اخطاء الماضي ( كاملة )

الشاطر #الفصل الثالث

عارفين يا بنات بستغرب جدا لما اشوفكم متلهفين ل المشاهد اللي يتاخد فيها البطل ضرب و تلطيش بستغرب بجد انته عايزين تشوفه البطل مهزوم ليه في الاول اول ما بدأت اكتب كنت بقول دي عالم سايكوباتيه مجانين بس مع الوقت اكتشفت ان لا مش بس القراء لا كل الناس تحب تشوف البطل بيضرب و يضرب يحارب و يتحارب يقع و يقوم سألت نفسي سؤال هو ايه اللي بيعمل البطل اساسا غير سقوطه و قيامه حربه و انتصاره اصل لو مفيش مبدأ تحارب عليه ها تبقي بطل ازاي
فهمتك يا عزيزي فهمتك كويس اوي

بدايه الفصل

 

خلص شكري و الموظفين شغلهم و انا قعد اقفل شويه حسابات قبل ما انزل الباب و جنبي حورس لقيته مره واحده قام قولت عادي هو اساسا مجنون و عنده تهيأت و هلاوس بينبح على الحيط عادي و لقيته بدأ ينبح بقوه غريبه و دخل عليا في الوكاله اخر شخص ممكن اتوقعه و كانت عمتي و ولادها عمتي سوسن يا عزيزي

سوسن : (عنيها حمرا و تحت عنيها ازرق و وشها وارم جامد و شكلها كانت بتبكي) يا بدر

بدر : (استغرب) عمتي اتفضلي اقعدي

سوسن : (قعدت قدامي على المكتب) معنديش حد اروحله غيرك يا بدر

بدر : مالك يا عمتي

سوسن : ضربني و رماني في الشارع يا بدر باللي علينا

بدر : مين هو اللي مد ايده عليكي و انا اقطعها

سوسن : صابر جوزي

بدر : (سكت مش عارف يرد صابر معروف عنه انه مدمن مخدرات و خمور و عاطل عن العمل) طب تعالي نطلع فوق بدل قعدتنا في الشارع (طلعت مفتاح الشقه) اتفضلي اطلعي و انا جي وراكم ها قفل بس اطلعي و خدي الولاد معاكي

 

قامت سوسن بصعوبه و معاها ولادها و طلعت فوق اولاد سوسن هما بنت كبيره في الثانويه العامه اخر سنه و اسمها قمر و اتنين اولاد واحد عنده ١٤ سنه اسمه وليد و التاني عنده ٩ سنين و اسمه محمد

سوسن يا عزيزي كانت الوحيده وسط اخواتها اللي تستحق الشهريه لي سبب بسيط جوزها عايش على قفاها هيا شغاله مدرسه و بتدي دروس لكن جوزها مش بيشتغل هيا اصغر من حبيب بسنه واحده بس و اتجوزت قبل حبيب بس خلفت متأخر جدا

و طبعا يا عزيزي زي ما شوفت كل العمات الثمانية مدعين الفقر قدام بدر و الحج حسن بس وسط الناس لا لكن سوسن يا عزيزي مش مدعيه الفقر لا سوسن فعلاً فقيره و حالتها الماديه صعبه جدا و ده سبب كرهه اخواتها ليها علشان فكرين ان تحت القبه شيخ مش عرفين ان مفيش حاجه اصلاً فا كان لبسها هيا و عيالها على قده و علشان هما زباله شايفين ان اختهم كمان زيهم يعني نوال دي كانت متخيله ان سوسن عندها حساب في البنك فيه مش اقل من ١٠ مليون جنيه و قالت الكلام ده قدام ناس و ميزه بلدنا يا عزيزي ان مفيش كلمه تستخبة كله معروف و بيوصل