يحبها قلبي مع حبها لي

البارت واحد واربعين

"بعد مرور شهر" تحديدًا الساعه ثمان الصبح
ناصر: يله يله مشينا
عامر طلع من بيتهم وهو يشوف ال فهد سياراتهم مليانه وعفوشهم وبزراينهم بالشارع : يا ماشاءالله وين رايحين
خالد وهو يسكر الشنطه بعد ما دخل الاغراض بصعوبه: ابد العود كأنها عاجبته الاجواء وقال مالها الا كشته
عامر: عاد تونا راجعين مير اخذوا احتياطكم ترا بالليل بردٍ مجنون
خالد ضحك: ابشر ابشر
صالح: ترا مافيه الا ثلاث سيارات بنسوقها انا وناصر ومقبل
شيخه: يويلي طيب احنا كثار
مقبل: عاد تحاشروا سيارتين جمس والثانيه شاص
نوره: خلاص بقسمكم انا الجمس ثلاث مراتب وشنطته مليانه يعني كل البنات يروحون فيه والي ما يكفيها تركب الجمس الثاني جمس العيال
ركبوا البنات كلهم الا نوف وشذى ولميس ورغد وهدى وراحوا للجمس الثاني الي كانوا فيه العيال خالد وسالم وفالح
خالد وهو يزحف ويأشر ل لميس تجي جنبه ناظر فيه سالم: تعقب
قالها وهو يجلس ولميس جت بينهم وركبوا كلهم الا رغد
رغد: شسوي يعني بتخلوني
شيخه فتحت الشباك: اركبي مع ابوك واخوانك ورجلك فالشاص
فتح سعود باب الشاص وهو يضحك: تعالي تعالي
راحت لهم رغد وهم ينزلون العيال عشان تركب اول
فهد: وليد يا ولد قم قم صحصح
وليد وهم مصحينه على طول للسياره: انتم وش بلاكم سعود ضحك وهو يضرب ظهره: قم قم ورانا علوم
وركبوا بعدها وخلوا سعود بجهه وهي بجهه
صالح: الورعان من فيصل ل راكان كلهم فالصندوق
دانه: يويلي بسم على ولدي يطيح يصيرله شي
عزيز ضحك: معليك احنا معهم فالصندوق ههههههههههههه
مازن وهو يرفع ثوبه ويركب: الله المستعان تعال تعال يا عبودي
ولما ركب دق القزازه الي بينهم وبين الغماره: هين يا سعود و وليد اجل ساحبين علي ومخليني فالصندوق
سعود ضحك وهو يفتح القزازه الي بينهم: والله يالخوي عاد حصلت ههههههههههههه
تقدم عبود وهو يشيله مازن ويركبه وركب فيصل وركبوا رند وحنان وراكان
محمد: ها لو انكم تخلون عمر يجي
هنوف: ركوني وحنان قدهم يخطون وينطقون اما وليدي توه
مقبل وهو يطلع يده ويضرب الباب: يله يله امسكوا الخط
حركوا ال فهد وهم ينطلقون للبر ومجهزين اغراضهم كامله
ام عزيز: انتن عليكن قل صح المره على وشك ولاده ورايحين بها للبر
شموخ ضحكت: يا عمه الدكتوره قايله انتي بكر ما راح تجيبين الا بالتاسع وانا توني بنص الثامن
ام محمد: الدكتوره مهيب ابخص منا
بدوا العيال يشغلون شيلات ومقبل وصالح يحدون بعض ويضحكون ومازن وعزيز ومحمد ماسكين الورعان فالصندوق ويوم قربوا عند المحطه وبدا مقبل يهدي هدوا كلهم معه ودخلوا المحطه والي يعبي والي وقف على جنب عشان يروحون سوا
نزلوا الي فالصندوق ومحمد شال راكان وعزيز شال حنان ومازن نزل فيصل وعبود ورند وهم يدخلون البقاله ويقشوون ما بقوا شي
رغد: طيب عادي انزل البقاله
ناظروا فيها بنفس الوقت سعود وفهد و وليد وقالت: بسم الله شفيكم
وليد وهو عند الباب: يوه يا رغد والله مافيني افتح الباب وينزل سعود ثم فهد وتنزلين ونرجع نركب واذا جيتي ننزل-
قاطعه صالح: اقول افتح الباب وانزل مع اختك
وليد وهو يفتح الباب: سم
نزلوا العيال مع رغد ودخلوا وهم يضحكون لانهم مع كل لفه يقابلون احد منهم
مازن وسعود يوم تقابلوا ركضوا لبعض: يا ولد من كثرنا محد في البقاله غيرنا هههههههههه
سعود: اي والله ولا بعد باقي فالسياره عرب هههههههههه
رغد وقفت قدام السيارات وهي تدور السياره الي فيها لميس الين لقتها وراحت عند شباك ناصر وتدقه عشان ينزله: نعم شتبين
رغد: لو سمحت يعني قل ل لميس تنزل
سالم: يا بنت الحلال لميس بالوسط
لميس: تكفين رغد ساعديني معيين يخلوني انزل
الجد ضحك وهو كان راكب قدام: حلفتك يا ناصر تنزلونها
لميس: تكفى يا جدي
خالد ضحك وفتح الباب: يا بنت الحلال ما يحتاج جدي ها انزلي
سالم ناظر بخالد: انزل انزل معهم
نزلوا كلهم وهم يدخلون البقاله ويا ما راحوا ويا ما جو وطلعوا بعربيتين
ناصر انصدم لما شافهم وهو يسمع صوت الاشعار الي جاء جواله: يالله يارب ان بطاقتي معي
مسك جيبه وهو يتحسس وما لقاها وهو يفتح الباب على طول وينزل: مين السلوقي الي ماخذ بطاقتي
فيصل كان يركض له ويضحك: بابا باشرت عليهم من بطاقتك
ناصر ناظر فيه بقلة حيله: والله اني مدري وش اسوي بك مير لا تعودها باشر على ناس يستاهلون
محمد: افا واحنا ما نستاهل
ناصر ناظر فيهم وكانوا اغلبهم نازلين والاكياس متوزعه بينهم وهو يتنهد: امشوا امشوا عمي مقبل صارله ساعه يدق بوري
وركبوا كلهم ومحد غير مكانه عشان ما تختل الوزنيه بكل سياره ومسكوا الخط وضحكوا لما شافوا ابو عزيز يلحقهم بسيارته وهم يكملون طريقهم الين وصلوا مكان مثالي بعد بحث طالت مدته لنص ساعه
نزلوا وهم ينزلون عزبتهم وفرشتهم واغراضهم ويشبون نارهم ويسوون القهوه وهم متجمعين كلهم حول بعض وسوالفهم وراكان وحنان يلعبون بالتراب وفيصل وعبود ورند حولهم ومنتبهين لهم وعمر منسدح بالوسط ويلعب برجوله وكل من انتبه له جلس يلعبه ويضحكه
فالح قام: يله يله الي وده يلعب يقوم
هو فاجئهم وقاموا كلهم البنات والعيال الا فهد وناصر الي قعدوا مع حريمهم نوف وشموخ بحكم انهم حوامل وما يقدرون يلعبون
سعود: يله عاد المره الجايه تلعبون معنا
جود: وشو اللعبه اساسا
فالح: عظيم سرا ولاح
لمى: ايش؟ وش تقول انت
محمد ضحك: ماش ما يعرفونها ههههههههههههه
فالح ضحك: يعني الحين انا معي هالقاروره وبنوقف كلنا بدائره طيب ونعطيها ظهورنا وانا برميه وراي وبعدين نركض كلنا ندورها والي يلقاها يصرخ انه لقاها ولازم يركض يرجع للدائره وهي معه واذا حس انه محاصر يقدر يرميها مره ثانيه ونرجع ندورها
لميس وهي تتكلم بحماس: الله اللعبه تحمس يله يله
مازن ناظر بالبزران: فيصل عبود رند قوموا يله العبوا معنا
فزوا بحماس وهم يحبون يلعبون مع الكبار ورسم سالم دائره كبيره تكفيهم كلهم وهم يوقفون بالنص وعزيز يرمي القاروره وهو يصرخ عشان يركضون وبدوا كلهم يركضون وصياحهم وضحكهم والي يطيح والي يلقاها ويرميها ابعد ومر الوقت ولا احد فاز فيهم
الجد ضحك: اقعدوا اقعدوا محدٍ شاطرٍ فيها غيري
ضحكوا وهم يرجعون وقال وليد: ها قم ورنا شطارتك
الجد: ذيك ايام اول كنت نشيط الحين نبي السلامه
فهد وهو يبي يغير الموضوع: الا يا جدي قل لنا عن ايامك اول
ضحكت شيخه: تدري ان ابوي كانوا يحاولون فيه يصير شيخ القبيله بس رفض
شذى: اما ليه رفضت طيب كان صرنا احفاد شيخ القبيله
الجد ضحك: والله وانا ابوك الشيخه يبي لها علوم ومسؤوليها وانا ذيك الايام ما كانت تهمني كل الي ابيه وناستي
سعود ضحك: اثاريني طالع عليك ههههههههههههه
بدوا يسولفون ويضحكون والجد وعياله يقولون لهم قصصهم ايام اول والبزران مندمجين معهم الين جاء وقت الغداء وقاموا يخلصون غداهم وهم مقسمين الاشغال بينهم
رغد كانت تقطع السلطه جنب السياره ورافعه طرحتها عن شعرها من الحر ومحد يشوفها
سعود كان مناشب ناصر: طيب وش اسوي تبيني اساعدك وش تسوي انت
ناصر: يوولله فكني من شرك رح قطع السلطه مع رغد
سعود فز: والله خلاص تم بروح
اخذت صحن وسكين وهم يرفع اكمامه وثوبه ويروح ورا السياره لمكان رغد
فزت اول ما شافته وهي تتنفس براحه: يمه حسبتك واحد من العيال
سعود: ليه انا وش
رغد ناظرت فيه وضحكت: انت زوجي
ضحك سعود وهو يجلس جنبها ويقطعون السلطه ويسولفون
اما خالد كان يقطع البطيخ ولميس جالسه تناظر فيه وخالد توتر وهو يناظر فيها: شفيك
لميس: خالد بقولك شي
خالد: يليل انا وراي فتحت على نفسي باب
قامت لميس من مكانها وهي تروح جنبه: لا صدق صدق الحين انت تكره غزيل صح
خالد كان يبتسم وهو ما يبي يرد عليها: خالد رد علي يعني لو مثلًا غزيل سوت حركه وطلعت قدامك بالغلط وشفتها وش بتسوي
خالد التفت عليها وهو يحط بفمها حبة بطيخه ويرجع يقطعه لميس انصدمت وهي تبلعها: يعني يمكن هي تسوي الحركات ذي-
خالد التفت مره ثانيه وهو يسوي نفس الحركه ولميس ناظرت فيه بحقد: خالد خير لا تعاملني كأني ثرثاره
التفت عليها خالد وهو يقرب منها الين ما صار بينهم مكان للهواء عشان يمر: لميس( ناظر فيها كلها) احمدي ربك اني هالمره سكتتك ب حبة بطيخ بس
لميس فتحت عيونها بصدمه وهي تحط يدها على شفايفها وتسكت خالد ضحك وهو يشيل الصحن ويروح للعيال ولميس قعدت متصنمه مكانها بذهول من جرأته
وبعد ساعتين من الشغل والهواش والسوالف وشويه حب خلص الغداء وتجمعوا عليه وهم حاطين صحنين للعيال وللبنات وكانوا دانه وهيفاء يعشون عيالهم معهم وهنوف مبتلشه بعمر الي قعد يبكي
ناظر فيها سالم وهوم يقوم على اساس انه شبع وغسل يده ورجع للهنوف: هاتيه هاتيه وتغدي
هنوف: لا والله انت وش قومك ارجع تغد
سالم: شبعت يا بنت الحلال هاتيه
اخذ عمر وهو يروح عند صندوق السياره ويلعبه ويلهيه وقعدوا الباقين يتغدون ويخلصون وبعد ما خلصوا هيفاء خذت صحن وهي الي بقت لسالم من غداهم وزينته بالسلطه وهي تروح تدوره: يوه اخيرًا لقيتك
سالم وهو شايل عمر ضحك: ليه تدوريني
هيفاء ناظرت بالصحن وهي تحطه على السياره: انت ما تغديت عطني عمر وخلص الصحن لا اشوف فيه نقطة رز
سالم ضحك وهو يبوس راسها وعمر معه: الله يخليك لنا هههههههههه
قعد على الصندوق وهو يتغدى وهيفاء تلعب عمر عنده ويسولفون ويضحكون على حركات عمر وبعد ما خلص رجعوا للجلسه سوا
مازن:وهو مجلس حنان بحضنه: افا خليتوا بنتكم ورحتوا للمخنز الصغير
هنوف ضحكت وهي تاخذه منهم: حرام عليك ولدي رجال ههههههههههههه
ضحكوا وهم يجلسون ويشربون شاهي بعد الغداء وما بين سوالفهم ومحارشهم لبعض وقاموا الشيبان يقيلون للعصر تحت الشمس والحريم راحوا بجهه ثانيه وكلهم ناموا ومحد مستوعب كيف يقدرون ينامون اساسا
سعود: اقول بس انتي هرجك واجد
لميس: اقول لا يكثر بس وبعدين مالك دخل
سعود قام وهو يضحك يحب يستفزها ولميس ناظرت فيه بحقد: جعلك ان شاء الله تطيح وتوجهك رجولك يالدب
وقف خالد بيعدل ثوبه بس تعثر بمازن وطاح
سعود رجع ميت ضحك: يا حرااام الدعوه رجعت على رجلك مع الاسف هههههههههه
وليد ضحك: يهبيي دعوتها عموميه
لميس اتسعت عيونها بصدمه وهي تشوفهم يضحكون على خالد الي قام يدف مازن: وجع وش بلاك متسدح انت
مازن وهو يعدل سدحته: وش دخلني انا مرتك الي دعت
خالد لف عليها بإبتسامه: انتي تدعين على من بالضبط
شذى بضحك: الجهر لسعود والنيييه لك هههههههههه
لميس ناظرت بصدمه: لا والله دعيت على سعود ابو سبع ارواح خير لا تظلموني
خالد ضحك بخفه وهو يجلس: معليك مصدقك
قعدوا كلهم يضحكون الين خف الضحك شوي شوي وصار صمت والبزران نايمين ناظر فيهم عزيز: وش فعالياتكم طيب
نوف ضحكت وهو تناظر بناصر و واضح على وجهها التعب: تعطيني سيارتك هههههههههه
ناصر ضحك: لا والله بعد ذيك المره منتي ب طابتها ههههههههههههه
مر الوقت الساعه والساعتين واذن فالح العصر وقاموا الكل وتجمعوا العيال يصلون جماعه والبنات يصلون والي تاخذ ولدها وتغير له ملابسه واغراضه بعد ما توصخ وسوو القهوه والشاهي وجابوا حلوياتهم واغراضهم الي جابوها من البقاله والي كانوا مسوينها من البيت
ام عزيز: ذا الحلى اذكر سويته ايام ما عندي الا لمى ومااعرف شي وشيخه ونوره اعدى مني ونخبص فيه ونحط وحطيناه قدام صالح ومقبل وانت يا مالك
مالك( ابو عزيز) ضحك: اذكر اول ما ذقناه يا ولد كان نا ينوكل حتى
مقبل ضحك: بس ايام شيخه ونوره صغار وهيا توها ما عندها ذيك الخبره وماي نبي نكسر بخواطرهم وخلصنا الصينيه كلها
صالح: ما انساها لكم عشاني اصغر واحد خليتوني اكل الباقي كله ههههههههههههه
مالك ( ابو عزيز): وحياة ابو محمد الله يرحمه ويذكره بالخير( محمد اشتد للسالفه وكلهم ناظروا فيه وابتسموا وهم يناظرون في ام محمد كيف ابتسامتها واضحه على عيونها) انا كلنا كل عصر كأننا اياكم الحين نتجمع في برحه قريبه ونقعد نتكي ونسولف ويوم علمناه قال ها خلاص بخلي ام محمد تجيهم وتعلمهم كيف يسوونه وبكره العصر بنجي نتقهوى عندهم
شيخه ضحكت وهي تناظر بساره( ام محمد): وجتنا ونقعد نسويه ونخبص فيه ليين ضبطناه الحمدلله ويوم قدمناه اليوم الثاني ابلشوننا صاروا يبونه كل يوم
ام محمد ضحكت: وانا عندي دفترٍ حافظه فيه وصفات اكلات ويوم اني شفت وضعهم قلت ذولا مالهم الا بنسخ لهالدفتر
نوره: ترا الدفتر للحين موجود وللحين اسوي لهم اكلات وحلويات منه
كملوا سوالفهم وهم يستمعون للكبار وماضيهم وكيف كانوا فعلًا نسخه منهم
ناصر لمح ضلع ورجع يناظر فيهم: تخاوون
ناظر فيه سالم: وين
ابتسم ناصر وهو يناظر بالضلع: نتزحلق هههههههههه
قاموا العيال بحماس وبنص طريقهم وقفوا وهم يلتفتون محد من البنات جاء معهم
فهد: وش بلاكن تعالوا معنا
رغد: والله؟
وليد ضحك: ايه امشوا هههههههههههه
قاموا البنات بحماس وهم يتسابقون مين يوصل اول واول ما وصلوا وبدوا يركبون الضلع ويتمسكون في بعض
فالح: انتبوا لا تطيحوا تراه يزحلق
لميس رجلها تعثرت ومسكها خالد وهي تناظر فيه وللحين ما نست شصار قبل الغداء ونزلت عيونها خالد ضحك وهو يسحبها عشان تتقدم قدامه
واول ما وصلوا المفروض انهم ينزلون يتزحلقون
مازن: لا والله طويل امشوا من هنا عشان ننزل
ناظر فيه ناصر ورجع يناظر بفالح وهدى وشموخ: بالله عليك ابد خطير عليكم خواتي يعرفن ينزلن بطريقتنا
ضحكوا شموخ وهدى وهم يركضون ورا ناصر الي نزل بسرعه وكلهم يصارخون وفالح ناظر بدانه وهو يمسك يدها ويركضون وراهم وينزلون
لميس ناظرت فيهم بعدين ناظرت ب هنوف: ننزل
هنوف: مدري مو خطير ذا
ضحكت جود: لا مو خطير امشوا بس
مسكت يدهم الثنتين وركضت وهم ينزلون وصراخهم يتعداهم وعزيز نزل وراهم وهو يدري ان جود تهايط
رغد: معليش انا بنزل من طريق مازن
وليد وهو يناظر فيهم: امشي امشي ننزل كلنا
نزلوا رغد و وليد ومازن وفهد اما سعود شاف شذى متردده ضحك وهو يمسك يدها ويركض وهي ضحكت وركضت معه ونزلوا وسالم ناظر بهيفاء وهو يغمز لها ينزلون وهيفاء ضحكت وهي تركض قبله وهو ركض وراها ونزلوا كلهم
ما بقى الا لمى ومحمد وهم يناظرون فيهم من فوق ومبتسمين وهم كل ما صارخ احد ضحكوا معه
الين تنهد محمد والتفتت عليه لمى وهي تقرب منك وتمسك يده: فيك شي؟
محمد ابتسم بهدوء وهو يناظر فيها: لا بس تذكرت ابوي وهم يقولون سوالفهم معه كيف كانت شخصيته ذيك الايام
لمى جلست وهي تأشرله يجلس جنبها وابتسم محمد وهو يجلس وكان على وقت غروب ويسمعون اصواتهم بعيده وضحكهم
لمى: محمد
محمد لف عليها: لبيه يا عروق قلبي وسمي
لمى خذت نفس وهي تحط يدها على بطنها: انا حامل
محمد مااستوعب وناظر فيها: وشو؟
لمى ناظرت فيه بخوف وهي تحسبه رافض هالشي: انا حامل يا محمد شفيك
محمد عقد حواجبه وهو يضحك بحماس وهو يلف عليها بكل جسمه: حامل!! احلفيي
لمى ضحكت لما شافت فرحته وهي تهز راسها: ايه ايه حامل هههههههههه
محمد وقف بسرعه وهو يوقفها معه: يا لمى انتي صادقه حامل صدق
لمى حطت يدها على راسه بضحك: شفيك ما تستوعب ايه اقولك حامل
محمد سحبها لصدره وهو يحضنها وبهالحضن ازاح كل همومه وجاب راحته وسعة صدره: والله يا لمى اني لا شفتك تلقائيًا أردد عسى الله لا يعدم الارض من لينك ووجودك يارب آمييين
لمى بادلته الحضن وضحكت: اميين ولا يحرمني منك
محمد ابتعد عنها بضحكه وهو يتقدم لحافة الضلع ويقول ب اعلى صوته: يعيااالل اسمعونيي
لفوا عليه كلهم وهو فوق وهم تحت وقال عزيز: وش تبيي
محمد ضحك وهو يرفع يدينه لفوق ويصرخ: بصيييرر ابووو
العيال والبنات تحت يناظرون في بعض بصدمه الين تقدمت لمى وضحكت وهي تقول بنفس درجة صوت محمد: تقدرون تباركون ههههههههههههه
صرخواا كلهم الي تحت بفرحه وخالد بلحظة حماس كان بيطلع عشان يحضن محمد ولما شاف المسافه ناظر فيه وهو يضحك: انزل الله يقلعك تقولنا وانت فوق
نزلوا محمد ولمى وهم يباركون لهم وكانوا كلهم مبسووطين فيهم ورجعوا للجلسه وركض وليد: عندنا عللم
مقبل: الله يستر من علومك
وليد ضحك: لا معليك علمٍ زين
سالم حط يده على كتف سالم بضحك: باركوا للرجال مرته حامل
ام محمد ناظرت ب لمى: والله!!
لمى تقدمت لها وهي تضحك: اي والله
حضنتها بحب وهي تبارك لها و وقفوا الشيبان يباركون لمحمد ولمى وهم يجلسون وكان هذا حديثهم المتصدر فالجلسه
بعد مرور ساعه وبدت الجو يبرد والعيال صلوا المغرب وطلعوا فرواتهم من السياره والبنات لبسوا عيالهم جاكيتاتهم
الجد: ها يله يله زينوا الخيمه الجو كأنه برد
صالح وهو مجلس فيصل في حضنه ولامه معه بفروته: اي والله برد يله يعيال
قاموا العيال وهم يضبطون الخيمه ويركبونها والبنات يجهزون اغراض الحلى الي مخلينه للسهره وركبوا خيمتين وجلسوا فالخيمه الاول بعد ما شبوا نارهم وركبوا الانوار
ناصر وهو يدخل عليهم ويحت يده من الغبار: الخيمه الثانيه ما حطيت فيها انوار عشان الي يبي يرقد يروح
فهد وهو يطلع اغراض المشاوي: يله يله ورانا شغل
رغد: خلاص دام فهد بيشوي لنا ما علينا خلاف
ضحك وهو يطلع وطلعوا معاه العيال بس مو كلهم وكانوا يتساعدون على العشاء ويحاولون يخمونه لان الجد بدا ينعس
وبعد ما خلصوا قاموا البنات يجهزوت الصحون والتقديمات وكان الكل يتساعد وقدموا العشاء على سفرتين والبزران بالقوه مصحينهم امهاتهم عشان يتعشون
لميس دخلت للخيمه بعد ما غسلت يدها ناظرت فيها شذى: لميس بالله شيلي عبود وديه الخيمه الثانيه مع البزران
لميس وهي ترتعش: براا برد
خالد التفت عليها وهو يأشر على فروته: عاني فروتي خذيها معك
ابتسمت وهي تاخذ وتلبسها وتروح تشيل عبود توديه للخيمه الثانيه ولاحظت شموخ الي واقفه بمكانها واستغربت: شموخ ؟ شفيك
شموخ كانت ترتجف ولفت عليها بعيون مليانه دموع ورجعت تناظر تحت ولما لميس ناظرت لمكان نظرها انصدمتت
: شموخ شموخ هذا ايش
شموخ بلعت ريقها وهي تاخذ نفس: موية الولاده يا لميس بسرعه ناديهم نادي اي احد تكفين رجولي ما شايلتني
لميس اقشعر بدنها من الخوف وهي تركض تدخل عليهم بسرعه وتلهث بتهب والكل التفت عليها بإستغراب
سالم: وش بلاك
لميس وهي تحاول تضبط تنفسها: شمووخ .... شموخ
فز فهد من مكانه: شفيها شموخ!
لميس ناظرت في امها: يمه الحقيها شموخ بتولد
فزوا كلهم بخوف وقامت شيخه: لميس وش تقولين انتي وين شموخ
لميس وهي تطلع وكلهم لحقوها: شموخ برا مو قادره تتحرك تكفون تعالوا
شموخ لما شافت الكل جاء وركضت شيخه وهي تمسك يدها وشموخ ناظرت فيها وانهارت بعد ما زاد الآلم: عميمه تكفيين الحقينيي
شيخه وهي تحاول توقفها والبنات يساعدونها: خلاص خلاص شموخ حبيبتي ناظري فيني ما راح يصير شي
ام محمد ناظرت فيهم من بعيد ونطقت: ما فيه وقت دخلوها عندي
فهد ناظر فيهم بصدمه: دقيقه دقيقه كيف يعني مافيه وقت وش بتسوون
ناصر مسك فهد من كتفه: فهد امسك نفسك شموخ بتولد هنا
فهد فتح عيونه بصدمه وهو يدف ناصر: تستهبلوون!!
ام محمد ناظرت فيه وهي تتقدم وتمسك يده: فهد ياولدي لو ما تصرفنا الحين شموخ وولدك يمكن كلهم ما يبقون لك
قدمت ام عزيز بجديه: فهد عمتك ساره تعرف وش تقول و وش تسوي خلها تتصرف
وليد تقدم وهو يسحب فهد والبنات ركضوا يشيلون كل شي بالخيمه ويدخلون شموخ
ام محمد جلست قدام شموخ الي كانت تصارخ ب الم : شموخ ياامي انتي بتولدين هنا سوي كل شي اقوله لك وبإذن الله يطلع سالم
شموخ ناظرت فيها وهزت راسها وهي ترجع تنزله وتبكي وصراخها كان واصل للعيال الي واقفين برا
ام محمد ناظرت فالبنات كلهم: الي ما راح تقدر تتحمل من الحين تطلع والي بتقعد بسرعه جيبوا لي منشفه ومويه حاره ومقص
رغد بدا يتسارع تنفسها والدنيا تدور بعينها انتبهت لها هدى وهي تركض تمسكها قبل تطيح: رغد رغد شفيك
رغد ناظرت فيها ودموعها بعينها: هدى تكفين طلعيني شموخ لا يصير لها شي قدامي
هدى طلعت رغد وفزوا العيال لما شافوها وركض سعود وهو يمسك رغد: شفيها!
هدى: ما قدرت تشوف
سعود حضنها وهو يطبطب على ظهرها بحنيه عشان تهدأ واخذها بعيد لمكان ما يوصلها فيه صوت شموخ
فهد مسك راسه وهو مو مستوعب وش المنظر الي رغد ما قدرت انها تشوفه وناظر فيه وليد: فهد!! انت اقوى من كذا
التفت عليهم فالح وناظر بفهد بجديه وعصبيه وهو يتقدم بسرعه وبحركه سريعه صفقه على وجهه: استرجلل!!! الي داخل مو زوجتك وبس! هي اختي بعد انت بهاللحظه لازم انك توقف جنبها مو تمسك راسك!! اصحى يا فهد
العيال انصدموا لما فالح ضرب فهد بس ناظروا بفهد الي وقف بثبات بعد كلام فالح وهو يوقف جنب العيال وينتظر معهم الخبر