عشك الجنوب

4

رود لا يأتي دفعة واحدة ، يأتي على هيئة زفرات من الخيبة ، نوبات من الألم و الخذلان ، و في كل مرة يسقط جزء من الإهتمام، حتى يتلاشى كأنه لم يكن.....
حسابي n7n.10
ــــــــــــــــــــــــــــــــــــــــــــــــــــــــــــــــــــــــــــــــــ
نور...
مرت 5 ساعات و وصلنة للبصرة الحمدلله اباوع ع شوارع البصرة حلوة عجبتني و ع المحلات و ع الناس و اكثر شيء عجبني بيهم لهجتهم حيل صرت احبها... ركزت ع الايجابيات و عفت السلبيات كلت خل اتونس هو اني عايشة مرة وحدة وصلنة كدام بيت جبير و بابا حجة وية الحارس و فتح الباب و طببنة من فتنة جان ممر جبير صبة و حديقة ع اليمنة و اليسرة و ع اليمنة اكو مسبح جبير بعيد ما مبين اهواي لان ورد كدامة نزلنة من السيارة نزلت اني و مريم الغراض طبينة المضيف جبير اتوقع طولة يطلع 12 او 13 متر ما ادري شلون ينضفو بعدين ضحكت ع تفكيري عفت كلشي و رحت ع التنضيف....
الشيخ مهدي. هلا هلا هلا زارتنا البرگة تفضلوا اتفضلو
كلنا  زاد فضلك شيخنا 
كعدو يحجون و منسجمين بالكلام واني و مريم عبالك محكومات بالاعدام كاعدات و وحدة صافنة بوجه اللخ...
الشيخ اي هنيوة ياهي فرختج
هناء هذي مريم
الشيخ صلوات ع محمد تشبهج هاي لغريبة عليها هم فرختج
هناء والله يا شيخنا هاي نور قصتها قصة
الشيخ نور نكدر نحجي وحدنا
نور ها اي
هناء يلا عيني انر اروح اسلم ع البنات
ابو مريم اني هم ارجع للناصرية عندي شغل استودعناكم
الشيخ لا ليش استجن اتغدة و روح
ابو مريم والله شيخنا عدي شغل ان شاء الله من اجي اخذ البنوات اضل
الشيخ ان شاء الله
نور...
طلعو كلهم و ضليت بس اني و الشيخ جان يسبح و يباوع علية حسيتة ديقرة افكاري
الشيخ اي بنتي شلونج
نور الحمدلله ع الله
الشيخ احجيلي الصاير وياج
نور حجيتة كلشي من احمد لحد ما جيت للبصرة
الشيخ ما فكرتي باحد راد يضم نفسة بيج او يتستر بيج
نور ما فهمت
الشيخ يعني نفرض ضحى ذبت مصيبتها عليج
نور والله يا شيخ ما فكرت هيج
الشيخ يلا اتهون و يجي يوم و تطلع الحقيقة للكل
نور ان شاء الله
الشيخ شدي حيلج بنتي للسادس اريدج دكتورة اريد ارفع راسي بيج
نزل دموعي من كلامة اي شيخنا ان شاء الله
الشيخ بنتي صيري قوية لتضعفين ابد ترة دنيتنا ما ترحم الضعيف
نور ان شاء الله  شيخنا
الشيخ ان شاء الله
نور يلا عمو مع السلامة راح اطلع
الشيخ الله وياج وين متروحين روحي اعتبري البيت بيتج ها و لتكولين الاحد ع الي صار بس كولي اني بنت زهرة اخت هناء
نور ان شاء الله
طلعت ورحت افتر بالحديقة حيل جذبتني و افترة اخذت وردة و اصور بيها حيل عجبتني شفت سيارة واكفة كلت والله هاي فرصة خل اعدل شكولي حتى اطب للبيت اشوف مريم وين ولت رحت للسيارة الحمدلله جانت مضلعة يعني اكدر اشوف نفسي بـ الجامة كعدت اعدل شالي و كمت اخذ صور لنعكاسي و كلت اصمم عليهن لان جانن حيل حلوات خليت الوردة بشالي و اخذت صورة الها ردت انزع شالي بس اترددت باوعت ع نفسي هستوني دروح جان اشوف الجامة تنزل و شفت ولد مو ولد جان ضيممممم اول ولد اشوفة و يجذبني جان شعرة جوزي و بشرتة سمرة مو طوخ ع بياض و عيونة اصغار مو اهواي كبار نكول وسط لونهن مثل لون اعيوني و شعرة جوزي و نازل مبين سرح.... اني طكتني الصفنة و هو هم جان مبتسم تك خد اني انتبهت وجان اطكها بركضة للبيت جان قريب ع المضيف....