اخطاء الماضي ( كاملة )

الفصل الرابع

الفصل الرابع

وقفنا الفصل اللي فات  لما كنت مع ليندا و بعد ما خلصنا سمعت صوت خبط جامد على الباب
قومت اشوف مين لقيت اتنين وبره
انا : انتو مين
شخص1 : ايه يا اخي مش تراعي ان في جيران و توطي صوتك انتا والمدام
شخص2: ايوه عيب انتو ايه شباب بس الصوت ميصحش احنا عندنا بنات
انا : (ارتحت لما افتكره انها مراتي) ها لا احنا اسفين جدا
شخص2 : حصل خير يا استاذ سمير واحنا اسفين لو ازعجناك
مشي الاتنين وانا بسأل نفسي مجانين دول وله ايه مراتي مين و سمير مين مين دول مش عارف
ليندا : ايه مشيو
انا : ايوه
ليندا : افتكرونا متجوزين هههههههه
انا : اه ده حوار
ليندا : امشي انا سلام
انا : سلام فين لو مشيتي دلوقتي وحد شافك ها يعرف انك مش مراتي وساعتها يبقي حوار بيتي هنا
ليندا : (ابتسمت ونطت عليا)
دخلنا الاوضه  نمنا صحيت الصبح على ليندا
ليندا : نوح يا نوح قوم
انا : بس عايز انام
ليندا : التلفون مبطلش رن قوم بقي
انا : تلفون ايه انا تلفوني مقفول
ليندا : تلفون الارضي
انا : (قومت مفزوع بصيت على التلفون الارضي كان المكتب) يا ستي خضتيني ده تلفون المكتب
ليندا : طيب قوم عايزه افطر ومفيش حاجه في الشقه
انا : اممم دي مشكله مفيش حاجه في التلاجه اصلاً وانا جعان جدا
ليندا : طيب يا سيدي انا ماشيه افطر في شقتي و شكرا على الفطار الي مكلنهوش
انا : (مسكتها من القميص) مش كفايه انك لابسه القميص بتاعي مش نستأذن الاول
ليندا : اوعي ايدك دي بس اعمل ايه الشقه فيها عفش بس الف نفسي بايه الصالون
انا : ماشي يا لمضه
دخلت اخدت دش انا وليندا مع بعض و بعد كده طلعنا هيا نزلت وانا دخلت المكتب على طول
شيماء : (سكرتيره) صباح الخير يا استاذ نوح
انا : صباح الخير يا شيماء حد سأل عليا
شيماء : انا جيت الصبح لقيت كزي مكالمه ولما فتح الفراش رد عليه واحد اسمه رضا الهواري
انا : اممم طيب كلمي استاذ علي وعرفه لزم حسابات الحج حسان تخلص علشان الضرايب و ابعتي الفراش يجبلي فطار بسرعه
دخلت المكتب بتاعي والموظفين شغالين بره حطيت تلفوني على الشاحن وقعدت اخلص شويه حسابات واتسحلت فيها لحد ما اليوم خلص نزلت ركبت العربيه ورحت البلد دخلت البيت
جدي : كنت فين يا استاذ
انا : اسف يا جدي كان عندي شغل كتير قوي من امبارح
جدي : امممم شغل كتير طيب قولي انبسط مع البنت الي كانت معاك في الشقه
انا : (اتوترت) بنت مين
جدي : البنت الي راحت ليك الشقه امبارح الساعه 11 بليل و نزلت من عندك الساعه واحده الضهر
انا : هو انا متراقب وله ايه
جدي : (ببرود) ايوه المفروض تشكرني الرجاله عرفه السكان انه تبقي مراتك وجايين من السفر وانتو عرسان جداد علشان كده كان صوتكم عالي
انا : (بصيت في الارض ورجعت بصيت ليه وانا مبتسم) على ما اتذكر اني عملت مشكله مع امي و خناقه كبيره قوي علشان حاجه زي دي جدي انا مش بحب حد يراقبني انا حر في حياتي طول ما انا بتحمل مشاكلي الشخصيه مش حد تاني وانا اسف جدا لو الموضوع تطلب منك تدخل و انا اسف برضه من الكلامي ده بس انا لو فضلت متراقب و حضرتك شايل همي انا ممكن امشي
جدي : (ببرود في النظره) تمشي تروح فين بقي
انا: البلاد كتير انا عندي مكاتب في محافظات انا مش فاكرها اساس و كله في الاول والاخر شغلي
جدي : طيب اقعد اقعد عايزك
انا : ماشي (قعدت)
جدي : بص نوح انا بعد ما عرفت انك موجود انا عرفت تاريخك كله من يوم ميلاك انا ممكن اقولك كام واحده انتا نمت معاها قبل الي حصل ممكن اقولك أسامي انتا مش فاكرها وقبل الحادثه برضه انتا مش فاكرهم كان كل مره في واحد صاحب ابوك اسمه عثمان محامي بس شاطر جدا كان يطلعك منها زي الشعره من العجين بس انتا هنا غير اسكندريه انتا هنا في الصعيد يا نوح يعني وضع تاني خالص انا لو حطك تحت المراقبه ده علشانك انتا انا راجل كبير في البلد والكبر ده مجاش من حب الناس بس لا و كمان من خوفهم انا بقي خايف عليك انتا وانتا اول واحد اخاف عليه في حياتي انا مخوفتش على ابني بس خوفت عليك انتا مش عايز الناس تاخدك نقطه ضعف ليا
انا : لو وجودي شوكه في ضهر حضرتك انا ممكن امشي و مش زعلاًن لا انا فرحان اني عرفت اني ليا اهل
جدي : لا مش عايزك تمشي بس عايزك في حاجه تاني انتا كنت بني ادم ليه شهوات كتير و بتحب تنفذها بس انتا دلوقتي انسان جديد مش عايز نوح الدهبي الدنجوان يرجع تاني لا عايزك مستقيم
انا : وله انا عايزه ده مش انسان ده حيوان ماشي وره غرائزه
جدي : يعني انتا متفق معايا صح يبقي انا عايزك تتجوز ايه رايك
انا : اتجوز!!!!!! ازي
جدي : زي الناس اتجوز انا مش عارف امك سابتك لحد دلوقتي ازي من غير جواز احنا عندنا في العيله الواد يتولد خطيبته الي هيا بنت عمه او خاله تبقي مستنيه لحد ما يبلغ الاتنين
انا : يا جدي انا مش مستعد لي الجواز
جدي : مش مستعد ازي و صوت البنت الي كان جايب الاقصر كلها كان ايه
انا : (اتكسفت وبصيت في الارض)
جدي : طيب يا سيدي انا ها ختار عروسه ليك انا عايزك لي حنان بنت خالتك
انا : يا جدي حنان دي عيله صغير عندها 20 سنه
جدي : هيا 20 سنه وحشه انتا عندك 22 سنه يعني الفرق سنتين
انا : معلش يا جدي سيبني من غير جواز لحد ما انا بنفسي ها قولك ماشي
دخلت علينا أصول
اصول : صباح الخير يا جدي
جدي : اهلا بأصول هانم الي مش بتسأل على جدها
اصول : وله اقدر يا حج نوح يا قمر الاقصر كلها
جدي : هههههههه يابنت كفايه دلع فيا سيبي شويه لي جوزك
اصول : جوزي مين ده الي ادلعه زيك يا جدي
جدي : ماشي يا بكاشه
اصول : اذيك يا نوح
انا : انا كويس اطلع انا عايزني تاني يا جدو
جدي : لا يا حبيبي بس فكر في كلامي بس
انا : ماشي يا جدو سلام
طلعت فوق الاوضه غيرت هدومي وقعد شويه جدي كان قاعد مع أصول
أصول : هو يوسف هنا يا جدي
جدي : لا
اصول : طيب كويس علشان انا عايزك في كلمه سر
جدي : قولي
اصول : اسلوب يوسف معايا مش كويس يا جدي
جدي : ليه بس
اصول : عايز يتحكم فيا وانا مش حابه كده انا و هو زي الاخوات مش اكتر
جدي : طيب زي الاخوات وماله رغم اني مش بحب الكلمه دي ابوكي غير ابوه وامك غير امه
اصول : يا جدي انا عارفه اني يوم ما اتجوز ها يكون من العيله و يوسف فاهم كده لكن هو واخدها فتونه يعني فاكر اني ها تجوزه هو ممكن اي حد تاني لكن هو لا
جدي : اشمعنا
اصول : علشان انا مش عايزه ده واحد قرر في يوم وليله اني خطيبته و ها بقي مراته في يوم من الايام يعني مسح شخصيتي خالص وانا محدش يمسح شخصيتي
جدي : طيب انا ها قعد معاه واعرفه ازي يتعامل معاكي
اصول : جدي من غير زعل و مش ها تزعل مني
جدي : قولي الي ف نفسك
اصول : انا مش عايزه يوسف خالص
جدي : امممم طيب يا أصول انا مش ها غصبك على حفيدي بس مش معني كده اني ها خالف النظام انتي لو حطه عينك على حد بره العيله انسي مفيش جواز من بره العيله اديكي شوفتي خالتك امنيه و البلوه الي جايبها
اصول : لا من بره العيله وله من جوه انا مش عايزه حد بعينه الفتره دي خالص
جدي : (بص ليها شويه) طيب يا اصول انا ها تصرف بس مش معني كده انك تبطلي تيجي تزوريني ودلعي فيا ها
اصول : انتا تأمر يا احلا جد في الدنيا كلها ايه الحلاوه دي بس (باسته) يله الحق امشي انا سلام
مشت اصول وجدي قعد يفكر يعمل ايه مع يوسف لحد ما الغداء جهز ونزلت تحت قعدنا على السفره كلنا
محمود : (قاعد جنبي) ايه يا عم نوح انتا كنت بايت فين امبارح
انا : في المكتب كان عندي شغل كتير اوي
محمود : اوي اوي صح (حط ايده على رقبتي كانت ليندا عضاني فيها وزرقه) ها متعب الشغل صح
انا : (حطيت ايدي وانا عارفها اساس) اه ايوه ده وانا نايم طول الليل سامع صوت زن وانا بحب انام في هدوء يقوم ايه يا خالي
رضا : (مبتسم) ايه
انا : قومت ادور على مصدر الصوت وانا ها تجنين يا جدعان لحد ما لقيت ايه بقي واخد بالك يا جدي
جدي : (حس اني مزنوق) نحله صح
انا : نحله ايه دي ام النحل كله نحله طولها عقلتين
محمود : عقلتين اممممم دي نحله كبيره قوي
جدي : احم احم اكيد يعني مخدهاش يقسها يا محمود كمل يا نوح كمل
انا : قومت ضربتها ماتت رجعت انام زي العيل الصغير ياخي (كملت اكل)
سمر : ايوه ايه سر الزرقان ده
محمود : ايوه صحيح ايه السبب
جدي : اصل لما ضربها ماتت النحله ورجع نام تاني مكانه
محمود : طيب بس ايه السبب
رضا : خلاص يا محمود انتا رخم صحيح تلقيها نحله تانيه وله ايه
انا : ممكن برضه يا خالي ممكن بتحصل برضه
جدي : المهم يوسف
يوسف : ايوه يا جدي
جدي : مش ناوي تكمل نص دينك
يوسف : بجد يا جدي انا نفسي
جدي : وانا عندي العروسه بتاعتك
رضا : بجد يا ابويا مين بقي
جدي : حنان بنت خالتك
الاتنين في نفس الوقت بصه لي جدي و سابه المعالق
حنان : بس
جدي : انا مش سامع زغروته منك يا امينه
يوسف : انا
جدي : ايه يا امينه ها فضل مستاني الزغروته وله ايه
امنيه : لالا يا ابويا اهو (زغرت)
يوسف : بس يا جدي انا
جدي : ليه هو انتا ليك راي غير الي انا شايفه انتا لسه ها ترد عليا وله ايه اخرس
انا : ايوه يا جدي يوسف مش قصده يشكك فيك بس هو ليه راي برضه ممكن يكون ليه واحده بيحبها
حنان : مثلاً
جدي : طيب قول يا سيدي علشان خاطر نوح بس قول
يوسف : انا عايز اتجوز اصول
حنان : وانا مش عايزه يوسف اسفه يا يوسف
يوسف : علي ايه وانا كمان مش عايز حنان
جدي : خلصتم كلام طيب اسمعه بقي انتو فرحكم المفروض بعد التخرج لكن لا كمان شهرين فرحكم
قام يوسف وحنان مع على السفره خالتي امنيه جت تقوم
جدي : كملي اكلك يا امنيه كملي انتا رايك ايه يا رضا
رضا : كلامك يا ابويا سيف على رقبتي الي تشوفه امر نافذ
جدي : كويس عقل ابنك بقي وانتا يا محمود اقعد معاه و عرفه شويه نصايح عن الجواز
قعدنا كلنا نتغدي ومحدش قدر يتكلم طلعت الاوضه بتاعتي جالي تلفون من نديم وانا وهيا متقبلناش لحد دلوقتي
انا : الو يا نديم
نديم : انتا الي عامل ايه يا نوحي واحشني جدا
انا : عايز اقولك وانتي اكتر بس انا مش فاكرك حتي
نديم : ههههههه ها تفضل زي ما انتا
انا : يابنتي مش ها شوفك بقي
نديم : لا
انا : انا عارف مش ها تقدري تيجي علشان الدراسه بس اكلمك فيس تايم
نديم : لا خليها مفاجأه انتا لسه في الاقصر
انا : ايوه
نديم : طيب ايه مبسوط هناك انا عارفه المكان هناك صعايدة بقي ومش عارف تاخد راحتك مع النسوان
انا : شكلي كده كنت مفضوح
نديم : مفضوح بس ده مفيش بنت في اسكندريه كلها متعرفش نوح الدهبي
انا : ايه ده هو انا كنت جامد كده
نديم : بس يا سافل بقولك ايه اقفل علشان في حاجه مهمه عايزه اعملها
انا :ماشي سلام يا نديم
نديم : سلام يا نوحي
قفلت مع نديم وغيرت هدومي و نزلت اتمشي شويه في المحافظه بلف بالعربيه لقيت محمود بيرن عليا
انا : الو يا محمود
محمود : انتا فين يا نوح
انا : في الاقصر بلف شويه
محمود :طيب انا عايزك تجيلي العنوان ده *******
انا : طيب عشر دقايق وجي سلام
قفلت مع محمود ورحت العنوان عماره طلعت الدور والشقه الي وصفها خبط فتحلي محمود
محمود : انا قولت تاه في السكه
انا : لا العنوان ميتوهش في ايه
محمود : ادخل طيب
دخلت معه لقيت يوسف جوه وحارق سجاير كتير
انا : في ايه يا محمود
محمود : اقعد مع الواد ده وعقله
انا : ليه في ايه
محمود : البيه عايز ينتحر
انا : ليه بس يا يوسف
يوسف : يا جدعان انا مش ها تجوز حنان مهما حصل
انا : ليه بس
يوسف: انا عايز اتجوز اصول
انا :تقوم تنتحر انتا مجنون وله في ايه في دماغك
محمود : قوله العبيط ده يابني محدش في العيله دي اختار مراته جدك هو الي بيختار وقبله ابوه محدش تاني
يوسف: (قعد جنبي) بقولك ايه يا نوح احنا ولاد خال صح
انا : بيقوله صح
يوسف : اسمع انا سمعت انك عندك مكاتب محاسبه في محافظات كتير صح
انا : ايوه
يوسف : طيب انا ها خد اصول واهرب
محمود : تهرب ايه انتا مجنون
انا : بس يا محمود كمل يا يوسف في ايه في دماغك
يوسف : انا عايز اروح ابعد حته في مصر عايز اروح اسكندريه السويس بورسعيد تعرف تساعدني
انا : اي حته في مصر عايزها تروحها لينا مكتب فيها
محمود : انتا مطاوعه في كلامه
انا : ايوه اسمع انتا خدها و روح اسكندريه عندنا هناك بدل البرج ثلاثه
يوسف: (خدني بالحضن) انتا جدع قوي يا نوح
انا : انا عارف بس انا هديك خدمه انتا ها تقدم ليا ايه
يوسف : اي حاجه
انا :تمام اتفقنا
محمود : انتو اكيد اتجنينته مع بعض جدك لو رحت فين ها يوصل ليك
انا : بص يا يوسف الي انتا عايزه انا ها عمله بس في حاجه انا جدك عارف تاريخ حياتي وانا بعيد عنه متخيل انه هيسيبك لا جدك لو انتا في بطن الارض ها يجبك ده عرض عليا ينقل جثه امي علشان تدفن في مدافن العيله بس انا رفضت
يوسف : اعمل ايه يا جدعان انا عايز اصول
انا : كلام جميل عايز اصول بس انتا متأكد انها عايزاك
يوسف : (بص ليا باستغراب ) ليه انتا تعرف حاجه انا مش عارفها
انا : لا بس فكر كده هيا تمشي معاك ليه و تعادي العيله بتاعتكم كلها ده لو هيا عايزاك انتا قولت ها تخدها وتسافر بس مقولتش انها موافقه و شكلها كده متعرفش الحوار ده وله انك بتفكر فيه يوسف يا حبيبي فكر برضه هيا عايزه ايه هيا عايزاك زي ما انتا عايزها وله لا
يوسف : رد عليا يا نوح تعرف ايه انا مش عارفه
انا : انا قولتلك معرفش حاجه بس فكر هيا عايزه ايه مع الي انتا عايزه برضه
يوسف : طيب انا ها روح ليها اسألها (طلع يجري نزل)
محمود : (قام يلحقه)
انا : استنا يا محمود
محمود : لحسن ينفذ الي في دماغه وينتحر وله يعمل حاجه في اصول
انا : سيبه اخوك عاقل
محمود : هو في عاقل يفكر في حاجه من دي يعادي نوح الهواري دي مصيبه
انا : لا مش مصيبه لو اصول عايزه ها يخدها و يروح لي جدك ويسمعه الكلام منها
محمود : تصدق انا افتكرت انك ها تساعده في الحوار ده
انا : اساعد مين انتا مجنون حد يعادي نوح الهواري تصدق لما الناس عرفت انه جدي بقو يخافه مني و يعمله الف حساب ليا بس قولي الشقه دي بتاعت مين
محمود : دي بتاعتي كلام في سرك لما بحب اعط على جنب اجي هنا
انا : هو انتا الي ها تدي نصايح لي اخوك
محمود : اهو بقي بس بصراحه ايه الأزرق الي في رقبتك ده دي مش قرصه نحله انتا بتحور
انا : طيب انا بحور داري عليا بلاش تسأل بتفصيل
محمود : ماشي يا عم بس قولي مين بقي بنت من الاقصر
انا : لا من اوكرانيا
محمود : اوبا وعرفتها منين
انا : مش فاكر
محمود : ازاي
انا : واحده من تاريخي القذر
محمود : البنت الي قبلناها امبارح صح (الباب خبط) ها قوم افتح وارجع (فتح لقي يوسف) انتا لحقت توصل
يوسف : لا (دخل وقعد)
انا : جدع
محمود : ايه الي حصل
انا : الي حصل يوسف فكر في كلامي ومحبش يسمع كلمه وحشه من اصول صح
محمود : بجد
يوسف : صح
انا : علشان كده قولتلك جدع بص يا يوسف انتا عايزها بس فكر هيا عايزه ايه مش كل حاجه في الدنيا دي بنعوزها ناخدها اتعود علي كده
يوسف : بس حياتي ها تكون صعبه من غيرها
محمود : لا صعبه وله حاجه بكره تنسي
انا : يوسف هو في اصعب من حياتي انا واحد صحي من ست شهور لقي حياه غريبه جدا فيها ناس هو مش فاكرها يابني انا ليا اخت مش فاكر شكلها وله اسمها لحد ما عرفوني انها اختي يوسف انتا حياتك مش صعبه انت بس الي مش عارف تتأقلم معاها فكر فيها وهيا تبقي سعيده

في مشهد آخر
جدي قاعد في مكتب و معاه خالي رضا و رحله خالي اشرف
اشرف : خير يا عمي
جدي : انا حبيت اعرفك قرار انا اخدته
اشرف : ايه هو يا عمي
جدي : انا قررت اني اجوز يوسف لي حنان بنت خاله
اشرف : بس يوسف ها يموت و يتجوز اصول
جدي : مش كل حاجه بنعوزها بنخدها يا ابن اخويا
اشرف : الي تشوفه يا عمي بس حضرتك بتقولي ليه
جدي : علشان أصول عريسها عندي
اشرف : مين يا عمي
جدي : نوح
اشرف : لا يا عمي لا نوح لا
جدي : (رجع ضهره لي الكرسي) ليه بقي يا اشرف
اشرف : يا عمي انتا بتفتح جرح قديم جدا ها يوجعني جدا
جدي : اشرف دي قصه قديمه جدا وحتي لو نوح يعرفها فا مش فاكرها احنا غلطنا زمان و مش عايزن نغلط المره دي اديك شوفت محدش اتجرح في القصه القديمه غيرك انتا
اشرف : (دمعه نزلت من عينه) يا عمي بلاش
جدي : سامحني يا ابن اخويا بس انا قررت وصدقني القرار ده ليك مش ليا اسمع احنا مش ها نقولهم حاجه خالص بنتك عايزه تعيش قصه حب علشان تتجوز وكمان نوح سبهم و لو هما الاتنين من نصيب بعض ها يتقبله بس اقبله
اشرف: ازي ده ابن حامد الدهبي اقبله ازي
جدي : وابن سحر الهواري مش عايزين التاريخ يعيد نفسه تاني يا ابن اخويا
اشرف : الي تشوفه يا عمي بعد ازنك اروح انا
مشي اشرف و رضا قاعد بيفرك مكانه
جدي: قول الي جواك يا رضا قول يا ولدي
رضا : يا ابويا انت اخدت اصول من يوسف علشان نوح
جدي : مش علشان نوح علشان يوسف قولي اصول بتحب يوسف
رضا : من امته الجواز في العيله بالحب
جدي : علشان الي حصل زمان ميحصلش تاني اصول جتلي النهارده وقلتها عدله كده مش عايزه يوسف و الكلام ده مش بيفكرك بحد رضا انا غلط زمان و مش عايز اغلط تاني
رضا : بس بيحصل مع يوسف
جدي : المشكله مش في الراجل المشكله في الست و لو على حنان هيا عيله صغيره لسه مش عارفه حاجه
رضا : الي تشوفه يا ابويا
جدي : بارك يا رضا بارك

المشهد الرئيسي
قعدت مع محمود و يوسف و نزلت قولت اروح الكافيه لي اصول اقعد اضيع وقت رحت هناك و قعدت على تربيزه لوحدي طلبت القهوه بتعتي وقعدت اخلص شويه تلفونات بتاعت شغل وانا قاعد دخلت اصول عليا
اصول : ايه يا نوح من ساعت من قعدت وانت ماسك التلفون
انا : بخلص شغل
أصول : حتي بعد ما مشيت من المكتب لسه في شغل
انا : اعمل ايه بقي شغل المحاسب مش بيخلص
اصول : طيب بقولك ايه انتا بتشرب قهوه
انا : ايوه
اصول : تحب اقري الفنجان
انا : انتي بتعرفي
اصول : ايوه
انا :طيب ماشي اقري
اصول : (قلبت الفنجان) ام فنجانك مليان
انا : اصل بحب البن التقيل
اصول : ماشي يا رخم بس مش مليان بن لا ده مليان نسوان كتير قوي
انا : (مسكت منها الفنجان وحطيته مكانه) طيب
اصول : ايه مش عايزني اكمل
انا : علشان دي الحاجات الي مفتخرش بيها
اصول : يابني عدي بلاش تتعلق بالماضي الحياه طويله قصيره غيرها قولي بقي انتا كان معاك واحده
انا : واحده مين لا مكنش معايا واحده
اصول : محمود فضحك خلاص
انا : اه يا كلب ده حيوان ده كلام يتقال
اصول : بص من كلامك انك عايز تتغير اتغير
انا : ماشي يا ست اصول
قعدت مع اصول شويه نتكلم و اخدتها اوصلها ورجعت البيت انا طول الشهرين مفيش حاجه جديده بخلص شغل و مهتم جدا بالمكاتب و بحل مشاكلها كل يوم بروح لي اصول الكافيه نقعد نتكلم و نهزر لحد ما جيه معاد فرح يوسف و حنان قولت لي نديم واهي فرصه اشوفها رحت المطار علشان اخدها و اصول جت معايا
اصول : شكلها ايه بقي نديم
انا : معرفش
اصول : احنا ها نهزر ازي متعرفش شكل اختك
انا : المجنونه بنت المجانين عايزه تعملها مفاجأه ليا مش عارف بقي
اصول : شكلها مجنونه فعلاً طيب احنا ها نعرفها ازي
انا : اكيد مش فاقده الذاكره زي يعني ايه يا اصول
اصول : اه صحيح عندك حق
واحنا بنتكم جت بنت حضنتني من الجنب
بنت : واحشني اوي يا حبيبي
اصول : جري ايه يا نوح دي الثالثه الي تيجي وتحضنك انتا تعرف الطياره كلها وله ايه
بنت : مين الحربايه دي يا نوح
انا : انا اسف جدا يا انسه بس انا معرفكيش
أصول : اديكي سمعتي اهو بعد ازنك بقي علشان احنا مستنين حد دلوقتي
بنت : (حطت ايدها في وسطها) نعم يا اخويا انتا مستني حد غيري وله ايه
انا : انتي نديم
بنت : ايوه يا اخويا مين بقي الحربايه دي
انا : انتي نديم بجد
بنت : تشوف جواز السفر علشان تبقي متأكد
اصول : يا ريت بعد ازنك بس (شدت منها الجواز وفتحته) دي فعلا نديم
نديم : ايوه انتي بقي مين
انا : (سبت موضوع الحوار كله واخدتها بالحضن جامد جدا)
نديم : (استغربت) في ايه يا نوح مالك
انا : انتي اختي
نديم : (خدتني بالحضن) ايوه يا حبيبي
انا : انا ليا اخت قمر كده
نديم : شوفت بقي مين الحربايه دي بقي
انا : بس كده انا اتأكدت من طوله لسانك دي اصول بنت خالي وخالك
نديم : (بصت ليا من فوق لتحت) برضه ميمنعش انها حربايه
مشيت نديم واحنا ورها طلعنا بره ركبنا العربيه و كل شويه نديم تغير الاغنيه و اصول ترجعها تاني شغل قط وفار بجد لحد ما زهقت و طفيت الاغاني كلها نديم غنت هيا و ياريتها ما غنت بجد
انا : بس يا نديم
نديم : بس ايه
انا : صوتك وحش قوي
نديم : بأه كده يا نوح انا اختك حبيبتك و مش مستحملني الشوية دول خلاص رجعني المطار وارجع مكان ما كنت (وحط رسها بين ايدها و قعدت تعيط) خلاص يا اخويا براحتك تعالي يا ماما شوفي اخويا الي مش بيحبني هو ده الي ها ياخد باله مني
انا : (ركنت على جنب) خلاص يا نديم انا اسف خلاص غني براحتك حق عليا اسف
نديم : (كانت بتشتغلني) و يوم ها نعود ما بنا وعود
انا : انا غلطان
نديم : انتا بقيت حساس خالص
كملت السكه وانا مستحمل صوت نديم لحد ما وصلنا دخلنا القصر
جدي: يا اهلا ازيك
نديم :ايه ازيك دي خش في حضن حفيدتك يا جدي (خدته بالحضن)
جدي : (خدها بالحضن) ههههههه لمضه زي امك
نديم : بجد يا جدو شكرا الهديه الي كنت بتبعتها ليا وانا بره
جدي : كانت بتعجبك
انا : هدايا ايه
نديم :كان كل اسبوع لازم هديه ليا
انا : طيب فين الهدايا دي لينا طيب يا جدي
جدي : الهدايا دي لي نديم بس
اصول : ماشي يا جدي مفيش دلع تاني
نديم : خلاص ادلعه انا يا حربايه (طلعت لسانها لي اصول)
اصول : طيب انا ماشيه سلام علشان لو قعدت اكتر من كده ها نفجر في حد سلام
مشت اصول وقعدنا و جدي عرف نديم على العيله كلها وبعد كده طلعت الاوضه بتاعتها ترتاح وانا جالي تلفون
انا : الو...... ايه..... ازاي يا نهار اسود
يتبع .........