يحبها قلبي مع حبها لي

البارت الثالث والعشرون

دخل محسن المطبخ مع كم واحد من العيال وهم يخلصون ويزينون ويتعشون وبعد العشاء ناموا الشيبان ونص العيال الباقين فرشوا لهم فرشه وهم يجلسون يتقهوون برا
سالم كان جالس مع عامر وسعد والعيال وخالد بالجهه الثانيه ناظر فيه وضحك: يا عيال اسمعوا عندي لكم قصيده
قالوا العيال بصوت متفاوت: اسلم
خالد ضحك وهو يقول للي حوله: انتم قولوا اخر كلمه
ضحك عزيز: يله
تنحنح خالد وهو يقول بصوت جهوري: فيني عتب قد الكون كله
العيال: كللهه
عادها خالد وهو يحرك يده وبصوت اعلى: فينيي عتب قد الكوون كلهه
العيال: كلهه
كان يناظر سالم بطرف عينها ويشوفه يضحك ب ابتسامه: فيني على صدة رفيقي مشارييه
العيال: مشارييه
خالد كان ينعم نبرة صوته بأخر كلمه: فيني على صدة رفيقيي مشاريييه
العيال ضحكوا من حركاته: مشارييه
كمل وهو يسوي نفسه زعلان ب آخر كلمه: بس الكرامه فيني تقول خله
العيال ضحكوا وهم يصفقون: خلهه
استحى خالد وهو يغطي وجهه بشماغه ويضحك وفز سالم وهو يروح له ولما شافه خالد وقف
سالم باس خشمه: الا عتبك ياابو محمد
ضحك خالد وهو يسلم عليه بالخشم: افا وانا اقدر اعاتبك
جلس خالد و وخر المركى من جنبه وجلس سالم
ناموا بعدها العيال الي برا والي فالخيمه

لميس: رغد قسم بالله لو ما تجين
رغد وهي تركض وتطلع للحوش: شسويي قالوا صحي لميس وانتي عييتي
هدى وهي تربط شعرها: ان ما جيتك يا رغد
قالتها وهي تركض وراها ورغد صرخت وهي تركض وتضحك وهدى وراها
مسكتها وهي تربطها وتصرخ: لمييس جيبي طرحه شماغ اي شي
رغد: خلاص اسفه ههههههههههههه
لميس جت ومعها طرحه: لا حبيبتي الاسف ما ينفع الحين
ربطوها البنات في عمود الحوش وهي تجلس
هدى ولميس كانوا واقفين عند راسها: وش نسوي فيها الحين
هدى: نغرقها؟
رغد صرخت: لاا تكفين
جود طلعت عليهم وهي تضحك: شفيكم ههههههههههههه
لميس: اختاري يا جود نغرق رغد فالمويه ولا نخليها مربطه الين الصبح
جود وهي تفكر: احس غرقوها اسرع وافضل كذا يشفي غليلكم
رغد انصدمت: وجع جود تراني ما رشيت عليك شي
جود ضحكت: حسيت فيهم وحقدت عليك هههههههههه
هدى ركضت وهي تجيب قارورتين مويه وتضحك ب ضحكة انتصار: والله مااخليك
رغد: معلييه هيّن هيّن انتي وياها
لميس وهي تفتح قارورة المويه: اص اص لا يكثر
فتحوها وهم ينتثرونها على راس رغد الي شهقت وهي تهز راسها: وجعع
ضحكوا البنات وانسدحوا من الضحك ورغد تنشف وجهها وهي تحركه يمين ويسار
رغد: خلاص فكونيي
هدى: خلاص رحمتك
فكت رغد ورغد تقوم عليهم وهم يركضون بالحوش وهي وراهم الين زحلقت من المويه: اااهه الله لايوفقكمم
لميس وهي ميته ضحك: حوبتتنااا هههههههههه
جود راحت وهي تقوم رغد الي ماسكه ظهرها ودخلوا وهم متغرقين
ام عزيز: جود هذا وانتي زواجك بكره
كانوا الكل مستغربين وجود ام عزيز معهم ومو متعودين عليه بس ضحكت هدى عشان تلطف الجو: يعني يا خاله اذا تزوجت بتعقل
ام عزيز: هذا المفروض والله
جود جلست جنب امها وهي تضحك: شدعوه يمه
نوف جت وجلست بتعب: خلصنا كل الحلويات والتقديمات وكل شي ترتب ومعليش اليوم بعد مافيه شي عشاء
فزت لميس: افا والله بعشيكم ذاك العشاء وبيساعدوني خوياتي صح
رغد: لا
هدى قرصت رغد ورغد ضحكت: ايه ايه
قاموا لميس وهدى وجود ورغد للمطبخ وهم يسوون العشاء
لميس: يا حماارهه كم مره بقولك قللي الزييتت
رغد: وجع طيب احنا كثار
لميس: حتى ولو وبعدين هدى مو قايله انا كثري الكشنه
هدى وهي تمسح دموعها وخشمها: طيبب عيني عينيي
جود كانت تقطع السلطه وهي مو معهم ابد وكل تفكيرها ب بكره وايش بيصير بكره
رغد ضربت الطاوله جنبها: مو وقت الاحلام انتبهي وانتي تقطعين
جود فزت وناظرتها بطرف عينها ورفعت السكينه بوجهها: بقطعك انتي فارقي خلصي شغلك
رغد شمقت وهي تروح تغسل الرز ولميس كانت تشرف عليهم وكل شوي تهاوشهم
هدى: لميس اعصابك يماما اعصابك
لميس وهي ترفع شعرها: تحسبيني فاضيه انتي صح
رغد وهي تهمس ل هدى: عشان كذا قلت لا لميس لو بيدها طبختنا الحين
لميس لفت عليهم وبيدها الملعقه: فاضيين تسولفونن الساعه كم
جود: خلاص خلاص خلصنا اساسا يله نادو رند تاخذ السفره
جو البزران وهم يشيلون نص الاغراض والبنات يودون العشاء وتعشوا
نوره: لا تسلم ايديكن والله زين
رغد: تحمدوا لنا بالسلامه طلعنا من المطبخ ولميس معنا
لميس: وجع شسويت انا
هدى: لا ابد بس الحمدلله ما تعشيتونا
ضحكوا البنات شذى: ولميس لا سوت شغل تقعد على اعصابك لين يخلص
نوف: اذكر قبل لا نتزوج وقت يصير في بيتنا عزيمه تقوم تهاوشنا يا بنات حرفيًا واحنا نناظر وعاد صغيره اسكتي لا ندخلك بالقدر يا بنت الحلال
ضحكوا وهم يكملون سوالفهم ويتعشون وخلصوا
طلعوا ام عزيز وبناتها اما ام محمد حلفوا عليها تقعد عندهم
شيخه: يا بنت الحلال تعوذي من ابليس محمد مهوب هنيا وما راح يرجعون الليله
ام محمد: ايه بس معليه برجع بيتي
شموخ: يا خاله خلاص اقعدي عندنا من زمان عنك وعن قصصك
ام محمد ضحكت لما انسدحت شموخ بحضنها وهي تلعب بشعرها: ها يله بقعد عندكم وبقولكم قصه
جو البنات بحماس و كل وحده منسدحه على الثانيه حول ام محمد وهم يحبون قصصها
بدت تحكي عليهم ام محمد الين اخذهم النوم كلهم وهي ترفع راس شموخ وتقوم وهي تطلع رايحه لبيتها بهدوء
وبنص الطريق شافت محمد الي لما شافها ركض وهو يمسك يدها يساعدها بالمشي: ورا ما نمتي عندهم
ام محمد: والله اني مااعرف انام الا في بيتي يا وليدي الا انت قالوا منت بجاي الليله وش جابك
محمد ضحك: ولا انا اعرف انام الا عندك
ضحكت وهي تكمل مشي مع محمد ويدخلون بيتهم
صحوا الناس الصباح مدهرين والعيال يركبون سياراتهم ويرجعون للبيت
ناصر: البشووب يا ولد
فهد: عندي عندي
سالم وهو يمشي ومعه ثياب: شوفوا ذي ثياب من
عزيز: يعيال مين بيودي البنات المشغل ؟
فالح: انا انا خلهم يطلعون لي يله