كان بحاول يفتح معاها مواضيع لكن ما عرف بس اكتفى يعاين في جسمها لحدي ما جات حافلة والناس كانت شغالة تجري وتدافس وهي ما قدرت تركب بس هو كان ركب وخلا ليها المقعد الجنبو وجاء قال ليها بالشباك انو في مقعد جنبو بعدين هي ركبت وحاول يفتح معاها مواضيع وكدا عشان يتونس معاها وهي كانت بترد ليه بس على حسب السؤال ما شغالة بيه كتير (شايفة انو مفلس وما عندو عربية وكمان معاها في الدفعة وشافع) دفع ليها مع انو قالت ليه مافي داعي وكدا بعدين هي نزلت وهو ما شال عينو منها لحدي ما مشت ولما نزلت قعدت تنبذ فيه متخلف وغبي اهبل.
•
•
•
مآب في بيتهم،،
قاعدة مع امها في المطبخ وسرحانة في موضوع حسن بتقطع في السلطة اتجرحت امها جاتها جارية ي بنت بسم الله سرحانة وين انتي؟
وعقمت ليها الجرحة وبعدين قالت ليها
- انتي ناس حسن مالهم ما جابو حاجات الدخان ومن يوم الخطوبة ما قالو اي شي تاني ولا حتى أمو اتصلت لي ولا شي الناس ديل مالهم
انتي ما كلمتيهو؟
-(ساكتة ما قادرة تقول شي)
-مآب ي بنت انا بتكلم معاك سرحانة وين انتي؟
-اي
-(عادت ليها الكلام تاني)
-( ساكتة)
-ي بنت
-ي أمي حسن ما حايعرسني
-(ختت يدها في صدرها) سجمييييي بتقولي في شنو انتي؟
-عديل كدا
-ليه وفي شنو اتشاكلتو؟ ولا مالكم ولا عملتي شنو طيرتي الولد ي سجمانة
-(بتبكي شديد)
-ي بنت في شنو قولي لي
-(بتبكي اكتر)
-احكي لي الحصل لو في مشكلة انا بحلها ليكم
-(حكت لامها أي شي)
-( ما قادرة تقيف على رجلينها)لا حولا ولا قوة الا با لا حولا ولا قوة الا بالله
وجات لمت في بنتها كفوف دا شنو العملتي دا دا شنو ابوك لو عرف حايتشل اخوك حيقتلك تاني منو الحايعرسك منو؟ في
زول قال ليك تعملي كدا؟ شفتي نتيجة الحصل شفتي الحصل بسببك وقعدت في الأرض وبتنوح
ومآب تبكي
بعد ساعة،،
أمها شالت تلفونها واتصلت على المرة الجات مع حسن على اساس انها أمو وسلمت عليها وقالت ليها انا أم مآب
والمرة قالت ليها عايزة شنو وهي مستغربة من ردها قالت ليها إنتي مش ام حسن؟
صرخت فيها وقالت ليها حسن شنو ي مرا انا ما ام أي زول والرقم غلط وطوالي قفلت فيها الخط
وام مآب ما فاهمة حاجة وهي متأكدة انو الرقم دا ادتو ليها ام حسن زاتها لما جوهم اول مرة كيف يعني تقول لي كدا؟؟
وحكت لمآب الحصل وهم الاثنين فهمو انو دي لعبة لكن أم مآب قالت ما بتسكت وانو لازم تكلم الرجال وتخليهم يتصرفو براهم.
ومآب بتحنس فيها انو لو كلمتيهم بقتلوني بس هي كانت مصرة..
حسن كان مع مزة
وبعدين طلع منها واتصل عليه زنقة
-ي مان
-شنو يعني؟
وين انت
-احيي ما شفت كنت مع منو؟
-مع منو ي مجرم؟
-وحدة اتعرفت عليها امس في المطار خالة ثلاثينية كدا واسي كنت معاها
-ي زول كضاب والله
-ياخ والله دي مرطبة رطيب عندها بيت وعربية
-ووووب كلام لكن
-الخالة دي ما بفارقها اسي
-(بضحك) اول مرة
- لالا دي حاجة غير والله
-اها وحصل شنو في موضوع البت
-اتصلت علي ( بحاكي فيها ) قالت لي ي حسن ماما قالت ليك حاتجيب حاجات الدخان متين؟ طوالي قلت ليها مافي اي
عرس وما تتصلي هنا تاني.
-(منير) ما تعمل فيني كدا يا حسن بموت وهااااااههيييي
بقو يضحكو هم الاثنين ويتنمرو
•
•
•
•
علي،،،
بعد طردو من شغل الصالون رجع البيت وهو زهحان عندو حبة شالها بلعها وانتظر سوسكا لما جاء وقعد يتكلم معاه
- ما بخليه هو فاكر روحو منو عشان يطردني الصالون دا من عملو وكان خرابة انا اشتغلت معاه يجي يطردني منو المعفن.
- ما تشتغل بيه اصلا شغلو ما جايب حقو انا زاتي عايز اخليه
-اي ياخ شوف نحنا بنحلق الراس بكم وهو بشيل كل القروش وبدينا قروش لا تسوى
-م تضايق نفسك ان شاء الله لقدام نفتح لينا صالون انا وانت اسي عندي ليك شغل ظابط
-شغل شنو؟
-الحبوب!
انا حخليك تشتغل مع الناس البجيبوها زاتهم انت حتشتريها منهم بقروش اقل وتجي توزعها بقروش اكتر فترة بس وامورك تظبط.
-(الفكرة عجبتو) يعني بكسب اكتر من قروش الصالون
-صالون شنو قروش الصالون دي فكة ساي بالنسبة للقروش الحاتشيلها من الشغل دا انا زاتي اسي حخلي المصطفى واشتغل
معاهم
-خلاص انا موافق
-اسي انا بكلم الزول القاعد اتعامل معاه وبقول ليه انك حتشتغل معاه
- خلاص ظابط
هو ما عايز يخلي المصطفى ولا اي شي بس ما عايز يكون ظاهر والشرطة تعرفو عشان كدا عايز يخلي علي يشتغل ولو اتقبض ما مشكلة.
واتصل للزول
-جبت ليك واحد نخلي يوزع لينا
-زول بتعرفو ولا ساي م عايزين مشاكل
-لالا واحد على ضمانتي
-ولو اتقبض؟
-م بتقبض وحتى لو اتقبض ما حيفتح خشمو
- اي فهمو عشان ما يودينا في داهية
-خليك مطمن
-ظابط
وفهمو الشغل كلو وكيف يوزع وكيف يعمل حسابو عشان الشرطة ما تشك فيه وكدا وهو طوالي بدا شغل.
قاعد في البيت بشرب مع الاولاد ديل شيشة وسجاير فجأة الباب ضرب مشى فتحو واحد منهم ورجع بعد دقيقتين قال ل علي في مرة برة بتقول انها أمك علي مشى ليها لكن للأسف ما كان عندو في قلبو حاجة تاني اتجاههم حتى
انو يرجع للبيت ودا كلو ما بهمو
طلع لقاها واقفة في الباب وشكلها اتغير وضعفت شديد وقاعدة تبكي وتبكي
مسكتو حضنتو مع انو ريحتو كانت كلها حاجاتهم دي سلم عليها وقال ليها إنتي كويسة واختو كيف وكدا قالت ليه
-(وهي بتبكي)نحنا كويسين بس ابوك ما كويس
-مالو؟
-تعبان شديد وامس جبناه من المستشفى
- محتاجين قروش؟
-(مستغربة) لا ما محتاجين قروش قلت اجي اكلمك بأبوك عشان تجي تشوفو وتخلي يرضى عنك
-(سكت)
-شكلك ما عايز تجي تشوفو
-(برضو ساكت)
- طيب
ومشت وهي متحسرة عليه وعلى تربيتو وهو رجع البيت وهو متردد وما عارف يعمل شنو بس هو شايف انو ابو هانو لما
طردو من البيت وما شايف انو مفروض يعتذر منو عشان كدا رفض يمشي.
•
•
•
تسنيم،،
كانت خاشة مسنجر وفجأة نط ليها واحد رسل ليها صورة لما فتحتها لقتها صورة شنيعة بس عجبتها وقعدت تعاين ليها فجأة مشت حظرت الولد وقالت انو قليل ادب و شنو والفيس بقى فيه ناس مبالغة عديل وبعدين طلعت وبقت تفكر في الولد
القبيل( مجتبى)
- والله هو ما كعب
-ياخ شافع ساي
-لا فيه نوع من الجاذبية كدا
-مافيه اي نوع من انواع الجاذبية بتفكري في الاهبل دا ليه انسيهو
-ياخ مافيها حاجة لو جربتي يمكن يكون ظابط
-م عارفة كدا نشوف
وهي بتتكلم مع نفسها
فتحت تلفونها ولقت انها زهجت من الصور البتشوفها كلها مكررة ونفس الشي فكرت تنزل فلم اباحي وكدا وطوالي فتحت وبدت تنزل فيه ومتشوقة متين ينزل لحدي ما نزل وقعدت تحضر فيه ساعتين وللأسف حست انها محتاجة تشوف تاني وانو ما كفاية وتاني نزلت واحد وبقت على الحال دا لحدي الصباح.
