وثــــاق الثـــعـــلـــب الأبـــيـــض🦊❄️|🇲🇦

🦊رفــــيــــقــــة الكــــيــــتــــســــونــــي🦊|4✨️ 𝓣𝓱𝓮 𝓔𝓷𝓭✨️

فلغد ليه...

بعدما ودع عائلتو سافر من كيوتو الى هلسينكي بعد ساعات من الطيران...

صوت خطواتو فوق الثلج فقط لي تيتسمعو فداك الفراغ الأبيض المكسو بالشجر الجاف من الربيع..يد فيها باليزتو و يد فيها باقة من زهرة "Forget me not" و لي كانت زهرة زرقاء صغيرة تترمز للحب الحقيقي و الإحترام..من غير لونها الأزرق لي كان تيمثل لون ميساء المفضل كان معناها العميق لي تيعني فاش تتعطيهم لشي شخص تتمثل الوعد بلي ديما غتبقا مفكرو و بلي الشخص غيبقا ديما فبالك كما أنها رمز الوفاء و الإخلاص...

كانو بزاف ديال المعاني و الكلمات غير فهاد الباقة الجميلة لي فيدو..حط الباليزة حدا الباب و بدا يدق ولكن ماكان حتاشي رد...

هادشي لي زاد أكد ليه على غياب الهالة ديالها فالمكان زعمة تكون خرجات كيف العادة تتمشا ولا مشات لعند يوهانّا؟!...

خلا الباليزة تما و بقا شاد الباقة غادي يمشي يشوف عند يوهانا و عندو أمل يلقاها و يعطيها ليها ولكن تلاشا فاش مالقاهاش...

اختفى من تما راجع للبيت الريفي و دخل تيستكشف المكان سرعان ما اقتحمت رائحة ثانية رائحتها المدمن عليها..كانت لأنثى أخرى هادشي لي رييحو نوعا ما حيت ماكانش راجل..ضور عينيه فالمكان و قلبو مزيان مكاينة لا هي لا حوايجها!...

زيير على يدو بغضب حتى بانو عروقها..حط داك البوكي فوق الطاولة و بقا جالس شحال تيستوعب هادشي لي واقع...

كان معول يجي يلقاها..يلقا مراتو تتسنا فيه يعنقها عناق حار يبوس شفاهها بشغف و يقدم ليها هاد الباقة بفرحة كبيرة فالأخير تيجي يلقا الفراغ؟!...

بداو عينيه تيلمعو بالأصفر و الهالة ديالو تتظلام..هاز واحد الغضب الى مشا حتى خواه فمولات الفعلة غتودع من تما للقبر...

▪︎المغرب - الرباط▪︎

كانت سادة عليها فالغرفة ديالها مكورة فالغطا ديالها..مادوات ما تكلمات مع حد من البارح...

كان الأمر أشبه بالبداية ديالها مع إكتئاب فسخ خطوبتها غير هو هاد المرة كان الألم أضعاف كان قلبها تيتقطع و دموعها هابطين شلال مابغاوش يحبسو كلما تتفكر بلي رامون غيكون جا و غيتصحاب ليه تخلات عليه ولا دارتها بلعاني!...

بززات على راسها ترجع تنعس عالله ماتفيقش و تشوف وجه ديك شروق تاني حتى ماعقلات امتى داتها عينها...

فنفس الوقت كانت شروق غارقة فالإتصالات خصوصا سفرها المفاجئ و شغلها لي خلاتو بلا عقل فاش سمعات بلان ميساء رغم إهمالها الكامل مابغاتش تفقد بنتها ماشي حبا فيها كأم بل باش ماتبرهنش لطليقها و العائلة ديالو انها ماشي قد المسؤولية خصوصا و انه شحال طلعو و هبطو فالمحاكم على الحضانة ديالها و فالأخير القانون وقف جيهتها هي...