عذراء حاملة🐉مكتملة🐉

🐉الجزء 9🐉

البارت 9عدراءحاملة
تاجه بها الشيفور لديك لبلصة ليفيها صهرا خداو شي ربع20دقيقة ديال طريق وصلو مع ديك 9دليل لتما دخلها شيفور حتى لطابلة ليحجزات نسرين بسميتها وجلسات وطلب ليها شيفور كاس دلعاصير ومشا بحا أما هي جلسات كتشوف فداك لمطعم كيداير فيه غير ناس ليراقين أول مرة دجي لشي بلاصك بحال هاديك مكاين غير الحبيب والحبيبة جالسين فعشاء رمنسي جالسا كتمنضر ومرداش لبال لعنين دلبشار ليمحطوطين عليها ناسين تا لبنات ليجايبين معاهوم جلسات واحد نص ساعة تقريبا وهي كتسنا جاها لملل وبغات تسوني على نسرين تشوف واش نزلات فالمطار ولا لا غافلة على ليد ليغادي تحط على دراعها ولكن قبل متحط تهرسات هههه سمعات غير لغوتا حدا ودنيها وقفات بالخلعة ودارت شافت شخص عاطيها بضهر بعضالتو لبارزة لبنات بقاو حالين فامهوم شاد داك سيد ليكان غيحط يدو على هند شانق عليه هي جات تشوف شكون تليفونها صونا
هند:ألو نسرين تعطلتي من صباح وأنا كنتسنا
نسرين:بصوت باكي ومرتجف هند ولدي أمانة عندك صافي أنا مامكتابليش نشوفو الحمدالله نقدتو ملموت ملي عطيتو ليك
هند:اش كتقولي شرحيلي أش هاد لغوات حداك دوييي
نسرين:طيارة مبقالها والو وطيح لعافية قريبة ليا اأيي تهلاي فولدي تهلاهي فيه
وتقطع لخط بقات هند كترجف فبلاصتها هزات جليلها وجايا تخرج ولكن شي واحد وقفها بصوتو
الشخص:وقفي أمدام واش مكتعرفيش تعتادري راه الاستاد هو ليدافع عليك من تحرش
هند:شكتخربق نتا شكتقول تفو مبقيتولي غير نتوما
جايا تخرج ولكن الشخص ليدافع عليها هز يدو علي شكل أمر وتطفا ضو مبقا كيبا ولو هند خافت بزاف حيت عندها فوبيا من ضلام حتى حسات شي يد جبداتها من لخصر ديالها تلصقات مع عضلاتو مع هي قصيورا غير لكريشة ديالها ليخلات فرق بيناتهوم....