المشهد الاول نشوف عركه قويه واحد گاعد على صدر الثاني ونازل علي بوكسات والناس يردون يجرونه ما يگدرون والثاني فاقد الوعي. اجو ولد عمه يركضون صاح رجال جبير بالعمر
جاسم .لك مراد اتركه
تركه مراد والثاني گوه يتنفس بسرعه شالو للمستشفه وجاسم سحب مراد ودخله للبيت والولد كلهم وراه
الجد بعصبيه وصوت عالي
جاسم.شنو سالفتك انت ليش كل ما تشوف خالد تتعارك ويا
مراد.جدي اعتذر منكم بس هوه واحد كلب ويستحق هاي الكتله وهسه اترخص
عاف الكل صافن وصعد فوك
الجد.اريد واحد منكم يفهمني شجاي يصير.
كلهم ساكتين واحد يباوع بوجه الثاني
""""""
شمس.جنه گاعدين كلنه واني گاعده يم اخوي محمد الكل يسولف ويضحك اله اني بغير عالم ما حسيت اله نجريت وصرت بحضن محمد اخوي باوعت علي مبتسم جعل ما انحرم من هاي الابتسامه
محمد.شبيج يبعد اهروش گلبي ليش احسج ضايجه گولي منو مضوجج اجيبه يم رجليج ياخذ السموحه منج
شمس.دمعت عيني وخنكتني العبره حجيت بصوت يرجف. ربي يدومك الي مدام خشم محمد يشم الهوى منو يسترجي يحجي وياي لو يضوجني
محمد.جا شبيج جسمج يمنه وعقلج بغير مكان
شمس.مابيه بس يمكن مريضه
باوع علي بشك خله ايده ع كصتي وهز راسه سوه نفسه مصدك بس اعرفه محمد ما يفوته شي
الجد.شبيج مريضه بويه ناخذج للطبيب
ردت احجي وسمعنه الباب تكسر واحد يصيح لحكو مراد تعارك طفرو الولد بحيث اني طحت من حضن محمد
شويه وجابوه ايده تخر دم وجرح بگصته وضهره بي اهواي دم شكله يكسر الگلب حجه ويا جدي والي فهمته مراد متعارك ويه خالد شنو السبب ما اعرف عافنه وصعد صعدت وراه صاح حمزه
حمزه. وين
شمس.اشوف مراد
حمزه. عوفي
شمس.ما اگدر
صعدت وصاح جدي دومج حنينه. وصلت الغرفته وسمعت صوت الدوش عرفته بالحمام وكفت يم الباب اخاف يطلع بدون ملابس شويه وحسيت حركه بالغرفه دكيت الباب واجاني صوته گال دخلي دخلت واني مبتسمه گلتله شلون عرفتني ابتسملي وگلي واعرفج شنو تردين بعد. ابتسمت ورحت للحمام جبت الاسعافات الاوليه وگعدت اعالج بجروحه عالجت كصته بعدها ايده ونوب ضهره بس استغربت الجرح الي بضهره زغير جا الدم هذاك منين مو معقوله من هاذ الجرح خلصت انطيته علاج صداع وطفيت الاضويه وطلعت
نزلت والوجوه ما تبشر بخير الي عرفته مراد ضارب ولد اثنين غير خالد . وهسه همه بالمستشفى واهلهم دازين اكوامه الجدي والاوضاع متوتره ومراد نايم ولا جن يمه السالفه ههههه
أنت تقرأ
احفاد جاسم
Romanceمشاهد تسواهن.شگاعد تسوي مراد مراد.اريد اربيج من جديد شعبالج اعديلج سوالفج تسواهن بجي.ولله يجي يوم وتخسرني بسوالفك هاي مراد.مستحيل حبيبتي انتي اذا مو الي للگبر. وهسه خلينه نتحاسب اطياف.ابوس ايدج خلصيني منه ابوس ايدج حموت ارحميني الدكتوره. الضاهر الم...
