اخطاء الماضي ( كاملة )

الشاطر #الفصل الرابع

في كلمه جميله جدا قالها شخص بيقولك ايه يا عزيزي

بيقول : الازمات تصنع من الاشخاص ابطال مثل الفحم إن زاد الضغط عليه يتحول الي ماس

 

الصراحه يا عزيزي كلامه مقنع الي حد ما لان ببساطه لو حياتي سهله مش ها كون بطل نهائي ابقي بطل ليه و الناحيه العلميه برده صح الماس بيتشكل في مناجم الفحم و لما يزيد عليه الضغط بس اللي نسي الشخص الجميل ده يقوله ايه ان الضغط بيولد الكبت و الكبت يولد لانفجار يعني يوم ما تنفجر ممكن تنفجر في الشخص الخطأ مش مفروض انك تنفجر فيه او يستحق انك تنفجر فيه و دي مشكله نصيحه ليك يا عزيزي فكر قبل ما تنفجر في حد ممكن يكون شخص لا يستحق غضبك العارم

 

بدايه الفصل

 

 

دخل بدر ينام يا عزيزي في سلام لانه ارتاح نفسياً بعد رد فعله على حسام و المستأجر خليل

قبل الفجر بشويه كده البيت كله سكوت مفيش صوت او زي ما كنا فكرين

دخلت قمر بنت سوسن اوضه بدر و هيا لبسه روب نوم خفيف و حطت ايدها عليييييي (ها تموت و تعرف يا عزيزي صح طيب يا سيدي )

حطت ايدها على كتف بدر و بتصحيه بصوت واطي

قمر : بدر يا بدر اصحي

بدر : (فتح عينه با استغراب) ايه في ايه

قمر : (بخوف) في صوت بره في الصاله

بدر : (بص جنبه لقي قزازه مايه كب منها شويه في ايده حطهم علي عينه علشان يشيل االغمامة و يبص كويس و قام بسرعه فتح درج و طلع المسدس بتاع ابوه) اوعي تخرجي من الاوضه فهمه مهما حصل

 

اتأكد بدر ان المسدس فيه رصاص و هو مش بيعرف يستخدمه اساسا بس انتا في موقف صعب

فتح باب اوضه براحه خالص و بص حواليه ملقاش حد سمع صوت خروشه جاي من وره الستاره الفاصله بين اوض النوم و الصالون و الاستقبال مشي براحه حرك الستاره في هدوء يبص يشوف في ايه و شاف اللي بيحصل بوضوح بسبب النور السهاري اللي بيشغلوه في الصاله لقي سوسن مزنوقه في الحيط و حد زانقها و يتعدا عليها الدم فار في عروقه راح لي هناك بسرعه و المسدس في ايده حط المسدس على دماغ المعتدي و العمه سوسن بتعيط بس كاتمه صوتها علشان مينفعش تزعق تخيل يا عزيزي طلع المعتدي جوزها صابر

بدر : انتا بتعمل ايه هنا

صابر : (خايف و مش عارف يتكلم نهائي)

بدر : (بص ليه بصدمه و لي سوسن)

سوسن؛. (بتبكي بقهر)

بدر : (سحب صابر من قفاه فتح الباب رماه بره و قفل الباب) انتي ازاي تفتحي الباب لي حد في وقت زي ده