وثــــاق الثـــعـــلـــب الأبـــيـــض🦊❄️|🇲🇦

🦊رفــــيــــقــــة الكــــيــــتــــســــونــــي🦊|3

كانو عيونو الحادة تيرمقوها من بعيد..كانت واقفة مورا الزاج د الشرجم تتفرج فأش غيوقع حتى كسر كلام داك الدخيل داك الصمت هادشي لي خلاه يحرك عينيه فالبلاصة من عليها لعليه هو بسرعة مخيفة خلات الآخر يرد بالو منو بشكل غريزي...

رامون بصرامة: نتا لي اش قربك لمراتي تحط عليها يديك؟! (حرك عينيه بالزربة لعندها و رجع شاف فيه ناطق بحدة) عندك الزهر تتشوف فينا دابا اما كون قطعتهم ليك!!!...

وائل بصدمة: مراتك؟!!..هاديك راه خطيبتي!!

غير داكشي لي شافو فكوابيسها عليه كان كافي يخليه يقسمو على جوج و دابا كمل الباقي بهاد قصوحية الوجه و ديك "خطيبتي" لي تقالت على مراتو!!...

قرب منو بدون مقدمات حتى جمع معاه بواحد الطرشة بضهر يدو حتى طاح فداك الثلج..تصدمات ميساء و هي تخرج تتجري لعندو مخلوعة فاش تفكرات القوة ديالو مقارنة بهاد البشري الضعيف: راااموون..لااا!! غادي يمووت ليك فيديك!!!

رامون تحنا حتى شدو من راسو: يااا ال$%ااامل عاااد بانت لييك اااا؟!!! (خشا ليه وجهو فالثلج) طلب منها السماااحة على لي خليتيهاا تعيشوو!!!

وائل تيغوت: طلق منيي طلق!!

رامون حط رجلو على راس وائل: طلب منها السماحة يا الشماتة على لي درتيه ليها!!! قول ليها نتااا لي غااالط!!! نتااا لي شماااتة و $اااامل ماقااادش على وحدة بحااالهااا!! نتاا لي منعدمة فيك ريحة الرجوولة تتبكي و تهييين و تجرح فوحدة بحالها!!! (حرك رجلو) سربيي قبل مانشقق ليك هاد الجمجمة لي عندك بلا حتى شي فائدة!!!

ميساء مصدومة من الديكور عمرها توقعات ابدا وائل غيعرفها فين كاينة و يتبعها ولا رامون غيولي بيناتهم هكا...

وائل تيبكي: صاافي عفاااك اناا شمااتة اناا لي خسرتهاا انا لي غاالط حييد رجلك على راسي تيضرنييي!...

رامون هز رجلو حتى خبطها بشوية مع ضهرو ديك بشوية براسها ساست ليه عظامو اما كون ضربو من نيتو كون شتتهم ليه: بوس الأرض حدا رجلييها!! تبوس رجليها غنخشي مك فديك البحيرة تموت مجمد!..يالاااه!!!

بدا تيزحف لعند ميساء تيبوس فداك الثلج و دموعو هابطين من الإهانة الكبيرة لي حطو فيها رامون باش يرجع لميساء كرامتها فاش لاحها الشماتة كي الزبالة و دابا راجع لعندها بلا حشمة بلا حيا قالك خطيبتي!...

اما ميساء تتشوف فيه كيف مدلول عند رجليها مابقات فاهمة والو...

وائل: واش صاافي؟؟؟

حس بجرة قوية حتى تهز من الأرض و شاف فيه: غادي ترجع منين جيتي و عمرك مزال تفكر فيها! عندك الزهر مانقدرش نقتل البشر بسبب القانون ديالنا ولكن الى ماسمعتيش كلامي المرة الجاية غتولي تشوف يديك و رجليك محروقين قدام عينيك!! يالاه قوووود عليا!!!