مراد.گاعدين بالمستشفى واجه ابو سمر گال دخلوها عمليه حته ينضفون جروحها واصلا هيه مسويه اسقاط وما متلقيه العنايه المطلوبه لذالك حالتها جنات كلش صعبه ونبضها ضعيف راح واجت سمر مفرفحه مثل طير المذبوح ابوها مخابرها ومنطيها علم شويه وصارو الاطباء يركضون سئلت ابو سمر گال توقف گلبها سمر ضلت تصرخ وابو سمر راح حته يسوولها صدمات دخلو علينه محمد واسد وسمر تهسترت ضلت تضرب بمحمد وهو من سمع بيها ميته جمد بمكانه اتقرب يمي اسد
اسد.مراد احجي شكو
مراد.ما اعرف دخلوها عمليات وگالو وكف گلبها
محمد.يعني ماتت
مراد.جاي يسولها صدمات نشالله ينقذوها
محمد.بس اني ما اريدها تموت
سمر بصريخ وبجي. ليش مو انت الي كتلتها هسه ما تريدها تموت ولك انت شنو من بشر
مراد.اسد طلع سمر منا لا تفضحنه
اسد سحب سمر وطلعها ضل محمد واكف بمكانه ما سئلته الان مبين تعبان بعدين افهم من اسد وصلت يمه جريته وگعدته وهو بس صافن مرة ساعه كامله اجو اسد وسمر وشويه هادئه مو مثل اول بدايه بس لو نعوفها تذبح محمد بدون رفه جفن ضلينه ننتضر وننتضر الحد طلعت الدكتوره ركضنه عليها وگال محمد بكل خوف
محمد.عابشه
الدكتوره. الحد هسه يي عايشه بس ما نعرف بالايام الجايه الان حالتها كلش خطره حضرو نفسكم الاي شي
سمر.لا تفاولين عليها وحجيلنه شبيها بالتفصيل
الدكتوره.الضاهر المريضه متعرضه الضرب قوي وعلى اثرها فقدت الجنين
هاي غير ضاله كم يوم بدون اكل وما ننسه النزف والضرب
مراد.يي وهسه
الدكتوره.عدها عضمايتين مكسورات بايدها وصاير عدها جفاف ودمها مصفر والضرب ماثر على اعضائها مثل الامعاء والمعده احنه سوينه الي علينه والباقي ضال على رب العالمين ومثل ما گلتلكم تحضرو الاي خبر
راحت ومحمد گعد بالگاع خله ايده على راسه وجها ما بي اي تعابير وسمر گعدت بالگاع تبجي اسد حاضن محمد وعينه على سمر اجه اجواد يركض هوه وعامر سئلنه وگالنالهم ضلو صافنين حقهم ولله
""
جواد. بالي مشغول بساعتي الرمليه وبشكل جسمها الي مجاي يروح من بالي اذا جنت احبها هسه احبها اكثر جنت بدوامي وقضايه وهذول الهتليه مخلين كلشي براسي واحد مجاز والثاني عريس والبقيه يسختون بالكليات رجعت باليل البيتنه وسمعت بجي وصريخ بيت خالي وامي واكفه بالباب منتضرتني بس نزلت من السياره ركضت علي
سحر.يمه جواد
جواد.شبيج يمه
سحر.ما ادري يگولون اطياف مراة محمد ميته
جواد.شتحجين انتي
ضلت تبجي خبطتها علي ما فهمت شي دخلت افتهم من خالتي ولاء احجي وياها بالحوش والضاهر هيه هم ما تعرف شي خابرت علي مراد گالي بيا مستشفى ردت اطلع واجت شمس تركض وتبجي
شمس.جواد اخذني وياك
جواد.وين اخذج خلي نفتهم الموضوع بعدين الله كريم
شمس.جا حباب من اتصل عليك رد الان خواني مجاي يجاوبون
جواد.نشالله
رحت اني وعامر للمستشفى وعرفت محمد مسوي هيج بزوجته تعجبت اسد اشر النه نسكت سكتنه رجع اشر النه نطلع طلعنه للحديقه وسولف النه كلشي ضلينه مصفنين
انطانه رقم التلفون ورقم الدراجه وگال اتحققو منه
مراد.نشالله بس خلي يطلع الصبح اله اجيبه من جوه الگاع
رجعنه لگينه صديقتها سمر تبجي ومحمد گاعد ومدنك ومخلي ايده على راسه
جواد.مراد يلله نرجع شعدنه باقين
مراد.شنو نرجع ونعوفهم
جواد.ضلتنه لا تقدم ولا تاخر بعدين الصبح ورانه شغل لو نسيت
اسد.صحيح كلام جواد رجعو اني هنا ح اضل والصبح اشتغلولي على المعلومات حد الضهر اريد كلشي يمي
رجعنه وكلهم اتلگونه يبجون
مراد.يابه اهدو ما بيها شي بس طايحه من الدرج ومسقطه ومحمد من شافها غاركه بدمها عباله ميته
شمس.وهسه شلونها
مراد.الاطباء گالو حالتها خطره اندعولها
عفتهم ايسولفون ورحت للبيت گبل سبحت ونمت الان ميت تعب
"""""
مراد.رجعت واني روحي مفرفحه على تسواهن اتخيل هيه بمكان اطياف الله يساعد گلب محمد هسه نشالله طيب وينكشف كلشي بس دخلت للغرفه حضنتها قوي
مراد.تسواهن كلشي سوي بيه قابل بس ديري بالج على روحج ما اريد اصير بمكان محمد اليوم
تسواهن.اهدئ مراد الله يگومها بالسلامه
مراد..امين
عفتها ودخلت سبحت طلعت هيه نايمه على الجربايه اجيت يمها حضنتها قوي من صدك اموت اذا صار الها شي ما جنت متوقع هلگد احبها هسه حست على نفسي هيه ما حجت ضليت حاضنها ونمت حسيت على تلفوني يتصل. شفت الاسم جواد خير يا ستار
أنت تقرأ
احفاد جاسم
Romanceمشاهد تسواهن.شگاعد تسوي مراد مراد.اريد اربيج من جديد شعبالج اعديلج سوالفج تسواهن بجي.ولله يجي يوم وتخسرني بسوالفك هاي مراد.مستحيل حبيبتي انتي اذا مو الي للگبر. وهسه خلينه نتحاسب اطياف.ابوس ايدج خلصيني منه ابوس ايدج حموت ارحميني الدكتوره. الضاهر الم...
