عشك الجنوب

19

@n10n10
دائمًا و أبدًا :
رَب العالمين حشىٰ أسمه أنُ يظلم أحد
هو أعلَم بينا و بأحوالنا ..
الدموع إللي محد شافها هو رقيب عليها
حرگة الگلب إللي توَصل واحد لمرحلة
يحس بيها كُل الهوىٰ بالدنيا مديكفي
للنَفس، الأسئلة إللي ظلت تآخذ
الروح أيام و ليالي
الفَترات إللي عديناها و لسه منعرف
شلون عدت من صعوبتها
كُل هاي الأمور لما يعدي الوقت
نبدي نكتشف شگد الله يحبنا
يكشفلنا كلشي چنّه نتسائل عنه
يبين إلنا شگد الصار بي مصلحتنا
و شگد الرايدينه شَر،
الطمأنينة الوَحيدة بهالدنيا إنهُ ربنا يشوف
إللي الناس متشوفـه و راح يجبر خاطرنا
جَبر نتعجب منه
بس هيَ مسألة وقت و لازم نعرف و
نشوف العوض يمكن گبالنا و مَمنتبهين 🌟
...............................................................................................................................................
نور كعدت الصبح مثل كل يومية مشطت كفشتي لان اذا اطلع بيها يجوز يهجون عبالهم طنطل طلعلهم نزلت شفت تبارك واكفة بالمطبخ دسوي نسكافية لو اعرف هاي شكد اتحبها
نور: صباح الخير
تبارك: اهلا
نور: شبيج
تبارك: ادريس صارلة اسبوع بغداد مدري شبي
نور: عادي يجوز ديتونس
تبارك: مو هيج اتخيلي يريد يزوج
نور: اي عادي شاب و من حقة
تبارك: خربيج ليش متفهمين
نور:شكو
تبارك: ولج اخاف تطلع حية هسة اني ضمنت مؤمل ما راح يزوج حية هذاك شلون اضمنها
نور: يممممة اخخخخ بطني متتت
تبارك: وسم الدنيا كلها عرفت
جود: اي و تجي حية و تبدة مشاكل الجنة و الحماية
تبارك : انت من شوكت اهنا
جود: من اول اسبوع بغداد
تبارك: الله يسامحك بس
مريام
جنت كاعدة بالغرفة اباوع ع جوهرة بأمل انو تصحة نزلن دموعي واني اباوع عليها و اذكر اهلي و اذكر الحادث و عمامي شلون محبتهم جذب و بأصعب ايامي انخذلت منهم جان بهاي الاثناء انحطت ايد ع جتفي ف يت جان اباوع اشوف ادريس ايباوع علية و عيونة بيهن قلل
مريام: ادري مدك الباب متكول اكو بنات
ادريس: بوية شبيج انتي
مريام نزلن دموعي بسرعة و كعدت ابجي وهي بس يباوع علية : على شنو دتباوعع اشاييف كدامكك كوم اطلع برة ما اريد شفقتكك
ادريس: ابجي عيني ابجي ليش ضامتهن بداخلج
مريام: ادريس ما ادري شديصير بس الاعرفة انوا الموضوع اكبر من طاقتي
ادريس :...
مريام: انت بس اتخيل وياي ابوك و امك و اخوانك يموتون و اختك كدامك و عمامك عايفيك و محد واكف وياك غير بس رجال غريب حتى متعرفين نيتة اتجاهج شنو اني ليش هيج صار وياي اني عمري كلة اهلي ما حملوني مسؤلية بكد الشعراية عاد مو هيج
ادريس: مريام باوعيلي
مريام : ها
ادريس : كل كلامج صح و اني وياك بس هذا الرجال الغريب راح يوكف وياج بكلشي و يسندج حتلو العالم صار كلة ضدي اضل وياج لأخر نفس بية 
مريام:ليش
ادريس: انتي وصية عمو احمد
مريام.....
حوراء الايام دتمشي واني بهل مكان القذر و ياسمين صارت صديقتي بس خطية نفسيتها اهواي متأذية بس بقت الايام تمشي واني اها حاولت اطلع بس ماكو مخرج و ادية مكبلات و رجلية حتى ما اكدر امشي براحتي طب مؤيد اكثر انسان صرت اكرهة ع وجه الكاع جاب منقلة و شعل نار و جاب حيدية حطها لحد ما صارت حمرة شفت ياسمين لزكت بالحايط راح اتقرب عليها و هو يضحك باوعت على لبنية هية شباقي بيها انوب حرك
حوراء : لككك عار نذل
مؤيد:شنو اتريدين اتقيسين حرارة الحديدة
حوراء :ههههه اي هو واحد شيتوقع مثل فرخ مثلك
مؤيد : تمام******هسة اشوفين الفرخ شيسوي
جا علية يركض مثل الثور الهايج لزم ايدي و حط الحديدة عليها صحت بكل علمو صوتي اسحب بأيدي و هو لازمها لحد ما حسيتها طبت بأيدي يلا عافها اباوع ع ايدي ورمت و كام يطلع منها دم كمت حتى ما احس بيها
مؤيد :ها عجبتج
حوراء :والله انت مو رجال ولا تنحسب ع الزلم
مؤيد :تمام
اكو كبلاشات معلاكات بالسكف لزم ادية و علكني بيهن صارت رجلية متنوش الكاع باوعت و الدموع يجرن ع وجهي جان اشوفة يجيب سوط عزا هذا راح يمارس ساديتة علية ضل يضرب بظه ري واني اعيط وظهري كلة اجرح كل ما اصرخ اكثر كل ما هو يضحك اخير شي عضيت شفتي وسكتت
مؤيد : شنو شو راح صوتج الحلو
كام يزيد بالضراب واني بس اشهك اخير شي جا فل ايدي و راح و سد الباب ورا جتي ياسمين ترك حضنتني و تمسح ع جروحي
ياسمين :ليش ما خلتي يجي علية ليش صحتيلة
حوراء : هه ردت اجرب شي جديد هذا المكان ملل
يياسمبن:من كل عقلج
حوراء :دنجبي و جيبلي مي ايدي دتموتني
كامت تركض جابت مي طمس ايدي بنصة واني احس جسمي كل شبر ديحركني بي كل شيء ما اكو بس حسبي الله ونعم الوكيل عليهم كلهم
نور....
صارت بالاربعة رحت لبست بنطرون اسود ويا قميص ابيض بشال وردي حطيت عطري طلعت رحكت لغرفة مؤمل دكيت الباب جان يفتحها باوعت علية لابس دشداشة و عكال صفنت بوجهة هو الصراحك كلش حلو بهيج لبس
مؤمل: ها الصفنة مو الج
نور:مصافنة بس انتضرك تحجي
مؤمل: يلا جيبي تليفوني و امشي
طلع هو نزل رحت للغرفة جبت التليفوون طلعت و سديت الباب قبل ما اسدها انتبهت ع ساعة ابل حاطها ع الميز رحت شفتها جان البسها و طلعت لكيتة و اكف بالباب صعدت جان يشغل السيارة و يمشي
مؤمل :بالعافية الساعة حلوة
نور:والله عجبتني
مؤمل :زين مو ميصير ناخذ شيء مو النة
نور:انت مو خطيبي و راح نزوج يعني يصير
مؤمل :اذا هيج كلي الج
نور:ما اريدك اريد الساعة
مؤمل :استغفر الله
............. ............. ............. ............. ............. ............. ............. ............. ............. ............. ...