احفاد جاسم

بارت31

اطياف.رجعنه واني احس حيلي مهدود بسرعه فتت للحمام سبحت وطلعت لگيت محمد واكف بالباب ومبين على وجها القلق سئلني ما جاوبت احس نفسي حيل تعبانه راد يتقرب يمي لعبت نفسي من ريحته بسرعه رحت نمت تاكدت وقتها اني حامل بس انتضرت التحليل هوه ضل صافن على تصرفي اجه ونام ما حجه شي

""""""
محمد.تصرفها غريب صحيح تعبانه بس ليش تصدني وما تريد اتقرب يمها معقوله ما تحبني وتحب غيري شگاعد يصير يربي عافتني ونامت اجتني رساله على تلفوني شفته نفسه الرقم كاتب(لو عندك كرامه طلگها لك هاي مالتي البارحه بحضني وگلتلي راح تطلب منك الطلاك ما تريدك)  تخبلت شنو هاذ شگاعد يصير اطياف معقوله لا اكيد اكو شي غلط لان من اجيت جانت مصخنه يعني من رجعت للبيت فعلا جانت تعبانه زين هسه ليش ابتعدت مني ليش تصدني
""""""

شمس وصلنه وكبل فتت ما حجيت ويه اي شخص بسرعه اخذت ملابسي وفتت للحمام گعدت جوه الماي وابجي ندك الباب صحت منو

احمد.اني احمد شمس بيج شي

شمس. لا مابيه شي

احمد.شمس تره اني ما ردت اسويلي مشكله بس لان جنه بالشارع ورضيت ترحين ويا بس هسه ما اسكتله وداعتج

شمس. لا احمد حباب لا تسوي شي تره اني الغلطانه

احمد.شلون

شمس. هوه تعصب لان شافنه نصور بالشارع ورادنه نصعد بسرعه السيارته واني تنرفزت من اسلوبه غلطت علي هوه تعصب

احمد.شمس انتي تغلطين شلج بيها هاي

شمس.يي وداعتك اني جنت ضايجه من اسلوبه الصبح وغلطت علي ما تشوفه هيج صار بركان

احمد.مدام هيج خويه تره انتي الغلطانه

شمس.يي حبيبي ما تشوف اني نزلت من سيارتك وصعدت بسيارته لان اعرف بنفسي غلطانه

سكت شويه وحسيت على خطواته ابتعد من يم الحمام رجعت ابجي طلعت رحت الغرفتي لكيت نرجس گاعده وتبجي

شمس.شبيج

نرجس.اسفه

شمس. ليش

نرجس. لان جواد اعتذرلي وشترالي حلويات ونتي لا

شمس.ههههه هاذ الشي مو غلطج ثاني مره لا تعتذرين من شي انتي ما الج ذنب بي

نرجس.يعني انتي مزعلانه مني

شمس.ولج ازعل منج ليش غبيه قابل انتي سبب المشكله

گامت حضنتني وگالت تعالي ناكل الحلويات سويه

شمس.لا ما اشتهي حلويات نازله اكل شي ما متعشيه ولا متغديه

نرجس.انزل وياج
شمس.تعالي

نزلنه ولكينه احمد گاعد بالصاله وصافن شافنه صاح نرجس

نرجس.نعم