الله كريم
مؤمل وصلنة للمركز طبيت لغرفة التحقيق باوعت علية باقي بس اعضام لعد حمزة شكد معذبة بس حقة اختة بديهم
مؤمل: السلام عليكم
المتهم: وعليكم الـ.. سلام
مؤمل: اسمع اني اهنا ما اريد لا اعذبك ولا اسويلك شيء بس عندي كم سؤال جاوبهن تمام؟
المتهم: و اذا ما جاوبتهن؟
مؤمل: بسيطة مرتك و جهالك يعرفون بكل جرائمك
المتهم: لا سيدي لا الة عائلتي
مؤمل: وين مقر ابو سبع؟
المتهم: ما اعرف
مؤمل: شنو متعرف احجي
المتهم: والله ما اعرف
حمزة: تعترف لو لا طب الميز بقوة
المتهم: ترة ابو سبع مو غبي حتى يكولنا ع مقرة احنة هيج يشتغل بينة اكو اقوة بعد وابو سبع عندة ظهر قوي المفروص مو بس اني اخاف منة انتو هم
مؤمل: كولنة التعرفة
المتهم: ما اعرف شيء
مؤمل: تمام امشي حمزة
حمزة: وين؟
مؤمل: نروح نجمع معلومات
حمزة: تمام
مؤمل: سعدون تعال
سعدون: امرك سيدي
مؤمل: عندك 5 ساعة اتروح اجيبلي معلومات عن عائلة اليأس خضر
سعدون: حاضر سيدي
حمزة: بيش راح اتفيدنة معلومات عائلتة
مؤمل: نقطة ضعفة عائلتة
حمزة: اهاا
مؤمل: امشي نشوف سجلات عصاباتهم
حمزة: تمام
مؤمل دورنة بالسجلات ماكو شيء نفس المعلومات حتى هلكد ما دققنة بيهن حفضناهن
سعدون: سيدي المعلومات
مؤمل: عفية
بغرفة الاعتراف
مؤمل: ها عفتك 5 ساعات فكرت زين
يأس: ما اعرف شيء
مؤمل: تمام بس شوف هذني سبرايز اللك
مؤمل: مرتك حنين احمد ربة بيت من تحتاجون تطلع تنضف ابيوت العالم امك مرة جبيرة علاجها غالي ابوك الله يرحمة ابنك خامس اعدادي الاخ اول من تحتاجون اتخليهم يبيعون كلينس بالطرق وبعد اكو بس حبيت اسألك هذني المعلومات صح لو غلط؟
يأس: سيدي الله عليك لتوصلون يمهم
مؤمل: بشرط كولنة التعرفة
يأس: ما اعرف شيء بس الاعرفة اكو ابنية ديخططون يقتلو... ها اليوم
مؤمل: تعرفها
يأس: سيدي تقرب الواحد منكم طالبة گلية مرحلة اولى اتوقع اسمها نور
مؤمل نصدمت من عرفتها ذبيت الاوراق و طلعت اركض حمزة جا يركض وراية
نور..
كملت الدوام و اليوم انطونة اهواي محاضرات ما جنت اعرف هلكد صعبة طلعت وصلني ابو الخط للبيت طبيت تعبانة شمرت الغراض و نزعت حجابي و انجطلت ع الجرباية سمعت صوت الباب بس مو دكة عادية وكأنو احد ديكسرها خفت كلت اكيد اهلي لكوني دخلت للحمام اخذت موس و صفنت ادور مكان اختل بي باوعت ع الكنتور ماكو شيء فوكا فتحت الباب و صعدت اول ما صعدت سمعت صوت الباب انكسر ابسرعة نمت ع الكنتور و جنت ادعي ما مبين شيء مني رجف جسمي من حسيتهم طبوا  للغرفة اسمع واحد يكوللهم ماكو انت شلون اجذب علينة الثاني يكوللهم هستويتها فاتت للبيت كدامي الثالث يعيط عليهم غمضت عيوني بقوة ادعي ابداخلي اقرة اية الكرسي جنت اتخطأ بيها من الخوف بهت كلشي بية من  سمعت صوت مسدس كلت بداخلي هاهية انتها  كلشي حتى سمعت صوت مؤمل و حمزة حيل فرحت خابرو دورية و جتي اخذتهم ضليت ابمكاني ما عندي قوة انزل
مؤمل..
طلعت اركض و وراية حمزة وصلت للبيت بهتت ملامحي من شفت الباب مفتوح سحبت اقسام و امشي و حمزة وراية البيت فارغ فتت لغرفتها و اشوفهم شلون يدورون و واحد يصيح ع الاخ ضربتهم كل واحد طلقة برجلة حتى يوكعون حمزة جاب دورية و اخذتهم باوعت ع الغرفة واني افكر معقولة اخذوها كعدت بالكاع اباوع ع الفراغ و اكول لو موجودة جان طلعت وين راحت حسيت حمزة لزم جتفي باوعت علية وكتلة بضعف
مؤمل: وينها
حمزة: كوم اندور عليها
مؤمل: اخذوها مو
حمزة: لا لزمناهم من جانوا يدورون
سمعت صوت شهكة قوية وكأنو احد هستويتة اتنفس من فوك الكنتور صعدت بسرعة و ابتسمت من شفتها نزلتها من فوك وهية ما تحركت حتى ما رمشت اخذت شال غطيت شعرها حمزة طلع من الغرفة طبطبت ع وجها صحت جان اتباوع علية وكالت..
نور: انت منو؟
مؤمل: اني مؤمل
نور: يا مؤمل
مؤمل: مؤمل مهدي
نور: ها اذكرتك
مؤمل: اي بالخير باوعت عليها صفنت شوية عاد كمزت و كالت جوي والله جانو يدورون علية منو منو هذولة
مؤمل: انتي زينة
نور: اي بس منو هذولة
مؤمل: عصابة ابو سبع
نور: منو  ابو سبع و شيريدون مني؟
مؤمل: هو حتى اني اعرف بس اسمة يريدون يأذوني بيج
نور: اني شعلية بيك
مؤمل: هاهية هية هاي الحياة ليش هيج جارحة ايدج
نور: مدري جنت لازمتها كلت حتى اخاف احد يشوفني اكدر ادافع عن نفسي
مؤمل: ما حسيتي بالجرح
نور: لا والله 
مؤمل: هاهية تعالي اعقمة حتى نطلع منا
نور: وين انروح
مؤمل: لشقتي
نور: دنجب بابا شسوي بشقتك
مؤمل: نيتج بعدين اتريدين اضلين اهنا حتى يذبحوج اختاري انتي
نور: بس ما اريد اروح وياك
مؤمل: ليش؟
نور: لان انت بومة
مؤمل: اللسانج طولان
نور: اسفة
مؤمل: تمام يلا باي
نور: وين
مؤمل: اريد اروح
نور: واني
مؤمل: شنو انتي مو متريدين اتروحين
نور: لا جذب جاية
ــــــــــــــــــــــــــــــــــــــــــــــــــــــــــــــــــــــــــــــــــ
و الى هنا ينتهي البارات لتنسون التعليق و التصويت و شكرأ
سبحان الله و الحمدلله و لآ اله إلا الله والله اكبر