احفاد جاسم

بارت 22

شمس.ثاني يوم الحفله سويت مكياج خفيف بس ثخنت الايلاينر طلع كلش حلو لبست

طكيت صور صار وقت الروحه قبل لا اطلع شلت الكل من استوري الوتساب وخليته بس هوه طبعا هوه اخذ رقمي منين جابه ما اعرف المهم خليت صوري ستوري وبسرعه لبست حجاب وبشت وطلعت رحنه للحفله وماشاء الله تسواهن اتجنن طبعا احلا وحده بينه تسواهن شكد حلوه اطياف بس تسواهن احلا مراد خوش عنده ذوق ههه بالقاعه وتصل تلفوني طبعا اني اخت العريس ادخل تلفون عادي شفت رقم جواد عرفته شايفهن غلست صار 5مكالمات رديت وجاني صوته يصرخ

جواد بصياح.شنو هاذ الخ...الي ع الستوري شنو هاذ احجي

شمس برود.شبيك تصيح خ نفهم

جواد.شنو هاي الصور الي على الستوري وين تردين توصلين فهميني مره لبس مره مراد هسه صورج

شمس.شعليك انت جواد تره مصختها معليك بيه كيفي عندك خطيبه روح حاسبها معليك بيه  مو انت ختاريت صديقتي خلاص روح الها هسه ادزلك رقمها وحاسبها على طلعتها ولبسها وستورياتها بس اني لا تدخل بيه ابد عندي اخوان يحاسبوني اذا غلطت باي

سديته وضل يتصل واني طايره من الفرح غثيته دز رساله (اذا ما عدت تربيتج اني مو جواد) دز رساله ثانيه (اني تحجين وياي هيج بسيطه يا شمس ) غلست وكملت ركص ويه البنات وستمتعت بابسط تفاصيل الحفله
"""""""

تسواهن. خلصت الحفله وره الحفله مراد بسرعه شتغل بسالفه نقل كليتي لان مستعجل على الزواج يخابرني يوميه ويجيني دائما عيشني احلا ايام الخطوبه حته مرات اسوي شغلات يزعجنه يضل يستغفر ومرات يعصب بس ما يمد ايده علي ابد ولا يضوجني وبسرعه يرجع يعتذر
""""""

اطياف. خلصت الخطوبه ورجعنه ومحمد رجع زين وياي جنه كلنه گاعدين وگالت عمتي

لمياء.يمه محمد هاذ علاجي جاي اتخربط بي واني ما اعرف اقره انگليزي شلون بيه

محمد.يمه اني اذا موجود انطيج منه واذا ما موجود گولي الاي واحد ينطيج لا تاخذين انتي وحدج

لمياء. يا يمه جا ونت ضل مگابلني وگاعد خلي مرتك تنطيني يا مو هيه ممرضه وتعرف بالادويه

محمد.يي جبتيها خلاص اطياف علاج امي مهمتج تنطينها بالوقت والكميه المطلوبه