احفاد جاسم

تعريف الشخصيات

الجد جاسم عمره 71سنه رجال خايف الله وما اله بالمشاكل عنده 3ولد و3بنات

الجده متوفيه

جاسر.الابن الاكبر عمره 55عنده 3ولد وبنيه وحده مزوج اثنين اول  وحده لمياء عمرها 50ومخلفه 3ولد والثانيه سوزان عمرها 25صدمه صح راح تعرفون قصتها بعدين مخلفه بنيه وحده وتوفت بالولاده

محمد.الابن الثاني الازغر من جاسر عنده ولد واحد وتوفه هوه وزوجته بحادق سير

اسد. الابن الازغر ما مزوج عمره 30

البنات .جاسميه مزوجه وعدها 3بنات وساكنه يمنه
عمرها44

سحر. 41عدها اربع ولد وهم ساكنه يمنه ارمله

ولاء. مزوجه ومنفصله عدها بنيه وحده عايشه بيت جدها بس تجي يمنه بالعطل

البقيه هم يعرفون عن نفسهم 🤭
محمد.اني محمد ابن جاسر الحفيد الاكبر بالعائله اشتغل ضابط طبعا احنه اغلبنه نشتغل بالسلك بحكم درسنه سويه نفس الاختصاص عمري 30بگد عمر عمي العار

اسد.ماكو غيرك العار
محمد.نجب

المهم اني مزوج بت خالي. جنت رافض فكره الزواج بس بعد الحاح من اهلي ازوجت واني ما مقتنع بيها بس بمرور الايام والعشره ومن شفت اخلاقها وطيبتها ونضافتها حبيتها بس مثل ما تعرفون ماكو حياة مثاليه كل شخص عنده نقص بحياته واني نقصي ما يجيني اطفال اني حيل عصبي بس عصبيتي ما تتعده ل10دقايق مواصفاتي طويل وضخم وعضلات ملامحي حاده وحنطي

اسد.هلا هلا يابه شلونكم اني اسد ابن جاسم عمري 30ما مزوج لان الحد هسه ما لكيت شريكه حياتي الي احسها مناسبه او الاصح هاي حجه اكولها الاهلي حته اتهرب من فكره الزواج لان اني احب اضل اسوي علاقات اشتغل ضابط ويه هذول العارات ملامحي جدا جدا حاده طويل وعضلات بس مو ضخم مثل هاذ الثور محمد اني كلش اسبورت وحشاش بس اذا طبكن عندي اشردو

احمد.هلا اني احمد ابن جاسر الثاني الي ازغر من محمد اني اشتغل بمحل ملابس اطفال. طبعي كلش هادء مزوج وعندي طفله اسمها رند عمرها سنه بس دائما مشاكل اني وزوجتي ملامحي حاده وطويل بس ابيض يمكن لان ما اطلع من المحل للبيت ومن البيت للمحل ما تلوحني الشمس 😂عمري 28

حمزه.هلا يابه شلونكم اضلوعي اني حمزه ابن جاسر الثالث طالب جامعي بس موش طالب وعلي ضيم ما مزوج للاستفسار خاص. للجادات فقط طويل بس مو كلش يعني 170عضلات بحكم اني مدمن صاله رياضه ملامحي عيوني كبار وفكي حاد وخشمي حلو بس حلكي مخرب علينه شغل. عمري 25مو عصبي وحشاش بس اذا واحد اجاوز حدوده وياي انسي حليب امه قابل عضلات ع الفاضي شلون يعصبوني هسه. 🤨

مراد.هلا اني مراد ابن محمد الله يرحمه اهلي توفو واني زغير عافوني عد بيبي وراحو للطبيب وهناك سوو حادث. واخذتني بيبي تربيت بيت عمي بس ما حسيت باليتم ابد تربيت وياهم بحكم همه اخواني طبعي عصبي حيل وبسرعه اثور ملامحي ابد مو هادئه وجهي حاد وهاذ الشي الي نتميز بي كلنه طولي 190ضخم وعضلات وشتغل ضابط ما مزوج بس الله بلاني بحب زعطوطه شيبت كلبي عمري 27

شمس.هلا اني شمس بت جاسر من زوجته سوزان امي توفت من جابتني ابوي حب امي ورغم فرق العمر هيه هم حبته وزوجو وطبعا هاذ الشي خبل خاله لمياء وضلت تاذيني بسبب هاذ الحقد بس اني ما احجي احب اخواني حيل وما اريد اضوجهم ولا ازرع فتن وهم هيه تبقه امهم اخاف اذا حجيت يتغيرون علي وساعتها وين اروح دائما ترزل بيه واذا لكت فرصه تضربني وهاذ الي يخليني دائما حزينه اني ما اشبه اخواني ابد طالعه ع امي بيضه وكصيره
وجسمي حيل انوثي. شعري يعني وسط مو طويل ولا كصير بس ثخين واسود عمري 16صف خامس

جواد.هلا اني جواد ابن سحر عمري 27اشتغل ضابط ملامحي عاديه اشبه عمامي بس الطول والضخامه ع خوالي اني ثكيل ما احب اتشاقه اذا يمنه بنات بس اذا وحدنه الولد لا عادي ما مزوج. واحب شمس

نرجس. هلا اني نرجس بت ولاء ولا مقتنعه باسم امي المهم اني عايشه بيت جدي لان امي وابوي منفصلين جنت عايشه بيت ابوي بس مره ابوي تاذيني واخذني جدي اجي الامي بالعطل واضل يمها اني طولي مناسب مو كصيره كلش بس ضعيفه وما عندي شغلات بارزه مثل شمس حيل بيضه ومحمد ابن خالو جاسر يگلي وجهج فاهي لان بياضي قوي شعري حيل طويل طالعه ع عماتي وبس ولله