عذراء حاملة🐉مكتملة🐉

🐉الجزء 5🐉

البارت 5 عدراء حاملة
بعد مرور يومين ودازت الجدة مرحلة الخطر جانت نسرين عند هند وختها وعطاتها لوراق ديال دار ليغيسكنو فيها يعني ولات فسميت هند وقاتلها لغد ليه غادي دجي باش تاخدهوم لدار وبالنسبة الأتات كلشي شراتلهوم جديد تا من تليفون شرات لهند باش تبقا طمأن على لجنين ديالها بعدما خرجا جلسات هند كتفكر فحياتها كيفاش تقلبا 160درجة
سيهام:فاش كتفكري أحبيبة ياك دابا جدا ولات بيخير وغنرجعو كيف لول وأحسن حاجة عاجباني غنتهناو من ديك لمدرسة هاد لعام بعدا حيت كون مكان هكا كون تقاتلت أنا ولمديرة هاد لعام ههه
اااه نست مقلتليكوم راه هند وسيهام مخلو شي أستاد ما دابزوش معاه والشغب 20/20 ولكن قرايتهوم كتغطي عليهوم وخاة مشاغيبات محبوبات
هند:ههههه ولعفو نتي هي نتي مغتبدليش
سيهام:اممم أما نتي ربح وبلا ماديري علينا ديك لعيبا ديال حملي سر تغيري هههه
هند سكتات وتفكرات راسها حاملة أما كانت ناسية وسهااات كتفر مها فاش كانت كتقولها لأم ملي كتولد كتغير نضرتها لحياة مكتبقاش أنانية على راسها كتولي تعطي كلشي لولدها وتفكرات فاش قاتلها واحد المتال(فاش كتشوفي عويناتو كيتنساو وجيعاتو) هبطات دمعة باردة علي خدها وتعانقو هي وختها حيت فنفس لحظة تفكرو ماماهوم خديجة الله يرحمها*

///*فمكان أخر خارج المغرب بالضبط فتركيا فوسط قصر كلو زاج دهبي تحلفو عليه مبني بالدهب فيه شي خمسة ديال الطبقات لولة فيها شي خمسين غرفة مجهزة بشمنك ياأتات وفيزان دلورد ورائحة ليفكل غرفة تشميها دوخك الطبقا 2فيها مطبخ قد ساحة ليكان كيدابز فيها سلطان سليمان فياماتو ههه فيه شي 20طباخة19فيهوم لبسين كسوا كحلة حد ركبة وطابلية بيظة وشافة ديالهوم مرا كبيرا شويا لهيا باش غنكملو 20لبسة كسوا طويلة حمرة وطابلية بيضة ودايرا شالها على راسها وجها نور منو كيشعل ودايرا دبالج دهب فيديها وخاتم دنقرة وخاة يديها مكمشين بفعل كبر السن إلا وأنها لجما منها كيشعل مكدبوش ملي قالو إلى مشا زين يبقاو حروفو....