يحبها قلبي مع حبها لي

البارت الرابع عشر

قاموا وهم يشغلون سياراتهم وناصر اخذ عمانه وجده وفيصل وعبود وهو يروح

البنات كشخوا وخلصوا ولبسوا فساتينهم وكانت بس النظرات الاخيره بينهم ويعدلون اشكال بعض
نوف: خلاص بنات متأكد كل شي كامل؟
هنوف: ايه بس هيفاء بتروح على القاعه وتلبس فستانها هناك؟
شذى: ايه وخذوا فستان رغد وشموخ وكعبهم واكسسواراتهم عشان يلبسون هناك
طلعت لميس وهي تناظر بالسيارات وشافت خالد واقف ابتسم لما شافها وكان طرف عبايتها مفتوح و واضح لون فستانها وكان احمر ومشجر مشى لعندها وهو يوقف قريب منها بحيث صوته يوصل لها ونزل نظره لفستانها ولميس استغربت وين يناظر ولما نزلت راسها شافت ان فستانها باين ورفعت راسها له لما قال : أستطيع ان أقسم بأن الزهور المطرزة على فستانها قبل أن ترتديه كانت بذورًا
ابتسمت لميس من كلامه وناظرت فيه بس طلعت نوف والتفتت لها وهي ترجع تناظر بالسيارات وخالد مشى وهو يركب سيارته
تفرقوا وركبوا السيارات وهم يتجهون للقاعه ودقوا على شموخ الي قالت انهم توهم طالعين وبالطريق للقاعه بعد
وصلوا وهم ينزلون بسرعه ويدخلون لقسم الحريم وشوي جت هيفاء وهي تنزل عبايتها وتوري البنات مكياجها
نوف: يجننن هيفووه مره حلوو
شذى رفعت عيونها عشان ما تدمع: اف هيفاء طالعه تجننينن يروحي
هيفاء وهي تهوي نفسها بيدها: يمه بنات تكفون لا يا دوب ماسكه نفسي
ساعدوها تلبس فستانها وهم يرتبون شكلها النهائي
وطلعوا لما بدو الحريم الكبار يرحبون بالضيوف ويأشرون للمطربه تبدا ب ترحيبه وبدت تقول بصوت جهوري جمييلل :
استزان الليل فيكم يوم نورتوا مساه
حاضرينن جيتو عزوة وانتو الناس الكرام
في فرح عز الرجال سالم بن حسين
مع غلاه هيفاء بنت محمد عروسته بدر التمام
سالم الي بالمراجل شامخ ومحدن يسواه
فاز ب هيفاء وبغلاها والمحبه ما يلام
امتلت القاعه بالضيوف الي من محبة هالعائله جوهم من كل مكان
وكان نفس الكلام عند الرجال وترحيباتهم وعانياتهم ما توقف من غلاة سالم عندهم
وكانوا العيال قايمين بكل شي والقهوجي ما يروح الا وجاء غيره ومعروفين ال فهد بالكرم
جاء نايف عند سالم الي سلم على راسه: ارحبب
نايف: البقى ومبروك يا سالم منك المال ومنها العيال
طلع ظرف من جيبه وهو يدخله ب جيب سالم وقبل يتكلم: يرجال لا تحلف انا عمك مانيب غريب
بدا الرقص عند الرجال وفي العرضه صفوا احفاد فهد بسيوفهم وبشوتهم قدام سالم الي يمينه جده وخواله ويساره ابوه وعمانه وقدامه اعظم ما عرف بهالدنيا
ابتسم من منظر العيال قدامه وهم يعرضون بسيوفهم على كلمات العرضه النجديه
منّي عليكم ياهل العوجـا ســلام - واختص ابوتركي عَمَى عين الحريب
يا شيخ باح الصبر من طول المقام - يا حامي الوَندَات يارِيف الغَريب
اضرب على الكايد ولا تَسمع كلام - العز بالقلطات والراي الصليب
لو ان طعت الشور يالحر القطام - ما كان حشت الدار واشقيت الحريب
أكرم هل العوجا مَدَابيس الظلام - هم درعك الضافي إلى بار الصحيب
كانوا العيال يلعبون بسيوفهم بتزامن وقدامهم سالم الي من فرحته تقدم وهو يبوس راس ناصر وناصر يبوس راسه ومن بعده تقدموا العيال وهم يبوسون راس سالم ويباركون له مره ثانيه بفرحه وسعاده وكان الجميع يتأمل علاقة احفاد فهد في بعض ورجع لمكانه وتقدم مازن وهو يلعب بسيفه وسطهم وكان الجميع يعرف بجمال رقص مازن